خايفة اعنس و مو عارفة لمين اشكي همي

سلام عليكم ورحمة الله وبركاته .
الله يفرج همه يلي بدوا يفرج همي وينصحني بحل …
, انا عمري 21 سنة وبهاي سنة بطبق 22 سنة تخرجت جديد من جامعة وبتعرفوا البنت من بعد ما تتخرج ما بظللها اشي غير تروح عبيت جوزها ولكن للآن ما تتقدملي حد مع اني حلوة وبهتم بحالي وبلبسي وطريقة حركتي وكلامي ..الخ من المواضيع يلي اي انسان بيهتم بالاناقة واللباقة بيطلع عليها ..وفي كثير ناس وانا ماشية بشارع بلاحظ نظرات الاعجاب و اي شب كمان بجامعة كان بيلفت نظري او حتى نجيب سيرته انا وصحباتي مهما كان الكلام بالمنيح او لا كنت بلاحظ نظراتهم ل الي واعجابهم بس ما حد تجرأ وحكى معي منهم ……. ما بعرف ليه او وين المشكلة مع العلم اني ما بحكي مع شباب لاني بعرف حدودي كثير منيح وما بسمح لحد يجيب سيرتي بالعاطل ابدا” …
وحتى الناس يلي كانوا يعجبوا فيي وانا ماشية بشارع او راكبة سيارة او بالسوق ويجوا ويحكوا معي ما كنت بحس فيهم اي جدية وما في حد منهم كان معبي عيني لانه كل يلي اجوا وحكوا معي كنت بحسهم بدهم يتسلوا وموا عارفين شو بدهم وابعد ما يكون عن كلمة زلمة يعني ذكور موا زلام ( رجال) ………..انا كثير خايفة من المجهول ومن المستقبل وبعرف انه لازم اتوكل على الله والحمدلله انا متوكلة على ربي وعارفة كثير منيح انه ربي كبير وما بينسى حد بس جد الخوف مسيطر عليي وخصوصا” انه انا اصغر حد بخواتي عيلتي 9 افراد ,5بنات , و 2 ولاد , وما تزوج حد لهلأ غير اختى الكبيرة واخوي الكبير …….وبقينا نحن ال 4 بنات واعمارنا 31 ,29 ,25 , وانا 21 سنة وكلنا خايفين من العنوسة مع انه نحنا كل عيلتنا متعلمين وبنصلي وبنخاف ربنا بليييييييز ساعدوني حد يقدملي نصيحة او يحكيلي دعاء احكي لتيسير الزواج وتيسير جميع الامور

مشاكل وحلول ذات صلة

• تعدي اب على بناته وهتك عرض
• مشكلتي مع ابني وكيف استقباله بيتي من جديد
• بابا رفض العريس بسبب كلام قرايبه
• زوجي يتكلم مع ابنة جيرانه
• طلقت زوجتي بسبب كرهها لاهلي وتدخل اهلها في حياتي
• زواجي بينهار بسبب زوجي واهله
• ﻫﻞ ﻳﺤﺒﻨﻲ زوجي ﺍﻭ ﻳﻜﺮﻫﻨﻲ