ضاعت فرصي في اختيار شريك العمر

سني 39سنة لم اتزوج حتي الان وكلما مر بي الزمن ضاعت فرصي في اختيار شريك العمر وبدات احلامي في التنازل وارضي باي حد لاني مش صغيرة… لازم اتجوز عشان الحق اخلف.. كل الرجال اللي اتقدمولي غير مناسبين بالمرة.. السنة الاخيرة اتقدملي واحد مطلق وعنده طفلين اصغر مني بشهور هو طيب لكن عنده مشكله بانه فاقد الثقة بنفسه وبقدرته في التعامل مع الاشخاص بمعني بيخاف يتعامل مع شخص لاول مرة وخوفه ده اصبح فوبيا لدرجة انه ممكن بتوه في مشوار ولا انه يسال حد في الشارع كمان هو كثير الكلام معايا وبيزعل وبيتقمص بسرعه… انا ادركت من البداية انه محتاجني وبدات اعلمه ازاي يتكلم وازاي يتعامل وبالفعل حسيت انه بدات يتجرا علي الحياة…وبمرور الوقت عيوب تانية فيه بتظهر زي العند والاصرار علي الغلط واقل كلمة تزعله… كمان انفعاله باي موقف في الدنيا زايد جدا جدا بمعني اقل مشكلة صغيرة وتافهه جدا تخليه يكره نفسه والدنيا… كمان هو مش عارف معني الرجولة لانه متحطش فيها كتير وكان بيعتمد علي اهله يعني متعلمش يبقي قد المسؤولية وكل شويه يقولي تعبان حاجة بتوجعني مش قادر…. انا مش بحاول ابوظ صورته قدامكم لكن هو فعلا طباعه سيئة جدا ولو ارتبطنا هكون انا الراجل مش هو وللعلم تصحيحي لطباعه وتصرفاته بدا مش بينفذها اصل اكيد دور الناصح طول الوقت مش حلو وهو عنده حق بس انا دلوقتي بدات ابعد عن دور الاستاذ واتفرج من بعيد… النتيجة انه مش عارف يعمل اي حاجة في الشقة بتاعتي اللي انا اديتهاله عشان مفروض نتجوز فيها وعاوز يقولي قوليلي اعمل ايه

مشاكل وحلول ذات صلة

• حلم يقرأ القرأن مع شعوري بفرح و سعادة
• هل اعتبرها زوجة المستقبل ام انها وهم وخداع
• مراتي كذابة وتصطنع المشاكل باستمرار
• حامل بطفل من غير زوجي
• حبيت شخص كدب عليا وخبي انه متجوز وعنده 3اطفال
• تفسير الانجاب ولبس الذهب
• زوجتي خائنة ولم اعد احتملها