السلام عليكم انا فتاه مطلقه عمرى 29 سنه اتجوزت ونا عمرى 25 وكان يكبرني ب10 سنوات وكان مطلق وعنده بنت مع مامتها خلاني اسيب شغلي واقعد فاللبيت اهلي كانوا معترضين بس فى النهايه حصل نصيب واتجوزنا ومارتحتش معاه ابدا قعدت معاه سنتين وبعدين قررت الانفصال واتفصلت بعد مانجبت منه طفله عمرها حاليا4 سنوات بعد الانفصال فقدت الثقه فى نفسي وفي الناس اى حد يقرب مني ببقي عايزه اقتله بكره كل الرجاله وفى نفس الوقت حاسه بحرمان عاطفي قاتل حاسه بوحده وفشل خسرت شغلي وبيتي واخدت لقب تقيل عليا اوى نزلت اشاغلت شغل مشراضيه عنه ومش بحبه عسشان اغطي مصاريفي وبنتي وكل مكان اشتغل فيه مابقولش اني مطلقه ولا مخلفه ومحدش بياخد باله لاني شكلي صغير اوى .المشكله دلوقتي اني بقيت عندى خوف من اللي جاى خايفه من الوحده خايفه اعلن اني مطلقه يطمع فيا اى كلب لانهم بيطمعوا من غير مايعرفوا اني مطلقه اصلا بقيت لما اشوف بنت فى سني ماشيه مع جوزها اتخنق واحس ان عمرى ضاع لما حد يقولي يارب تفرحي ببنتك بحس اني كبرت وعجزت جوايا صراع رهيب وبكره نفسي انى زمان قبلت بوع مكنش المفروض اقبل بيه سبت شغلي اللي كنت بعشقه واللي صعب ارجعله تاني عشان واحد مطلق اناني اتجوز مره وطلق واتجوزني وانفصلنا وعنده استعداد يتجوز واحده بكر تالت وهو مطلق مرتين عادى لكن انا ارضي بمطلق وانا بنت ولما ابقي مطلقه مالاقيش حد يرضي بيا زى مايكون عامله جريمه بعاتب نفسي كتير ليه ارضي بمطلق وانا بنت وليه محدش يقبل بيا وانا مطلقه كان ليا زميل قديم فى ىشغلي بيعشقني ولما اتجوزت بكي ولما عرف اني اطلقت جالي وقالي انه لسه بيحبني زى الاول وماقدرش ينساني لكن هو عارف ان اهله عمرهم ماهيواقو بوضعي كمطلقه ومش عايز يخسر اهله هو مكدبش عليا قالي الحقيقه اللي بتوجعني اوى قالي انا اول فرحه بابا وماما ومايرضوليش اتجوز مطلقه يوم ماقالي كده قفلت عليا باب اوضاي وفضلت اصرخ ليه عملت فى تفسي كده ارضي بمطلق وانا بنت وغيرى مايرضاش بيا وانا مطلقه ليه الظلم خلاص اتكتب عليا اتحرم من نعمه الحب والاستقرار مش هقبل عمرى اتجوز مطلق تاني لاني جربت المطلق ومش هقبل اتجوز واحد متجوز لاني مارضاش بخراب بيت حد والعازب مش هيخسر اهله عشاني حتي لو كان بيعشقني زى زميل شغلي القديم اللي حكيتلكوا عليه ومش هقبل اسيب بنتي لماما واروح اتجوز يعني ايه هى دى خلاص حياتي ياريت اى راجل بيقرا كلامي يرد عليا لاني محتاجه اعرف علي اى اساس بتختارو شريكه حياتكم ليه ظالمين دايما الست المطلقه ليه بتعتبروها عار ليه لما اى راجل بيطلق بيحقله يتجوز بكر تاني وتالت والست ليها فرصه واحد ياتصيب يا تخيب ليه اتجوز مطلق ولما اطلق ابقي عار
اختي السلام عليكم جرى ايه ياقمرالبنات انت زي الفل والف من يتمناك زوجة له واني اولهم صدقينى مش عاوز اللي حصلك ياثر عليك ويخليك تعملي في روحك كدا لالالا الف مرة الدنيا حلوة وجميلة ولسه بخير وهتلاقي ابن الحلال اللي يقدرك ويسعدك في حياتك احمدي الله انك تطلقت من البنى ادم ده وخلصت منه بس انت غلطانة انك ماطلبت حقوق بنتك الصغيرة من النفقة والمصاريف ده حقها الشرعي اوع تفرطي فيه ارفع عليه دعوى عبر المحكمة تلزميه بالتفقة الشرعية للبنت وتبقى في حضانتك حتى تكبر ولايقدر ياخذها منك ابدا اما انت ياعزيزتي عيش حياتك مثل بقية البنات والستات اخرجي واشتغلي ومارسي حياتك على طبيعتها وواجهي الناس والمجتمع وخليهم يعرفوا ان المراة المطلقة احسن منهم الف مرة وانك ماغطتي ابدا عشان تطلقت لانو ماعرفش يقدر الحياة الزوجية ولاقيمتها اكثري من التقرب لله عزوجل في صبلاتك واكثري من الدعاء له بان يفرج همومك ويرزقك بالزوج الصالح في حياتكك وصدقينى ربنا بكرمه سوف يكرمك من اوسع ابوابه وبيستجيب لدعاءك ويرزقكم من حيث لاتعلمون احسني الظن والتوكل على ربك عزوجل فهو ارحم بك من كل البشر حتى من امك اللي ولدتك واسال الله الكريم العظيم الرزاق الوهاب ان يكرمك بابن الحلال الصالح اللي فعلا يستاهلك ويقدرك ويصونك ويسعدك في حياتك ويبارك لك في ابنتك الصغيرة ويحفظها لك ويعوض صبركم خير اللهم امين يارب العالمين
انا كمان في بداية اني اطلق من زوجي الظالم الكداب ربنا ينتقم منه . دخلت على مشاكل المطلقات بسبب اني اختلفت مع امي و قالتلي يلعن ابوكي لابو الي في بطنك لاني حامل انا عمري ما هسامحها على كلامها دا . حاسة اني غريبة عن بيت ابويا و مليش مكان
اختي العزيزة انت بكدا تظلم نفسك وتعترضي على قدر الله عزوجل عليك ومش عارفة انو طلاقك من هالشخص هورحمة من الله لك احمدي الله عليها واشكري فضله انو اكرمك بالبنت الصغيرة الجميلة التي هي نعمة كبرى متى مااحسنت تربيتها تكون لك وقاية من النار يوم القيامة ومش عاوزك تايس او تقنطي من رحمة الله عزوجل فانت مومنة وفيك الخير نشاالله مش معنى انك فشلت في زواجك الاول وصرتي مطلقة انتهى المطاف بك لالالا الدنيا لسه بخير يااختى وخلي املك في ربنا كبير ومتوكلة عليه دائما فهو القادر على كل شي بيكرمك من حيث لاتحتسبي وبيرزقك بالزوج الصالح اللي تقروا به اعينك اكثري من الدعاء لله عزوجل عقب كل صلواتك وتلاقي الله عزوجل مستجيب لدعاك فهو سبحانه وتعالى حليم كريم وهاب لايرد دعاء عباده المستغثينن ارحم بك من امك اللي ولدتك اسال الله رب العرش العظيم ان يعوضك خير مماراح منك ويكرمك بواسع كرمه وعظيم رحمته وان يرزقك بالزوج الصالح ويبارك لك في ابنتك الصغيرة ويسترعليكم في الدنياوالاخرة
السلام عليكم يا أختي الفاضلة ، واكثر ما آلامني في عرضك للمشكلة هو فقدانك الثقة في نفسك قبل أن تفقديها في كل من تتعاملين معهم والأكثر إيلاماً أنك نحاسبين نفسك على ماضي ولى وفات ولن يعود ويجدي نفعاً جلد لذاتك بسسب تجربة وزيجة لم توفقي فيها وكتب الله لك النجاة بالطلاق ورزقك الله بقرة عينك بنت الجميلة ربنا يبارك لكي فيها ويحرسها لك وينبتها نباتا حسن ويرزقك بأخوة واخوات لها من زوج صالح يدرك معنى الزواج من زوجة صالحة وإن شاء الله تنعموا بحياة هادئة هنيئة طيبة عامرة بالسكينة والمودة والرحمة . يا أختى لا تحسبيها بكر أو مطلق أو أرمل إحسبيها بالرجاء والتمني على الله أن يرزقك زوج صالح ، خلي رجاءك في الله كبير وأمل في الله لا ينقطع واحسني الظن بالله بأن نصيبك آت لا محالة وأن الله مدخر لك زوجا صالحا تنعمي معه بحياة زوجية كريمة وجميلة .
إياكي والقنوط من رحمة الله وحذاري ذم حذاري من إستمرارك في فقدانك الثقة في نفسك فكونك مطلقة ليس عيبا فيك وكون أن بعض الناس لا تقبل بالزواج أول مرة من مطلقة سبق لها الزواج فهذا لا يعيبهم كما أنه لن يضرك في شيئ صدقيني ، وكوني على ثقة أن الله تبارك وتعالى يدخر لك من نفسك زوجك صالح يعوض الله به عليك ما فات . فوالله الذي لا اله الا هو أعرف 2 تزوجا لأول مرة من مطلقات وكن لهم نعم الزوجات ورزقهم الله منهم ذرية طيبة .
وأذكرك بأن لومك لنفسك ومحاولة إيجار رد عما يجيش بنفسك من أسئلة لن تجدي لها إجابة وإن جاوبك الناس على سؤالك فإجابتهم لن تغير شيئ من وضعك ومن حالتك ، وإعلمي أن تمنيك على الله ورجاءك فيه وحسن ظنك به والدعاء هم مفتاحك لمستقبل يرضيك ويعوضك عما ألم بك من موجعات وأخيرا أذكرك بأن الله عند حسن ظن عبده به إن كان خيرا فخيرا .
أولا أنا معاكي في كل اللي قولتيه ، لكن مش كل المجتمع كده ، صحيح الاغلب الاعم كده لكن فيه ناس كتير وجدت الحب مع مطلقة وتزوجت منه ومتعايشين حياة جميلة ، أختي الفاضلة لا تحملي نفسك ما لا طاقة لكي به ، ولا تحملي نفسك ميراث فكر مجتمعي عقيم توارثته الاجيال المتعاقبة ، اعطي لنفسك فرصة للهدوء النفسي وإذا كنتي تزوجتي مطلق وانتي بكرا فلا مانع من ان تتزوجي مطلق وانتي مطلقة لأنهم ليسوا سواء ، فمنهم من طلق لأسباب لا ترجع اليه وهو شخصية تتمناها أي فتاة محترمة ، فكما انتي مظلومة فهناك الرجل المطلق المظلوم ، اهتمي ببنتك ودينك واتركي الحب يأتي اليكي زحفا ولا تنسي ان عمرك ليس بالكبير اطلاقا فلازال المجال امامك متسعا متعك الله بالصحة والعافية ورزقك بابن الحلال الذي يعوضك عما فاتك
عزيزتي … تحياتى ليكي لأنك كنتى قوية فالأول واستطعتي تاخدى قرار الانفصال والطللاق وما ركعتيش تحت رجل واحد ذليلة له وصغيرة كما يفعل كثير من النساء عندما يكون نصيبها مش كويس
الدنيا ابتلاءات وكمان في عقاب دنيوي … قرصة ودن كده علشان يفوق ….ويراجع نفسه … عزيزتى … أنت لست عار …ولم يكتب عليكي أنت تحرمى من نعمة الاستقرار والحب ..فلا أحد يعلم الغيب …العار على من يتاجر في بنات الناس بشهواته… وما تقلقييش …كل واحد بياخد نصيبه … ممكن مثلاً ربنا يرزقه تالت زوجة تالته بنت بنوت…وبعد 5 سنين يكتشف انها مكنتش عذراء ويتهبل من الجنان…ويشك في نفسه وفى أمه مثلاً… كل واحد بياخد حقه وكل واحد مكتبوله نصيبه وقدره… المهم ازاي الواحد يتعامل مع أقدار الله …
عزيزتي :
لقد فسد المجتمع وكل المجتمعات على الأرض … وأصبح المحترمون أقل بكثير من أولاد الألبسة …وهذا ينطبق على النساء والفتيات كمان… المرأة دائماً هي الحلقة الأضعف … والأنذال فقط هم من يستغلوا هذا الضعف ليمارسوا عنتريتهم على زوجاتهم
أنت لستى عار …انما العار على من ظلم وهتك واستحل بغير حق … الجئي ألى الله …ربنا كريم … أحياناً الله يبتلينا علشان نقرب منه مش عشان نعترض عليه سبحانه وتعالى
عزيزتى:
أنطلقى للأمام ولا تنظري للخلف … اهتمى بابنتك وربيها تربية صالحة … استعوضي بيها ما فاتك من حنان … اتفق معاكى انك ما تقوليش لحد انك مطلقة …ليس لانه عيب او غلط …لكنه حماية لكي من الكلاب السعرانة وما أكثرهم…
اهتمى بنفسك ونمييها ورقيها وربيها …
المرأة جوهرة ثمينة لمن يعرف قدرها
على فكرة أنا وأنا شاب وكان -وانا برضو لسه شباب- كان عندى 25 سنة اتقدمت لواحدة مطلقة و أهلى معرضونييش … لانها كانت فعلاً أنسانة فاضلة ومحترمة … فقط بابايا فهمنى يعنى تتجوز من مطلقة من باب التوضيح فقط وليس من باب التقليل والتحقير … بس للأسف هي رفضت …نصيب … وما زلت مستعدأنى اتقد لواحة مطلقة ,,, مفيشش أي مشكلة في كده …المهم الواحدة أيه اخلاقها وضميرها وتربيتها … ودينها …
اتوكلى على الله … سيري للامام.. عيشي حياتك محافظة على نفسك واخلاقك … ولو حد اتقدملك .. اشرحيله انك مش بنت وانك مطلقة وعندك بنت … وتقوليها وأنتى عندك عزةورافعة راسك لفوق … ويكون ايمانك بالله الرزاق ….وبعدها لو وافق يبقى ربنا هو اللى رزقك … لو ما وافقش … يبقى نصيبك لسه ما جاش …
ربنا يحفظك عزيزتي … ويحميكي من شر نفسك قبل شر شياطين الأنس والجن
تحياتى
يااختي ياعزيزتي من قال لك انك عار وان اي مطلقة مش مرغوب فيها دي عندجهلاءمن الناس ومتخلفين ولايخافون الله عزوجل ولايقدرون الحياةالزوجية ولايحترمون المراة ولاخيرفيهم على الاطلاق وليس كل الرجال بهذةالصورة كماتظني يااختي الدنيالسه بخير وفي رجال تخاف الله وتتقيه حق التقوى وتعرف ان المراة مثلها مثل الرجل ولهاحقوق وواجبات كالرجل وانها شريكة العمروالحياة ولايمكن للرجل العيش بدونهااوالاستغناء عنها ابدا اختي مسالة انك لم توفقي في زواجك وحصل الطلاق ليس نهاية العالم ولست بااول ولااخر مطلقة في هاالكون قديكون خير لك من الله عزوجل ان تتطلقي من هالزوج السافل الغير محترم ولامقدرللحياةالزوجية قدرها ولاقيمتها صدقينى انك احسن من غيرك من النساء اللواتي ابتلينا برجال وازواج ابشع من زوجك اوطليقك السابق مليون مرة احمدي الله واشكري فضله انها جات على كدا وعرفتي حقيقته انسي الماضي وراءظهرك وارميه من حياتك نهائيا وارضي بالقضاءوالقدر عليك واهتمي بطفلتك الصغيرة ربنايحفظهالك ويبارك لك فيها وثقي بالله عزوجل ولاتهتمي بكلام الناس التافهيين اللي يقولوا دي مطلقة وعيشي حياتك وواجهي المجتمع وانت رافعة الراس معتزة بدينك واخلاقك وتربيتك واياك ان تتاثري بكلامهم نهاية لا تفكري الابنفسك وفي ابنتك وسيب الباقي على ربنا عزوجل تاكدي ان الله عزوجل سوف يجعل لك مخرج مماانت فيه وبيكرمك ويعوضك خير في حياتك هتلاقي ابن الحلال الصالح اللي يقولك انه جاد في الارتباط بك وعايز الزواج منك وتلاقي معه السعادةوالهناءوراحةالبال والاستقرار في حياتك القادمة اتمنى لك التوفيق والسعادةفي حياتك ونسمع عنك اخبار سارة وسعيدة نشاءالله تعالى