اخويا اصغر مني هو عنده 17سنة المشكلة انه مش بيسمع الكلام نهائي ولا بيخاف من بابا ودايما بيشتمني انا واختي مع اننا اكبر منه . احنا في جامعه وهو مدخلش ثانوي وبيشتم ماما عادي وبيحرجنا قدام الناس عادي وبيعلي صوته حتي وبابا موجود في البيت .. بقيت حاسه اننا خلاص فقدنا الامل فيه وبقي يشرب سجاير من ورانا بس احنا عرفنا انه بيشرب وانا كل مرة اقول لبابا اضربه لما يعمل حاجة غلط عشان يتعدل معانا وبابا ولا كأني قولتله حاجه بيطنش و لما هو بيلاقي بابا ساكت بيزيد ..هو لما بيكون عايز حاجة مننا بيتحول لانسان مؤدب وبعدها او لو احنا معلملناش الحاجه دي بيشتمنا وكل مرة حالته بتسوء ،بيخرج وبيجي الساعه واحدة بالليل مع ان بابا كان قايله تعلا الساعه 10 وهو اتاخر زيادة.. وبابا معلملش له رد فعل ولا زعقله حتي ولما بيشتمنا او بيشتم ماما قدامه بابا بيفضل ساكت ولا بيعمله حاجه ولو انا رديت عشان بزعل اوي لما بيعمل كدة في بابا .. بلاقي ان بابا بيزعقلي انا ويقولي سبيه ولا كأنه بيقول حاجه بس احنا بشر ومبقناش نستحمل اللي اخويا بيعمله فينا وماما عملت اللي عليها معاه بس بقي يشتمها وممكن يخبطها وهي تعبت وبابا مش بياخد لها حقها مع انه ابنه الصغير ومش قادر عليه انا حالتي النفسية مدمرة بسبب اني بشوفه بيهين مامت قدامي وانا لو رديت ولا زعقتله بيشتمني انا كمان وماما بتقولي اكتس مش عايزين فصايح اكتر وعلاقتنا كلنا بقت سيئة جدا مع بعض .. عشان انا واختي بنقول لبابا انه السبب عشان مش بياخد حقنا احنا وماما لما بيعمل فينا حاجه ومهما بنعمل اخويا بقي اقوي مننا جسمانيا وممكن يضربنا وبابا لو حكتله مش بيعمل حاجه له ممكن يقول كلمتين في الهوا له كدة واخويا الكلام مبقاش ينفع معاه .. وانا بقوله اضربه وبعدها هيتأدب ومش بياخد برأيي …قولولي نعمل ايه معاه ربنا يكرمكوا .. واسفه جدااا علي الاطاله
ابوك هو سبب المشكلة ويعطي اخوكم المراهق مبررا لكل مايفعله معكم من قلة ادب وسب وشتائم لانو من امن العقوبة اساء الادب وعارف انوابوكي مش يعمل له حاجة فيتمادى اخوك في تصرفاته الغير اخلاقية والسلوك المشين ده كثرت الدلع من ابوكي لهذا الولد بوظه وجعله ولد بلااخلاق ولاتربية وقليل الادب وممكن ده يزيد في انحراف اخوك مع رفقاء السوء الذين يخرج معهم ويسهر معاهم طوال الليل ومايرجع الا وش الصبح للبيت دون احد يحاسبة اويسال عنه كنت فين ولامع مين وايه اللي اخرك لهذا الوقت اذا ابوك دوره سلبي مع هذا الولد فلازم امك تتدخل في الموضوع وماتتركش الولد يضيع وترجع تربيه من جديد حتى يتعدل سلوكه لوتطلب الامر الضرب فليكن مع الحزم والشدة ومحاسبة الولد على كل صغيرة وكبيرة يعملها معكم او في حياته لازم الولد يتادب ويتربى من ثاني انتم كمان اخواته الكبار لازم يحترمكم ويعمل لكم حساب لوتطاول علىيكم واساء الادب معكم اومع الماما من حقكم تضربوه وتعنفوه حتى يعرف فداحة الخطا اللي عمله ويحترم ويوقر الكبير فيكم اتمنى ان ابوكم يرجع لرشده ويقوم بواجباته كااب مسوول عن صلاح وتربية ابناءه ويعطى الموضوع حقه من الاهتمام بالولد وسلوكه المشين قبل فوات الاوان ولايتخلى عن دوره وواجبه نحوكم جميعا الادب فضلوه على العلم واذا كان عاجزا عن هذا فلتقوم الام مكانه وتكون هي المسوولة عن تصرفات وسلوك هذا الابن وتصلح مافسده هذا الاب وتحمي ابناؤها جميعا لانو سلوك الفرد الواحد ينعكس على الاسرة باكملها ويوثر على جياتهم وعلى سمعتهم امام الناس ويجلب لهم المتاعب والمشاكل التي لاتحمد عواقبها والله يصلح حال اخوكي هذا ويهديه ويسترعليكم جميعا ويكفيكم كل سوء اللهم امين