انا باختصار كنت فى السعودية فترة استمرت 9 سنوات وادخرت مبلغ 600 الف جنية متزوج وعندى اطفال ونزلت بكل ايرادتى من الخارج على اساس انى اقوم بعمل مشروع خاص وهو مكتب توزيع مستحضرات ومنظفات ولكن بعد نزولى اختفت الرغبة والقوة والحماس وسيطر على الخوف وعدم القدرة على التنفيذ لماذا لا اعرف مع العلم انى لا يوجد عندى التزامات المخازن والمكتب كلة موجود ولكن مع ظروف البلد رجعت افكر في السفر تانى ولكن ايضا السفر اصبح ثقيل على ايضا لانى سابدا من جديد وساترك عائلتى فانا في حيرة مع العلم انا لا يوجد عندى خبرة فى المجال دة بس انا حابب المشروع فقط يا ريت حد يكون عندة كلمة تدلنى على الطريق الصحيح واشكركم
شوف يااخي انته والحمدلله جمعت لك مبلغ محترم 600الف جنيه طوال فترة الغربة عن بلدك واهلك لكن عاوزك تفكر في استثمارهذالمبلغ في حاجةمفيدةومربحةلك بلاش فكرة توزيع مستحضرات والمنضفات لانهاعملية مكلفة وتحتاج لمستودعات ومخازن وايدي عاملة ودي من الناحية المادية مكلفة جدا اقترح عليك تفتح محل سوبرماركت للموادالغذائية وصدقني فيهاالخير والبركة وسوقهاماشي عال العال بس عليك تشوف الموقع المناسب يكون في حتة راقيةومكتظة بالسكان وربي يوفقك ويفتحهاعليك ويكرمك
اخى الكريم انا لا اجد فيما قلته مشكله غير الحيره والقلق على ما ادخرت وتعبت فيه طوال السنين وهذه ايضا هى مشكلتى انا اعمل فى الامارات وقررت ان اعود الى مصر كمان شهر واعمل مشروع واستقر ولكنى فى حيره من امرى فانا اخشى على مدخراتى وتعبى طوال هذه السنين ولكن عندى بعض المشاريع افكر فيها وان شاء الله تكون ناجحه وممكن نتوصل مع بعض لعل بعضنا يساعد الاخر وسيبك من الغربه ضياع عمر على الفاضى وهترجع هترجع وهتفضل فى نفس المشكله والحيره فلحق نفسك من دلوقتى قبل ما عمرك يجرى وقيمة مدخراتك تقل وحماسك ينطفىء والرزق على الله ولا تخاف من الفشل فلولاه ما عرفنا النجاح والرزق على الله