ازاي اختار العمل المناسب ليا

انا عندى 26 سنة متجوزة من 6 سنين اتجوزت وانا فى الجامعة عندى طفلين معايا ليسانس اداب مخلصة دراسة من 4 سنين وبعد كدة خدت كورس icdl ومن ساعتها بدور على شغل مع العلم انى حاليا فى بلد خليجى مع زوجى,المشكلة انى بدور على شغل مش بتخصصى يعنى دورت على شغل بشهادة الكمبيوتر لغاية ما زهقت ومن سنة خدت كورس اوتوكاد.وجوزى كان بيجيبلى شغل بالقطعة(جوزى مهندس) بس الشغل دة كل فين وفين يعنى زى قلته,المشكلة اننا توهت نفسى يعنى انا دارسة لغة فى كلية اداب وبعدين دورت على شغل بالكمبيوتر(مدخلة بيانات ببرامج الاوفيس) وبعدين اشتغلت بالقطعة ببرنامج الاوتوكاد,انا دلوقتى مش عارفة الافضل استمر فى الاوتوكاد بس اشوف مكاتب ولا ارجع ادور على شغل ببرامج الاوفيس ولا احاول اراجع اللغة اللى انا دارساها او اخد فيها كورس لانى طبعا نسيتها من قلة الممارسة ولا احاول استفيد من كل دة مع بعض بس مش عارفة ازاى؟انا حاسة ان مشكلتى انى مش عارفة انا عايزة ايه وبجد محتاجة حد يوجهنى

مشاكل وحلول ذات صلة

• زواجي من غير مسلم
• أعشق بجنون رجل غير زوجي
• تغير زوجي وخلافاتي مع أهله
• زوجي تغير بعد الزواج وتغيرت وعوده
• سوء تفاهم ربما يؤدي إلى فسخ الخطبة
• عريس متقدملي اهلي مقتنعين بيه وانا رافضه
• زوجى على طول ضدى