كنت عيشا فى دبى و انا صغيرة لحد ما والدتى توفت هناك , رجعت مصر مع والدى و اخويا الكبيرو توأمى كنت تعبانا جدآ بسبب فراقى لامى بس مع مرور الايام عشت و كبيرت و كنت متعلقة جدآ بتوأمى اما اخويا التانى فهو كان عصبى جدآ و على طول كان بيضربنى و معملته معايا وحشى و فى الجامعة اتعرفت على جروب بنات و صبيان حبتهم اوى و خاصتآ وحدة منهم اتعلقت بيها جدآ و اخوها برضو اتعلق بأخويا ( التوأم ) اوى كنت على طول باروحلها بتها (هى فى منطقة شعبية اوى ) لحد ما عرفتنى على زميل اخوها انا كنت عمرى ما عرفت احب ولا اعجبت بأى حد كان الماوضوع دة مضايق بابا جدآ المهم انا معرف لية حبيت اوى كدة زميل اخوها و هوكمان قالى انه بيحبنى و كنت الفترة دة سعيدة جدآ بابا لاحظ , بس اخو زميلتى حاول يبعدنى عنه عشان هو مش كويس قالى انه بيشرب مخدرات و مش ماصبوت و علاقاته اوفر مع البنات و كدة اان ماصدقتش و بابا رفض لما عرف و اكبرنى انى اجوز ابن زميله ( ضابط) بس اانا ماكنتش عرفة ابعد عن الولد اللى حبيته دة و لما قلتله ان بابا عايز يجوزني قالى نتجوز عرفى و ضغط عليا و اقنعنى و فعلآ حطيط بابا قدام الامر الواقع و اجوزته عرفي و شفت اسود ايام حياتى معاه بقا 24 ساعة سايبنى و مش معايا و خاد فلوسى اللى فى البنك عشان يصرفها على البنات و المخدرات بتعته و بقا يضربنى و لما قلت لزملتى قالت لبابا و بابا ضغط عليه و طلقنى منه بعدها حاسيت قد اية انا كنت خاينه فى حق بابا و بعدها ب 5 شهور اجوزت ابن زميل بابا اللى كان عايز يجاوزنى قبل كدة و كنت مش شايفاه كان حبى ل طاليقى مش مخالينى شايفة حد غيره قدامى انجبت منه بنت و ولد بس هو زهق منى و مل منى بسرعة و اتغير اوى معايا و اتجوز عليا و بقا يعاملنى وحش اوى بس انا السبب فى كل دة عشان انا بردة ماقدرتش احبه بابا شافوا و هو بيضربنى جامد كذا مرة قالو طلقها و بيتى اتخرب تانى مرة بعد 6 سنين جواز , كنت ساعتها فى صدمه بس ولادى كانوا معايا بس للأسف ماقدرتش احافظ عليهم و كنت عندى فى الوقت دة ازمة نفسية كنت على طول بزعقلهم و بتعصب عليهم اخويا الكبير راح قال ل ابوهم انى هاربلهم عقدة و بكدة راحوا ل والدهم و دة كانت صدمة اكبر بس بعدها حاصلت ظروف و هو قالى انا مش يشرفنى انك تكونى ام ولادى من بعدها و انا اتنقبت شوايا و اخويا اجبرنى انى اقلعه بس اتحجبت حجاب محترم اوى للأسف ابن عمى اغتصبنى , تعبت اوى اوى بعدها اخويا التوأم خدنى نغير جو و سافرنا النخيل و توفى هناك (غرق) كانت دة بالنزبه ليا الضربة القاضية بس اللى خرجنى منها ابو ولادى و طليقى الاول الاتنين عايزين يرجعولى انا مش عارفة اوافق ولا ارفض بس الحب الحقيقى بالنسبة ليا هو جوزى الاول هو اتغير بجد دلوقتى, اما جوزى التانى فهو ابو عيالى لاكن انا عمرى ما حبيته انا دلوقتى 29 سنه
مشاكل المطلقات
زواج عرفي من الاول ومطلقة مرتين
اضيف بتاريخ: Saturday, January 1st, 2011 في 20:58
كلمات مشاكل وحلول: ابن العم, الزواج, الزواج العرفي, الطلاق, حجاب, زوج, محجبة, مشاكل الزواج, مشاكل الزواج العرفي, مشاكل المطلقات, مطلقة, نقاب
انا عارف انك تعذبت كثير في حياتك ومريت بظروف صعبة جدا لكن لازم تكوني قوية وتتحملي وتفكري في المستقبل لك ولاولادك كفاك ماجرى لك في الماضي زوجك الثاني ابو ولادك هو الافضل لكي طالما انه عاوزكي ترجعي له فدا شئ رائع وتنسي الاول اللي تجوزك عرفي بدون علم اهلك ذلك واهان كرامتكي انت واهلكي واصبري عشان خاطر اولادكي وتحمدي الله انهم هيكون بجنبك طوال العمر وعايزكي تخلصي لزوجك ابو عيالك وتحافظي على اسمه وشرفه وسمعته وبيته وولاده وربنا يؤفقكم ويسترعليكم ويسعدكم طوال حياتكم
شوفي يااختي الفاضلة كل واحد منا معرض لهذة الظروف والمحن في حياته وانت ان شاء الله ست مومنة بقضاء الله وقدره فانصحك بالرجوع لله عزوجل والتقرب منه في العبادات والطاعات وبالمحافظة على صلوات في اوقاتها وكثرة الصوم وقراءة القران والاستغفار لله عزوجل ومسالة الزواج والتفكير فيه فانصحك بعدم الزواج منهما الاثنان فالاول كان السبب في كل المعانات اللي انت فيها وبتاع بنات وخمرة الخ والثاني ابوولادك كان يضربك ويهينك ولايقدرالحياة الزوجية وكلاهما لايصلحان لك اهتمي باولادك والاعتاء بهم وتربيتهم التربية الصالحة حتى يجييك نصيبك مع ابن الحلال الصالح اللي يستاهلك ويقدر الحياة الزوجية ويصونها ويسعدك طوال حياتك
اختي العزيزة تالمت اشد الالم لكل ماحدث لك في حياتك وعايزك تعرفي ان كلدا اللي حصلك هوسبب ابتعادك عن الله عزوجل وتماديك وانغماسك في الشهوات والمحرمات والمعاصي وحياة الضلال اللي كنت فيها تلتزم منك التوبة الصادقة مع الله وكثرة الاستغفاروالندم على مافات وعدم الرجوع اليه نهاية وللابد وترجعي تبوسي راس ابوكي وتتسامح منه وتطلبي منه ان يرضا عليك عشان ربنا يرضى عليك ويوفقك في حياتك كلها وتنسي الماضي بكل حذافيره وترميه وراء ظهرك وتعيشي لاولادك ثمرة حياتك من هذي الدنيا وتحسن رعايتهم وتربيتهم التربية الصالحة وتعوضيهم عن كل مافاتهم في حياتهم تجدي الخيروالبركة والرضا وابواب الجنة مفتوحة لك وكفاك زواج وماحصلك في حياتك من اناس ماتخاف الله عزوجل ولاتقدر الحياة الزوجية ولاتحترمها عيش لابناءك ولابوك واهتمي بهم واياك والتفكيرفي الرجوع الى احد منهما لا الزوج الاول ولا الثاني لاخيرفيهما ولاجدوى من صلاح حالهما صدقينى الحياة تجارب ومدرسة نتعلم منها كل ساعة وكل يوم فلا ترجعي بعد ان رزفك الله التوبة وانعم عليك بالهداية وصلاح الحال وعرفت حقيقتهم وذقت منهم المرارة والذل والحرمان ارفق بحالك وباولادك ولاتتخلي عنهم ابدا تاكدي انك لوبقيت لهم وصبرت على تربيتهم والعناية بهم سوف تكوني اسعد انسانة في هالعالم وتحققي رسالتك الصادقة نحو اولادك وتكون نعم الام المثالية في نظرهم ونظر المجتمع كله وسوف يعوضوك خيرا وتحقق كل امانيك وتعيشي في سعادة دائمة وراحةالبال والاستقرار معهم في حياتكم
مع كل احترامي لاراءالاخوةوالاخوات اللي ردوا عليك عاوز اقولك انت الان وصعك مطلقة ومكسورة الجناح ونظرة الناس والمجتمع ماترحم يااختي العزيزة كفاية ماحصل لك في الماضي كان المفروض تاخذي العبرة والدروس من كل ماحصلك وتستفيدي منهافي حياتك فات وقت اللوم والعتاب وجاء وقت الجد والحزم وتغليب العقل والنظر بتفاول للحياة من جديد باشراقة جميلة وامل تاني فيه السعادة والهناء والخير الكبير لك في الحياة وهو انك ترفضي الاثين كلاهما وتعيشي لاجل اولادك وتعويضهم كل مافاتهم من الحب والحنان والعطف كفاية ارجوك انت جربيتى الزواج مرتين وفشلت فيهمامش باقسو عليك لكن عايزك تنهضي من غفلتك دي وتفكري في اولادك وترضي بكل ماقدره الله عليك ساعات فقدان الاحبة من الاهل تجعلنا نعيد حساباتنا في الحياة ونغير من حالنا للافضل ونطلب لهم الرحمةوالغفران من الله عزوجل ونعمل على ايصال شئ من البر لهما كالصدقة عنهما والحج والعمرة لهما وقراءةالقران وايصال ثوابها الى روحهما واحمدي الله ان ابوك عايش معكم ربنا يطول لكم في عمره ويحفظه لكم اهتمي به وعيشي معه انت واولادك وقومي بخدمته ورعايته تلاقي الله عزوجل راضي عنك وموفقك لكل الخير ومباركا لك في اولادك بروااباكم تبركم ابنائكم والاحسان من جزاء العمل وصدقينى لوعملتي كلهذا فانك الى خير والله عزوجل بيكرمك ويفتح لك ابواب الخيروالسعادة والرزق والستر والصلاح طوال العمر كله اتمنى ان اسمع عنك مايسر الفواد ويفرح القلب ويجعلك سعيدة ومرتاحةالبال في حياتك مع ابوك واولادك واخوتك وكل احبابك
انا مش بلومك اواعاتبك راح وقت العتاب والملامة انت الان ام لولدين ومطلقة والحياةدروس وعبر نتعلم من اخطاءناكل يوم ونستفيد منها كفايك تعنت ولهووطيش غلبي مصلحةولادك قبل كل شي واشتري سعادتهم وراحتهم وماتخليهم يعيشوا الايام السودة اللي عشتيها عوضيهم عن كل مافات وارجع لابو اولادك وتحمل كل حاجةمنه لاجل اولادك وانسي ماحصل لك في الماضي دي صفحات سوداءاطويهاللابد من حياتك واقبل الحياةالجديدة مع زوجك ابواولادك وغيري من طباعك ومعاملتك له وتقربي منه وكانه اول رجل في حياتك وبادليه الحب والمشاعرالصادقة فصدقيني انه يحبك لانك ام اولاده وبالحب والاحترام والثقة تسودالحياةالزوجية بين الزوجين وترفرف السعادةوالهناءكل ارجاءالحياة بينكما
ابنتي كان الله في عونك مش بلومك على اللي حصل منك من اخطاءفي حق نفسك وحق ابوك اللي كسرتي كلامه ورحت تزوجت من وراءاهلك من زوجك الاول بتاع المخدرات وكانت النتيجة الاهانات والضرب والطلاق وبعدهاوافقت على زواج من التاني اللي اختاره لك باباك وخلفتي منه وحصل الطلاق بينكم الان انتي ام ولك ولاد فكري في مصيرهم ومصلحتهم قبل ماتفكري في نفسك اواي حاجةتاني ارجع لزوجك ابواولادك وتحملي العيشة عشان خاطرهم بلاش يتبهدلوا زيك كدا وربي يهديك ويبارك لك فيهم ويسعدكم
اختي فكري قبل كل حاجة في ولادك ومستقبلهم انهم يعيشو في اجواءاسرية من الاب والام ويتربو وسطيكم فالافضل لك الزوج التاني ابواولادك وربنا يصلح حالكم ويوفق بينكم
يااخت ماسة اتقى الله انتى فى قلب انثى محطم وقلب ام مكسور راعو ان الظروف بتحكم والنصيب مافيسش منة هروب ربنا اراد لها بدة المهم دلوقتى الاولاد يعيشو فى جو مهىء لهم علشان الدراسة ومستقبلهم اما بلنسبة لصاحبة المشكلة فانسب حل ليها انها تنسى حبها الى دمرها وترجع لابو ولادها لو فعلا هيعاملها كويس ويبتدو صفحة جديدة وكلامى دة مش جذافى دا عن تجربة وزواج وطلاق اكثر من مرة والله المستعان
بجد انت غلبانة اوى وصعبتى جدا عليا الله يكون فى عونك بجد وانت بتحكى قلبى اتقطع مش قادرة انصحك ترجعى لحبيبك الاولانى دة انسية خالص لانو هو كان سبب فى تعاستك وتدمير حياتك منو لله وابو اولادك اتجوز واحدة تانية على كلامك وكان بيضربك فبرضو صعب اقولك ارجعيلو بس انا كام احب اقولك احتضنى اولادك وخليكى قوية علشانهم وحاولى تشوفى حياتك انت وتبنى ليكى حياة مستقلة وانت من حقك الاولاد بدل هما صغيرين واعرفى ان مفيش اى ست فى العالم ممكن تراعيهم ولا تحبهم زيك رجعى ولادك ودية اهم خطوة ويمكن تقدرى تلاقى انسان تانى يحبك بجد ويعوضك عن كل اللى شوفتية فى حياتك بس حاولى تختارى صح المرة الجاية
الانتي بتقوليه ده صعب بس معني كده انك امراءه قويه حاولي تفكري بعقلك المرادي مش بقلبك لان قلبك دمرك ايه اللي عرفك ان الاولاني بقي كويس علي الاقل التاني ابو عيالك وعيالك اوله بيكي انتي جربت فراق الام بلاش تحرميهم منك عشان همامحتجين حضنك اوي وصدقيني هتنسي همك بيهم
الاخت الكريمة لقد قلتي بأنكي عشتي اسوأ ايام حياتك مع من تزوجتيه عرفي لافلاسه وتعاطيه المخدرات وفشله في حياته رغم التحذير لكي وقد اركرمكي الله بالزوج الطبيعي المتعارف عليه في مجتمعنا وهو ما تفعله بنا الايام من عمل ومشقة وخفقات ونجاح الى آخره كلنا على هذا الحال لا يوجد وقت لدينا لقضاء اكبر فترة من زوجاتنا ولكن الحب والتقير والاحترام بداخلنا لزوجاتنا رغم قسوتنا عليهم احيانا نتيجة ظروف الحياة ولذلك بعضكم يعتقدون اننا لم نستطيع ان نجعلكم تحبوننا ولكن اقول هذا نتيجة طبيعية لصعوبة الحياة ارجعي لزوجك ابو اولادك الذي لم يهينك ولم يطمع في مالك وحاولي ان تستوعبي زوجك ابو اولادك بكل صفاته وكل طباعه واذا كان هناك ما لا تحبيه فيه صدقيني بيدك كل شيء بالمحبة والرحمة والاحتواء له بكل معاني الكلمة سوف تغيرينه للاحسن مع خالص تحياتي لكي بحياة كلها مودة ورحمة بين اولادك وزوجك
انا والدي ووالدتي انفصلوا من وانا عمري 3 سنوات واخي عمره سنتين وتربينا في بيت جدتي ام أمي ووالدتي نزوجت لما كبرت وانا مش في حضن والدي ووالدتي كنت بقول لوالدتي كنت أتمنى يتقلع ليا عين واشوفك جالسة بجوار ابي اوعي تغلطي في حق ابنائك لما يكبروا حيعاتبوكي على انفصالك عن والدهم وكلامهم حيألمك جدا فاسمعي نصيحة مجرب وارجعي لأبو أبنائك علشان خاطرهم وعلشان مش يمروا بنفس اللي مريت بيه
مش عارفة أقولك ايه .. انتى مش عارفة تاخدى قرار .. للدرجة دى هانوا عليكى الولاد يا شيخة اتقى الله فى ولادك بدل ما يضيعوا ؟؟؟
للزواج مبدأ واحد 0 ولنا فى رسول الله أسوة حسنه 0 قال رسول الله صلى الله عليه وسلم أذا جائكم رجل ترضون دينه فزوجوه فأن لم تفعلوا تكن فتنة فى الارض وفساد كبير صدق رسول الله 0فهل العابث معك تنطبق عليه ترضون دينه لا طبعا 0 والثانى ما دعاه للزواج بك ان لم يكن يعرف ما حدث او هو علم وأراد ان يرضى الله ويسطر مسلمه او طمعا فى مال او منصب او لحسب 0 فان حديث رسول الله تنكح المرأه لأربع لمالها ولجمالها وحسبها 0 فأظفر بذات الدين تربت يداك صدق رسول الله فأن تزوج بك وليس بطامع غير زوجه تطيع الله ورسوله فأنصحك ان تعودى له ولاولادك وتتوبى الى الله وأستعينى بالصبر والصلاة
بصي يا بنت الناس فوقي لنفسك ولحياتك ولمصلحتك متخليش حد يوقعك تاني والله ما أتغير ده أكيد الفلوس اللي معاه خلصت وبعدين اللي بيحب حد يخش من الباب مش عرفي
فوقي وإانصحي دوسي على قلبك شويه عشان قراراتك كانت كلها غلط وكمان إبن عمك ده إزاي إختصبك كده وسبتيه يعني
ما علينا المهم عقلك في راسك تعرفي خلاصك
الواضح من كلامك انك بتميلى للاول بدليل انك بتقولى انو اتغير ومش عايزة تنسى انو السبب الرئيسى فى تحطيم حياتك وجميع ما حدس بسببة فلا تجعلى عاطفتك تتغلب عليكى مرة ثانية وقبل اى قرار اتجهى الى اللة واطيعى ربك بان تصلى فرودك الخمس فى طاعة وعندما تحسى انك تقربتى لخالقق صلى صلاة الاستخارة وتجدى نفسك ان شاء اللة تخيرتى الصواب واللة يوفقك
الزواج من الاول العرفي غلط
اي راجل عايز من الاول مراتة تكون لية وحدة
انت ابتدايتي غلط حاولي تكوني انسانة جديدة
حاولي تحسسي عريسك الي جاي انك ملكة وحدة
ربنامعاكي
انا معنديش حل او راى بس انتى قوية جدا انا ولد و فاكر نفسى قوى بس لو كنت مكانك كنت انتحرت انتى بجد قوية جدا ربنا معاكى
الاخت السائله/لقد تعايشت مع رسالتك جيدا وكلما اردت ان اخرج من مواقف انتى وضعتى نفسك فيها ::اجد نفسى دخلت فى مواقف اخرى اتخيلك فيها وانتنى تحكيها لنا عبر سطور رسالتك الؤلمه هذه ***نشكر لكى صراحتك ونتمنى على الله ان يلهمنا السداد فى القول والعمل **كأننى اقرأاحداث سيناريو فلم ولكنه حقيقى بطلته فتاه جامعيه جميله كل ماحدث لها فى ذلك الفلم( الحقيقى) لإنهافقدت امها**سيدتى ::لوكنتى سمعتى نصيحه اخو زميلتك ماحدث كل ذلك **ومن الحب ماقتل **البدايه كانت من هنا0الإرتباط بشخص فاشل متعاطى للمخدرات اسلبك إرادتك واخذمالك واسقطك من نظر والدك وإخوانك وغير كل ذلك امام نفسك**وحدث الطلاق ثم تزوجتى ابن زميل والدك **لوإنسانه تانيه مكانك كانت عرفت إن الله حق ونسيت واحد كرهها فى عيشتها وسلب حقوقها وكرامتها 0وحاولت ان تحب و تحترم وتعيش وتربى اولادها ولكن مستحيل طبعا ان تستمر الحياه مع الثانى لانه تأكد بأنكى لم تنسى الاول 00فعجبا سيدتى لقد انعم الله عليكى بالراحه والستر بعد إنقضاء عدتك بسرعه فكان يجب عليكى استثمار نعم الله ونسيان صاحب المخدرات **ولست ادرى كيف يتجراإابن عمك على إغتصابك ؟؟؟فهذه مصيبه اخرى ووفاه اخيكى ايضا لهااثر نفسى قاسى عليكى ورغم كل هذا انتى بعيده عن ربك لاهيه عنه تحبى شخص تافه عديم المسؤليه والرجوله **إن كان ابو اولادك تغير للافضل وتأكدتى من ذلك فننصحك به وسوف تكونى بجانب اولادك وبقربك الى الله سوف تتغلبى على مشاعرك وتنسى كل مايعكر صفو حياتك **لا يصح إلا الصحيح ياسيدتى ابو اولادك هو الاولى بكى **ولكل منا غلطاته وهفواته لكننا ندعو رب غفور رحيم يبدلها حسنات ويجعل لنا من امرنا رشدا 00وتذكرى جيدا ان الله لا يغير ما بقوم حتى يغيروا ما بأنفسهم0
حبيبتي واختي في الله الراجل اللي في داء انه يشرب وبتاع بنات والله عمره مابيتغير وده ابعده عنه حالا اما ابو اولادك فاده اللي دايم ليكي وكفايه انتي هاتبقه في حضنك بنتك وابنك راعي ربك في نفسك زوجك الاولاني ده عمره ماراح يتفق معاكي اللي بيحب حد وعاوز حد بيبقه زواج في العلن من زواج عرفي ارجوعي لابو اولاد واهتمي ببيتك وبنفسك واتقربي من زوجك مافيش حاجه اسمها حب من زوجك الاول اعطي الحب للزوج الثاني واهتمي ببيتك واولادك دي نصيحه كفايه النظرة من عين ابنك وبنتك بمليون راجل
حبيبتي واختي في الله الراجل اللي في داء انه يشرب وبتاع بنات واللع عمره مابيتغير وده ابعده عنه حالا اما ابو اولادك فاده اللي دايم ليكي وكفايه انتي هاتبقه في حضنك بنتك وابنك راعي ربك في نفسك زوجك الاولاني ده عمره ماراح يتفق معاكي اللي بيحب حد وعاوز حد بيبقه زواج في العلن من زواج عرفي ارجوعي لابو اولاد واهتمي ببيتك وبنفسك واتقربي من زوجك مافيش حاجه اسمها حب من زوجك الاول اعطي الحب للزوج الثاني واهتمي ببيتك واولادك دي نصيحه كفايه النظرة من عين ابنك وبنتك بمليون راجل
الله يهديكى
صلى استخارة و اطلبى من الله يهديكىلما فيه الصلاح و الخير
يا بنتى لا الاول ينفع ولا التانى ينفع استنى حبة هتلاقى حد يقدرك وبس للعيزك بحسك المرهف بمعنى ابغدى عن اللى باصص لجسدك لأنه اول واحد هبسيبك بعد المتعة واتجوزى زواج عائلى رسمى وسيبك من العرفى
انصحك بابوا اولادك ..
انسى زوجك الاول ..
خليه ينسى الدنيا معاكي
انتي بايدك تعملي كده .. مش بايده هوه …
بايدك تخليه معاكي طفل بيقولك علطول حاضر ..
وكمان بايدك تخليه زي مراهق متمرد على امه ..
فكري كويس ..
حتى لو اتغير .. الخيانه عمره ما هيسيبها .. داق طعم الحرام .. ولا بيحب الحرام صعب انه يرجع للحلال ..
زوجك الثاني الي بيحبك حبيه .. اتغاضي .. مشي .. اعشقيه علشان اولادك ..
اولادك في طريقهم للضياع .. متنسيش ده ..
وربنا يوفقك للخير
ارجعى لابو ولادك احسن ليكى ….سيبك من بتاع المخدرات ….واية اللى اكد ليكى ان بتاع المخدرات اتغير بجد دلوقتى فانا اعتقد انك شايفاة اتغير لكن هوة زى ماهوة (ديل الكلب عمرة ما ينفرد و لو علقتى فية قالب )…حاولى تنسى بتاع المخدرات تدريجيا الى ان تنسية ..دة ممكن يسحبك للمخدرات معاة و تبقى مصيبتك مصابتين الاولى بزواج محكوم علية بالفشل و التنية تعاطيكى انتى للمخدرات ….لو بصيت للضابط نظرة حب ستجدى فية الحب و كل شىء كويس… والاهم من كدة ان الواحدة لما تيجى تتجوز فتتجوز اللى بيحبها مش اللى هية بتحبة علشان اللى بيحبك حيحافظ عليكى و اللى هية لسة ماحبيتهوش حتحبة نتيجة المعاملة الطيبة ….ربنا يوفقك ويبعدك عن كل شىء حرام وقربى من ربنا حتلاقى نفسك وى الفل …جربى الالتزام مع اللة حتلاقى نفسك فى راحة و طمانينة و سعادة لم و لن تحسى بيها من قبل …اسف للاطالة …شكرا
والله اختى العزيزه
انتى حكمتى على نفسك بجوزك الاول
لانك مياله له
اما الثانى بارتباطك بيه
ستظلمى نفسك
وتظلميه معك
فكرى بعمق
وراييى جوزك الاول
لاسف الشديد ان الناس مبتعرفش تفرق فى انواع الحب الحب مبنى على شيئين اساسيين اولاهما الحب العقلى وثانيهما الحب الغرائزى بالنسبه للحب العقلانى بيعتمد على اسلوب طريقه التعامل مع الحبيب او الحبيبه وله هدجف منشود لو تخطى الحب هذاالهدف فسد الحب ومعناه ومضمونو اما الحب اللغرائزى هو ده للاسف الموجود فى الوقت الحالى الولد او البنت بيبتدو قصه فى بدايتها مجرد اعجاب بعدها تعود بعدها استمراريه بعدها يبتدى كل طرف يكونلو هدف واغلب الاهداف تبتدى بمسك اليد طبعا لو المحبوبه رفضت تبقى كارثه وعلشان متفقدش حبيبها توافق بعدها بنقرب شويه ويبقى مجرد حضن بس مش اكثر البنت بتكون خلاص اتعلقت اوى وملامه بين امرين لو رفضت هيسيبنى ويبعد عنى وهو املى فى الحياه وكل ملازى فى الدنيا بترجع تانى وتوافق بعدها بتبقى بوسه البنت تقول بس كده غلط مينفعش الولد يتركها ويعمل نفسو زعلان وعايز يمشى هيه بتمسك بيدو ماهى مش عايزه تزعلو وتقولو بس علشان خاطرى متتكررش وياخد البوسه بعدها هيبقى ايه تانى اكيد كلكو عرفتو ايه الى هيكون بعد كده لا والادهى من كل ده انو انتى خلفتى امر ربك فى طاعه الوالد واتجوزتى عرفى واجبرتى والدك بعدها الحبيب زل انفاسك وانفاس والدك وحطم معنى وجمال الحب فى قلبك فى الوقت الى كنتى بتحتاجى تعيدى كيانك من جديد وحريتك من جديد جالك الانسان الى هيعمل كده فعلا ويخليكى محترمه قصاد نفسك وقصاد اهلك لاكن انتى مصره على الاهانه وكانو الازلال اصبح سمه بترغبي فيها ودلوقتى اتحطيتى بين خيارين الحبيب ام الزوج ابو الاولاد وطبعا محتاره ترجعى لمين فيهم انا من رايي انو لو لسه عندك شويه من كرامه تستردى كرامتك الى اهدرها الحبيب الاول والى اتجوزك عرفى وترجعى لابو العيال وتعيشى بالنور فيه مثل بيقول ديل الكلب لا يمكن يتعدل والى بيمشى بطريق الحريم يستحيل يعرف يرجع تانى الا فى حاله واحده بس انو يكون اعلن افلاسو وقتها كل الحريم بيدوسوه باقدامهم لانو كان مجرد بنك بيصرف عليهم وعلى نزواتهم لما قفل البنك خلاص مينفش يستمر وقتها بقى ابتدى يبحث عن البنت الى كانت بتحبو لانو خلاص معدش فيه حد عايزو ارجعى لزوجك ابو الاولاد وخلى عندك شويه من كرامه يمكن ربنا يسامحك واقل ما فيها هتكونى جنب عيالك الى همت فلذه كبدك وانتى لازم تبوسى رجل الشخص ده الى حب يرجعك تانى وكونى له الزوجه الصالحه المطيعه وربنا يهيدكى وشكرا