انا مطلقة وعندى ولدين صغار السن وعندى 31 سنة وشخص مرتاح ماديا و متزوج وعنده 3 بنات واكبر منى ب20 سنة ويريد الزواج منى ولكنى لا استطيع ان اخرب بيت احد ولكنه هو رب الشغل بتاعى وهو الذى ينفق على اطفالى وحيرانة لأنه اولا بصباص وثانى حاجة هو متردد فى كلامه ماذا افعل ولو تركت الشغل معنديش شغل تانى اذهب له وانا اللى بصرف على ولادى مدارس واكل وشرب وكل حاجة وهو عمال يزن عليا ودانى فى الرايحة واللى جية وعايز زواج في السر رسمى بس من غير حد ما يعرف اعمل ايه ؟؟؟؟؟؟؟؟؟
مشاكل المطلقات
مطلقة ومديري بالعمل متزوج و يريد الزواج مني بالسر
اضيف بتاريخ: Thursday, January 20th, 2011 في 08:07
كلمات مشاكل وحلول: اطفال, الزواج, بنات, زواج, متزوج, مدارس, مشاكل البنات, مشاكل المطلقات, مطلقة
اعجبني رد الاخوة – هاني – رودي – الجهيني – توتا- واتفق معهم في كل ماقالوه للاخت صاحبة المشكلة فهو الراي الصحيح والصواب واتمنى انها تعمل به لمافيه الخير والصلاح لها في حياتها والله المؤفق
زواج في السر دون موافقةاهلك يبقى زنا والعياذبالله ارفضي هذالرجل نهايا وفكري في ولادك واهتم بهم ومسالة انك بتشتغل عنده وخايفة على لقمةالعيش فالارزاق بيدالله عزوجل ربناكريم ومايضيعيك انت واولادك من ترك شيئالله عوضه الله بخيري الدنياوالاخرة اهم شي انك تحفظي شرفك وكرامتك واولادك وهتلاقي الله عزوجل مسخر لك كل اسباب الخيروالسعادةفي هالحياة
تاكدي انه يريدك فقط للمتعةالجنسيةواشباع رغباته ولايقدريصونك اويحفظ حقوقك وعندمايمل منك يرميك ويبحث عن وحده غيرك فلاترخصي شرفك وجسدك لواحد سافل ومنحط وغير اخلاقي بالمرة وانت ام اولادومطلقةربي ولادك بالحلال وعيشي لاجلهم تنالي الخيروالسعادةوربي بيارك لك فيهم ويرزقك برزقهم اتركي العمل عنده فورا ولك رب في السماءبيده خزائن السموات والارض يتكفل برزقك انت وولادك ولن يضيعكم ابدا
مشكلتك حلهابيدك انتي يااختي 1-هل يرضيك ان تخرب بيت غيرك على حساب سعادتك 2-هل تقبلي الزواج في السر ودا حرام شرعالابدمن اشهارالزواج امام الناس 3- مافكرتي ان الزواج من رجل هذا وهوبصاص للنسوان لايمكن ان تملي عينيه وممكن يرميك ويفكرباية وحده تعجبه من النسوان دول اتقي الله في نفسك واولادك خيرلك ان تبقي مطلقة ولاتتزوج من الانسان دا وربي يكرمك بخيرمنه
لا تتسرعي ممكن تتزوجي واحد احسن
اختي العزيزة انتي ام لولدين وهماامانة في عنقك الله سايلك عنهمااهتمي بهماوقومي علا تربيتهماوالله رازقك برزقهماوالراجل هذالايصلح ان يكن زوجا لكي لفارق السن بينكماولانه متزوج بامراة اخرى ولانوبصاص للنسوان مثل ماذكرت فاخلاقه تدل على سوءه ويريدزواج يكن في السروهدا هوالزنا فلاتغضبي الله في الحرام واولادك هم اول الضحايا
طبعا تزوجيه افضل وان شاءالله انه مع الوقت يخبر مراته
نصيحة بان تكوني اقوى واكبر من الاغراءات التي تقعين تحت ضغوطها وخاصة انك ام لاطفال لكن مثل هذا الرجل وبهذا العمر لن ينفعك وغرضه لن يتجاوز اشباع الرغبات الجنسية وخاصة انه يطلب زواجا بالسر وفقك الله ولك الراي اولا واخرا
جواز السر زنا لشرط الاعلان
أختاه أساس الزواج الإشهار
وطالما أنه زواج سري فإنه زنا والعياذ بالله..
لا تقبلي به وليفعل ما يريد..
قد يفتضح أمرك إذا وافقتِ ويعلم أبناؤك بعد ذلك وسيكون عارا عليهم ذلك..
لا تقبلي فهو حقير
لا تقبلي فلك الله
لا تقبلي فالشرف أغلى من المال
بل أغلى من الحياة كلها
وشرف أهلك من شرفك فليس شرفك وحدك..
اختى العزيزة ما دام فى الحلال لماذا لا سلمى الامر لله ان كنتى ترضين بقدر الله فيما يختاروة اليكى
والله طلما لم يصن بيته يبقاا الراجل مش تماام وطلما بص على وحداا هيبص والله على الف
ابعدى عنيه وانتظرى والله نصيبك جاى وتذكرى ان كل شئ قسمه ونصيب
وادعو الى الله ان يرزقك ابن الحلال الصالح وطلما انتى فاكره ربنا اكيد ربنا فاكرك
ربى عيالك لوحدك وعيشى ليهم وانسى نفسك شوية وكفاية خربتى بيتك عايذة تخربى بيت غيرك كمان عيشى لعيالك بس
انت بتقولى انة بصباص
يبقى هاتوافقى علية ازاى
دا هايتجوزك فترة
وهايطلقك تامى
لامة لية غرض معين
هايوصلة وخلاص
والا كان طلب منك يتجوزك قى العلن
يعنى لو خايفة على الشغل
هو كدة كدة هايوصل لغرضة وهيطلقك وهايمشيكى من الشغل
يبقى خدبها من ثصيرها
بلاش
طبعا بلاش جواز فى السر انتى كدة بتهينى نفسك وكرامتك وحرام تخربى بيت مراتة دة واحد عاوز يعمل معاكى علاقة بس عاوزها فى الحلال وبعدين انتى هتندمى اوى بعد كدة والشغل دة حاجة بايد ربنا ربنا هو اللى بيقسم الرزق مش صاحب الشغل اكرملك تسيبى الشغل دة فورا وترفضى العلاقة دى وربنا هيبعتلك رزقك ورزق ولادك اتوكلى على اللة وربنا معاكى
من رايي بلاش جواز والشغل ربنا حيبعتلك غيره اهم حاجه عيالك وعندك حق ماتخربيش عليه وذي مابتقولي انوا بصباص ممكن يجوز عليكي تاني مايهمش حتي لو قال بحبك انت اجوزت قبل كدا وعارفه ان الرجاله مالهمش امان ماتصدقهوش عيالك اهم واذا كان علي الشغل اكيد حتلاقي وخلي بالك من عيالك هما الا حينفعوك مش هو ولا اي حد تاني هما الا حيقفوا جنبك في كل حاجه وربنا يعينك علي تربيتهم وربنا مابيناس اي حد بيذكره والا بذكر الله تطمئن القلوب خليكي في حالك حاولي ماتكلمهوش كتير وحاولي تدوري علي شغل غيره انا ماعرفش بتشتغلي ايه ولا خريجه ايه حدحدعيلك والله تلاقي شغل وتسيبه واوعي لو فكرت تجوزي اوعي جواز سر ممكن يسيبك في اي لحظه وانتي عارفه الرجاله كويس مالهمش غالي ولا عزيز ولا حبيب
مرحبا سيدتى
اولا الزواج هو اقتناع وقبول للطرف التانى ويكون فية علامات للنجاح والاستمرار وممكن تكون حياة مستقرة .. صح
طيب انتى بتقولى متزوج وعايز زواج بالسر = يعنى مش قادر يعلن ولما يتعرف مش معروف موقفة منك واغلب الظن حايسيبك , ثانيا بتقولى اكبر منك ومتردد و بصباص يعنى مش مقتنعة بية حأخلاق رجل .. صح
هل دى عوامل نجاح واستمرار ولا فشل لزواج ؟ ثالثا موضوع الأرزاق دا على الله وحدة ومش دة الشغل والرزق الوحيد عن طريق الرجل دة وبالتالى مش منطقى تتزوجى عشان الخوف من الفصل مع العلم كما اتفقنا انة مش مضمون النجاح والأستمرار بالزواج وكما فى حالة فشل الزواج ستفقدى عملك عندة عشان كدة عايزة سرى .
وبناء على كل دة فالصورة واضحة لكى اما تكونى ادركت نسبة الفشل والمخاطرة بهذة الزيجة وياصابت ياخابت مش مشكلةومش فارقة اهى جوازة والسلام مش فارقةمعاكى
( ودة انتى اللى تحددية ) ,
او ماعندك استعداد لخوض التجربة بمخاطرتها فتمتنعى من البداية
وضحت الصورة ؟ المهم تكونى عارفة ابعاد الموضوع واللى حايترتب علية وتقررى تقبلى النتائج ولا الأفضل ترفضى وايضا تتحملى النتائج وهى اقل من خوض التجربة .. وتذكرى ان الرزاق هو الله بشرط السعى والأجتهاد فى البحث عن الرزق الحلال ..استشرتينا فستخيرى الله ربى يهديكى للصواب, تحياتى لكى اختى الفاضلة ويايرت لما تصلى لحل وتنفذية تشاركينا معاكى .
لا سر لالالا لو حابك في العلن ومراته تعرف يبقه علي بركة الله وبعد اكده ده لو تزوجك في السر يبقه عاوز يقضي معاكي يومين وبعد مايزهق منك يطلقك انتي خليكي في شغلك ومن ناحيه تاني دوري علي شغل غيره بره وانتي صرحيه قولي ليه انا هاتكسر علي عيالي ومش هاتزوج وخليكي خشنه في الكلام معاه وصدقيني هاتلاقيه سكت بس مش علي شان الراتب اللي بيدفعه هايتحكم فيكي تغور لقمه العيش اللي متغمصه بذل اهم حاجه كرمتك
اختى الكريمه انتى مطلقه ومحتاجه الى شريك حياه يساعدك فى تربيه اولادك واتعاب المعيشه هو رجل متزوج مفيش مشكله ربنا حلل للرجل اربعه نساء ثانيا انتى قلتى هو رجل بصباص ودى كلمه جديده عليا بسى معلشى انا فاهم معناها لكن صدقينى 99 وتسعه من عشره من الرجاله بصباصه مثله وبعدين هو طالبك فى الحلال ورسمى بسى عايزها سرا حتى لايتسبب له مشاكل من ناحيه اخرى فلا مانع ان تتزوجيهطالما انتى مرتاحه له نفسيا بشرط ان يكون زواج رسمى علشان لو حصل حمل او شئ من خلافه وربنا يهدى سرك يارب واهم شئ تاخدى بالك من اولادك بارك الله فيكى
الرزق فى يد الله وليس فى يد بشر ولو انت رفضت رفض صريح هايدور على غيرك بس انت ممكن تبحثى عن شغل تانى مناسب لمؤهلك حتى لو بمرتب اقل الا لو عاجبك فكرة الزواج منه ومعترضة بس على كلمة جواز فى السر وخلى بالك بدأت بحكاية جواز سرى وبعدها هاتبقى عرفى دا بيعيش مراهقة متأخرة واكيد انت مش اول ولا آخر واحدة يحاول معاها ومادام متردد يبقى اكيد خايف من مراته أو عايز يتسلى واذا اخد اللى عاوزه هايطلقك ويشوف حاجة جديدة يتسلى بها وانت اكيد محتاجة لاستقرار فى حياتك عشان اولادك بس اللى مش فاهماه ليه مش بتاخدى نفقة لاولادك من طليقك دا حقكم
اوعي توافقي وربنا هو الى بيرزق قال السول صلى الله عليه وسلم ( من ترك لله عوضه الله)
اتركي هذا الانسان لو فضل يكلمك وسدقينى ربك كريم وان شاء الله دوري على شغل تانى وهلاقي وبرده ربنا ان شاء الله هيكرمك بواحد يعوضك احسن منه واصغر منه لكن ده كبير عليكي ولو انتى مش حباه يبقه خلاص سبيه نهائي
لو تزوجكى رسمى فى السر ويكون اولادك معاكى ويكون فيه حفظ حقكى هو رجل كويس لانه لايبغى الحرام ويكون بالحلال لان ممكن اولاده لايرغبون ذلك وفى نفس الوقت عايز يحافظ عليكى
بس من الافضل ان تكون محل اقامتك بعيد عن اى حد تعرفية واهم منه هو ان تحافظى على اولادك ثم اولادك.
استخيرى الله والله الموفق
بصى ياختى لو جواز ماشى طالما دا سبيل لانقاذك بش شرعى وبشهود ويد ماذون بمعرفة اهلك وانا واثق انك هتبقى محطة فى حياته فقط لا غير بس الظروف ساعات بتحكم على الواحد انه يكون حبيس قدرة دا على فكرا حل بس انانفسى مش مقتنع بيه بس ظروفك صعبة
دا احسن مايطلبك عرفى او يطلبك فى الحرام مقابل شغلك وفلوس عفى نفسك بشتى الطرق حتى لو هتيجى على حساب نفسك ربك فتح باب اقبلى بيه احسن مايكون حد متربص بيكى وتقولى يارتنى كنت اتجوزت وكنت فى ضل راجل وخلاص ربنا يوفقك