انا مشكلتى بجد كبيرة محتاجة حد ينصحنى لانى مش عارفة افكر انا عندى 29 سنة متزوجة من 13 سنة الاول اتجوزت واحد قريبى وكان اهلى غاصبين عليا فية قوى واضربت لحد ماكسرو عظمى علشان اتجوزو وبعد 5 سنين عذاب وافقو بالطلاق وبعدين طبعا كنت لازم اتجوز فحبيت واحد واتقدم للزواج مني واتجوزنا بس طبعا كان لسة شاب متجوزش وفضل يعاير فيا لانة شاب وانا سبقلى الجواز وكان ايدة اطول من لسانة ووصل الحال انة ضربنى وانا حامل وموت الجنين وطبعا اطلقت وفضلت اعانى ذنب مارتكبتوش الجواز غصب والحب والطلاق غصب وبعدين حاولت اعيش حياتى واشتغل واراعى ابنى المهم فضلت مخنوقة سنين لحد مااتقدملى واحد مش مصرى فضل سنين طويلة يتقدملى وبعدين اهلى وافقو علية وبردو طبعا اجبرونى علية واتجوزتة بقالى 4 سنين شفتة خلالها 6 مرات كل مرة متتعداش 5ايام وبقالى سنتين مشفتوش ولا نزل مصر وكمان خلال السنتين دول مفكرش يسال عنى ولا يصرف عليا ولا اى شىء كل فترة كدة يبعتلى رسالة من رقم جديد اجى ابعتلة رسالة يقوم قافل الخط بعد مايرد عليا ويقولى انتى مملة عايزة اية مشغول تعبان مع العلم انة متجوز غيرى اتنين ومش عارفة بجد خلاص هاموت من القهر ولاحتياج فطبعا كان لازم انزل شغل من سنة واكتر كمان علشان اقدر اواصل وابتديت وطبعا لانى مش كنت معروفة فى منتقطتى بسبب انى كنت اتجوزت بعد اعدادى على طول ومحدش يعرفنى فبتاديت الجيران تشوفنى وتعرفنى وابتدا الناس تسال لية انتى لوحدك مش متجوزة والى يتقدم والى يحطلى ورد على عربيتى وجوبات وشغل مراهقين مش عشتة قبل كدة منكرش انى كنت مبسوطة بس حزينة علشان غيابة طمع فيا الناس وفى نفس الوقت انا ست وليا طلباتى واحتياجاتى الخاصة هو فين منهم وهو عارف كل دة انا مش حبيبتة بس هو بحنيتة عليا فى بداية جوازنا خلانى احترمة لكن بجد وحدتى طالت قوى ايام وليالى هو فى حضن غيرى وانا لوحدى مش خايف عليا طب مش خايف منى مش عارفة المهم رفعت قضية خلع وخلعتة والحمد لله المهم بقى انى جارى بتاع الورد دا اتقدملى وبقيت ارفضة لانة متجوز بس لية ظروف كدة غريبة ان اخو الكبير اتوفى واتجوز مراة اخو الى اكبر منة ب8 سنين علشان يربى بنات اخو المهم اتجوز وخلف وعاش 10 سنين لكن اول ماشافنى من اول يوم شافنى صدفة فضل يبصلى وعينة متفارقنيش لحد مادخل البيت وبعدين اتقدملى وانا رفضتة علشان متجوز وهو احترم راى لكن بقيت كل ماشوفة الاقى عينة تدمع وعايز يقولى حاجة بس بيمنع نفسة وبعدين بعتلى رسالة مع اختى انة بيحبنى بجد ومستعد يضحى باى شىء عشانى ومش جزاة جوازة من زوجة اخو غصب عنة علشان بنات اخو وكان سنة لسة صغير 21 سنة يعنى مكنش يملك الرفض وهو عمل كدة علشان اهلة والمشكلة دلوقتى بجد انى حاسة انى حبيتة بس مش قادرة اتكلم واهلى قالو الى انتى عايزة علشان مش هنجبرك وتطلقى تانى وكمان اهتمامة بيا زيادة قوى قوى يعنى ادانى الى فقدتة مع زوجى السابق وبعدين انا مش عارفة اعمل اية اتجوزو وابقى على ضرة تانى واتحرم منة تانى وللعلم هو قال لمراتة وهى موافقة لانها مقدرة احساسة بالحب لاول مرة وكمان عارفانى بس لما بشوفها فى الشارع بحس انها بتبصلى بحرقة وبخاف لانى مش عايزة اظلمها مانا اتظلمت قبلها والله والله وحياة صيامى تعبانة نفسى فى حد يقولى اعمل اية خايفة اتجوز واطلق رابع لانى كدة هاموت بجد
اتجوزيه
ارى انك هتحطم الرقم القياسي في عدد الازواج في حياتك دي المرة الرابعة ولا الخامسة اعتقد ان الخلل فيك انت وليس معقول انو كل ازواجك على خطا وانت على صواب المراة اذا كثر طلاقها وتعددت زيجاتها بالفشل فهي غير مقدرة للحياة الزوجية ولاتعرف تصونها وتحافظ عليها احسن لها البقاء في بيت اهلها مكرمة ومعززة وتنسى فكرة الزواج وتقدري تعيش من غير زواج وتربي ابنك وتراعيه حق الرعاية والاهتمام احسن لك من الدنيا ومافيها ربي يصلح حالك ويسترعليك ويبارك لك في ابنك ويخليه لك ان شاءالله
يابنتي اذا يسكنك ببيت لحالك وافقي بدون تردد
لعل الله ان يجمع بينكم على خير
ومن ناحية زوجته الاولي كوني كما الضيفه لماتزوريها ولاتحتكي بها كثيرا
والاهم ان يكون الزوج عادلا بين زوجاته عنها لن تحدث مناوشات الافيماندر
اتمنى لك حياة سعيدة