أنا شاب مصري قضيت حياتي كلها سفاري في محافظات مصر من أسوان لمطروح للعريش وعملت كل حاجة بتبقى في دماغ الشباب بنات وشرب وحاجات كتير بس ما وقعتش في الكبائر والحمد لله ربنا كرمني وسافرت المملكة وقررت إني أبطل كل حاجة مش كويسة وأقطع كل علاقاتي مع كل البنات اللي كنت أعرفها وفعلاً هو ده اللي حصل حتي البنت اللي كنت بحبها وكنت ناوي أحافظ عليها معايا علطول قلت أشوف مصلحتي وعشان ربنا يكرمني بعد سنة من الغربة بالظبط بدأت أشتاق لكل حاجة كنت بعملها وحسيت بحب جنوني ناحية البنت اللي كنت بحبها لدرجة إني بقيت أحلم بيها يومياً والله مع العلم إنها اتجوزت أخو واحد صحبي وشوية شوية بدأت تزيد عندي الرغبة الجنسية مع إني كنت الحمد لله لا تعنيلي أي شئ الأول ودلوقتي بدأت أحس إن أنا فقدت كل شئ كويس في حياتي وجالي فراغ عاطفي دبروني يا شباب .
مشاكل الشباب مع البنات
فراغ عاطفي في الغربة
اضيف بتاريخ: Monday, November 8th, 2010 في 22:30
كلمات مشاكل وحلول: البنات, الرغبة الجنسية, الشباب, شاب, مشاكل الشباب, مصري
يا صاحب المشكلة مش عاوزك تزعل مني من كلامي ليك
اولا انت لو توبت توبه صح مكنتش تعلق وتقول انا عمري 22 سنه ولسة بدري على الزواج
اسمحلي اقولك انت بتضحك على نفسك وبتخدع نفسك وبتهرب من مشكلتك مش بتواجهها
ازاي 22 سنه وصغير وفي نفس الوقت مش قادر تعيش من غير الجنس وتعبان جدا ونفسك ترجع زي الاول
طيب اذا تقدر على الزواج ليه احنا بنخلي الحلال اخر حل يأخي اعزم النية على الزواج وبإذن الله تعالى قبل مرور عام واحد اقسم بالله العظيم سوف يعينك الله وتتزوج وكمان تستقدم زوجتك معك بالمملكة هذه الارض الحبيبة ارض الاسلام والحرمين الشريفين روح اعمل عمرة واقعد قدام الكعبة واعقد العزم انك نويت الزواج علشان العفه وادعي ان ربنا يعينك وبحول الله وانا أقسمت لك لن يمر العام الا وأنت متزوج من قصد الله لم يخب قصده ،،،،
أما أن يقنعك الشيطان ونفسك وهواك أنه لسه بدري خليني شوية انا شباب لسه عندي التزامات فسوف ترجع أسوء من الاول اتقي الله وواجه مشكلتك بكل شجاعة واعلم ان جيدا ان والله الذي رفع السماء بلا عم لن يزيد رزقك ولن يهدأ بالك الا بالزواج فتكون سبب في طفل او طفلة يقول لا اله الا الله محمد رسول الله ،،،
االحل الوحيد انك تتجوز واظن انك اكيد كونت نفسك يعني مش محتاج وقت عشان تجهز نفسك
يا أخي أنا عمري 22 سنة وحاسس إن لسه بدري على موضوع الجواز ده.
اسمع يا اخي لقد قلت انك اردت التوبه وقد فعلت ومن ثم بدات تشعر برغبه شديده صح؟
اذن فعليك ان تصبر فهذه فتنه يريد الله ان يختبر ايمانك وان فعلت هذا ستمر من هذه الفتنه وسوف يرزقك الله انشاء الله زوجه احسن من اللي كنت بتحبها نصحيتي ان تصبر قليلا
وارجو ان يوفقك الله
بجد انته انسان غريب الحل بسيط اتجوز وعف نفسك وتوب الى الله يا اخى دا انت عن الحبيب صل الله عليه وسلم
اتزوج واستغفر ربك عادي اول التوبة بيكون الواحد عندو طاقة كبيرة ومع الايام تقل الطاقة وتقل مقاومته
انت عايش فراغ عاطفي اذا كنت تقدر تتزوج اتزوج واذا لا مالك غير تستغفر وتصلي وتصوم او تملأ اوقات فراغك بشئ مناسب
اولا يمكن انت لو فى بلد فيها بنات ولبس وحاجات كده مكنش يبقى عندك فراغ عاطفى اما انت فى المملكه البنت زي الولد كل الى بتشوفو مجرد خيمه ماشيه المهم انت زعلت لما وجدت حبيبتك اتزوجت وانت ما زلت بس ده شي عادى يمكن لو اتجوزت واحد متعرفوش ولا تعرف عنو اى حاجه كان يبقى الامر طبيعى لاكن اكيد بتكلم اخوزوجها وده بيفكرك بعلاقتك الحل سهل جدا اتصل على اهلك وخليهم يجهزولك عروسه وقتها هتنشغل بالعروسه الجديده واكيد هتتصل عليها ووقتها هيكون زال الفراغ وشكرا