عندى 17 سنه . انا عشت حوالى سبع سنين كارهه اهلى خالص وخصوصا بابا وماما عندى اخ اكبر منى واختين اخويا ده كان بيضربنى بالحزام عشان احفظ قران وانا كان عندى 10 او9 سنين وكنت وصلت لدرجه انى كرهونى فى اصحابى عشان هما بيحفظو وانا لا واخدت عالحال ده سنه وفى مره كنت نايمه وجه اخويا يضربنى ومن كتر الضرب حلفت انى هاحفظ بس يسيبنى وماما كانت شايفه. اليوم اللى وراه ماما جات قالتلى يا كدابه عشان انا فى اليوم ده غبت من المقراه وراحت جابتلى مكنسه وهدوم قديمه وقالتلى انتى ملكيش لازمه امسحى واكنسى عمرك ماهتنفعى فى حاجه وانا طلعت فوق السطح ومسكت طوبه كبيره وكنت بخبط راسى فيها عشان اموت وفضلت اقول يارب خدنى انت عشان مبقاش كافره بس للاسف مموتش وماما لقيتننى كده راحت قالتلى انتى هاتعمليهم عليا ولا ايه غورى اغسلى المواعين المهم ان دا كان فى الاجازه وفضلت عالحال ده ببكى كل يوم واضرب و كمان اختى الكبيره كانت بتتحرش بيا وانا لما كنت بقول لماما وبابا مكانوش بيعملولها حاجه وانا وقتها مكنتش فاهمه ان ده تحرش جنسى وكنت فاكره انها بتهزر معايا هزار رخم ده كان فى الاجازه ولما جات الدراسه كنت انطوائيه خالص ومبقتش بعمل حاجه ولا حابه العب ولا اجاوب ولا اذاكر وخلصت السنه وجات اجازه تانى الاجازه دى اختى كانت بتتحرش بيا برضو لغايه مافى يوم جاتلى الدوره الشهريه ولما رحت قلت لاختى اتخضت وزعقت وقالتلى دى مصيبه وانا فضلت اعيط و بعدين جات سنه دراسيه تانى كنت دخلت اعدادى وكارهه المدرسه جدا ومليش نفس اكلم حد لدرجه الناس كانو يكلمونى مردش واتخنقت وفى الاخر اتعرفت على ولد واقنعته انى بحبه وهو كان صغير مش فاهم حاجه وفى الاخر سبنا بعض عشان انا وقعتو فى مشكله واثناء القتره اللى كنت اعرفو فيها اختى عرفت انى بكلمو وفى مره كانت بتتحرش بيا راحت قالتلى انا بدرب عليكى فعرفت ان اللى بتعملو ده مكانش هزار وهددتها انى اقول لماما راحت هيا هددتنى انها تقول لماما على الولد فانا قلت لماما وهيا كمان قالت مع العلم ان ماما معملتلهاش حاجه وزعقتلى انا انى اتهمت اختى بكده وقالت انى تفكيرى قليل الادب فسكت وفضلت تتحرش بيا وكنت انا اقتعت ماما ان موضوع الولد ده خلض من زمان وعدت السنه دى وانا بكره نفسى خالص السنه اللى وراها حصلت خناقه كبيره بينى وبين اختى ودعت عليا انى متجوزش عشان هيا اكبر منى ب13 سنه وكان سبب الخناقه انها اتحرشت بيا وماما وقتها مكانتش موجوده وكان اخويا موجود فقولتلها هو انتى عشان مش لاقيه راجل تستغلينى راحت ضربتنى ودعت عليا ومحدش دافع عنى غير اخويا نفسه اللى كان بيضربنى زمان وعدى فتره وانا عارفه انها بتكرهنى ودخلت ثانوى وفى الفتره دى كنت بدات اعرف ربنا كويس واخويا بدا يهتم بيا ويعوضنى عن بابا اللى تقريبا مكانش بيكلمنى الا ويخلينى اعيط بس المشكله انى كنت بدات ابص حواليا والاقى اصحابى ابهاتهم مهتمين بيهم وانا بابا كل صبح يدعى عليا الله يحرقك وربنا ياخدك وكان يجى يصحينى قبل معاد صحيانى عشان يضربنى ويزعق فيا مع انى كنت بصحى كل صبح لوحدى وبجهز نفسى واروح المدرسه وحدى بس هو كان لازم يضيقنى كل صبح وياخد هدوم المدرسه يكويها ويحرقهالى ومره خلانى انزل والطرحه بتاعتى محروقه عشان مرضيش انى اكويها بنفسى وقالى انتى هاتبوظى المكواه ولما قولتلو انت حرقتها قالى غورى الهى ترجعى جثه محروقه ونزلت رحت المدرسه وانا ماشيه فى الشارع بعيط وكنت بعمل نفسى نايمه فى الفصل عشان محدش يتكلم معايا واخدت شهرين كارهه نفسى ومش عارفه اذاكر وجبت مجموع عادى مع انى زمان كنت متفوقه نوعا ما وعدت اولى ثانوى وجات ثانيه ثانوى وانا كل مااجى اذاكر اختى تدايقنى عشان معايا فى نفس الاوده ولما كنت اروح اذاكر فى مكان تانى وانسى كتبى فيه ماما كانت ترميهالى فى اودتى والكتب تتقطع وفى يوم قلت لبابا انى عايزه اوده لوحدى عشان انا مش لاقيه مكان لحاجتى ولا مكان انام فيه ولا اذاكر فيه واختى اتعصبت وعصبتنى وبابا زعقلى انا وانا حبست نفسى فى اوده عالسطح وفضلت اكلم نفسى واقول انا بحبك انا مش عارفه انت مين ولا ايه بس انا بحبك انت شايف هما بيعملو ايه ؟ طب هما بيعملو كده ليه انا مش عايزه اقعد هنا خدنى معاك . لغايه ماسمعت صوت بابا واختى بيتخانقو فنزلت تانى ورحت قلت لماما انا تعبانه انا عايزه اموت انا نفسى الاقى بابا بيحبنى راحت قالتلى افرحى رموا حاجنك فى الشارع رحت انا اتعصبت جامد وقلت لبابا انت ظالم انت مش اب وفضلت ازعق ورحت تانى جنب ماما و كنت بقولها انا تعبانه خالص انتو بتعملو فيا كده ليه رحت لقيتو جه يضربنى واتكشف جسمى قدامو وساعتها من كتر الضرب حالى انهيار عصبى وتشنجات وهو كان بيزود الضرب لغايه ماما ما قالتلو كفايه واخويا وقفو وانا اغم عليا وجم يفوقونى قالولى سمى واقرى قران معرفتش واغم عليا تانى وبعدها فوقت وقريت قران عادى واليوم اللى وراه ادونى اوده لوحدى بس لقيت انى بحلم بكوابيس و بيحصلى نزيف وفهمت ان عندى مس وفضلت اقرا فران واصلى لغايه مامشى واهلى كانو بداو يعاملونى كويس خالص بس كنت لسه حاسه باهمال من بابا وغيره من اختى وانا كنت حاسه ان التحسن فى المعامله ده عشان بس انا بطلت اكلمهم وبقيت بتجنبهم خالص وكنت كل ليله اعيط وادعى ان ربنا يفرحنى وفى الفتره دى من كتر قربى لربنا كنت بشوف رؤى وبتتحقق لغايه بوم كنت اقمت الليل ونويت انى اصوم وصليت الفجر وانا دا كلو مش بدعى غير ان ربنا يفرحنى ومعيطش تانى ونمت ساعه حلمت فيها انى قاعده مع واحد وفرحانه جدا صحيت وفضلت ادعى ان الحد ده يكون موجود فعلا وبدات فعلا ادور حواليا وفى الاخر عملت اكونت على الفيس بس مش باسمى وكان على اساس انى ممكن الاقى صورتو مثلا ولقيت حد بعتلى اضافه فقبلتها ومحدش غيره بعت واللى انا بعتلهم مقبلوش .اتكلمنا وكان كلام عادى خالص فى الاخر قال انه معحب بيا انا قولتلو انى هاقرر بعد ما اشوف شكله الاول ولما شفته هو مشافنيش بس انا لقيته نفس اللى كان فى الحلم راح بعدها قالى اسمه الحقيقى وطلع اعرف عيلته واهله بس مكونتش اعرف ان عندهم ابن فى السن ده وتطورت علاقتنا وحبينا بعض وهو كان رافض انه يكلمنى صوت عشان يحافظ عليا بس انا كنت زى الغرقان بيتعلق بقشايه واتكلمنا وبدا يجيلى عند البيت عشان اشوفه لما يوحشنى ومفيش حاجه طلبتها الا وعملهالى ودخلت تالته ثانوى ومحدش كان متوقع انى ابقى فى المستوى الدراسى الممتاز اللى انا فيه ده و هو بقى اكتر حد بيساعدنى فى المذاكره وينصحنى ونفسيتى بقت غير اللى كنت عليه من يوم ماعرفته معيطش ولا مره وبقيت بعامل اهلى كويس لدرجه خلتهم مش عارفين يعاملونى وحش وهو اكتر حد حببنى فيهم بعد ما كنت نفسى اصحى من النوم الاقيهم ماتو وبقى عندى اصحاب مبقيتش انطوائيه وهو مزعلنيش ولا يوم .المشكله انى خايفه مكونش بحبه بجد وانى اتعلقت بيه عشان مشاكلى مع اهلى واهتمامو بيا وخايفه اكون كده بظلمه معايا وكتير بفكر اسيبه بس عارفه انى لو سبته هاترجع حياتى عذاب من تانى . انا بحبه فعلا ولا بحب اهتمامو مش اكتر؟
بحبه ولا عشان بيعوضنى عن اهلى
بسم الله الرحمن الرحيم – عشتي 7 سنوات تكرهين أهلك معناه أنك منذ طفولتك وأنت تعاني من صلفهم – إبنتي أحيانا أجد نفسي أريد توجيه كلامي إلى الآباء والأمهات وأولياء الأمور القائمين على رعاية أمانة البنت في بيت أبيها قبل الزواج – كل كلمة أنت كتبتيها بل كل حرف أنا مصدقه ولا أقول لك بحكم موقعي كحلال للمشاكل لكن أنا حدث ببيتي هذا الأمر وكأنه بناتي التي تحكي وأنا كنت لاأعلم شيئا عن معاملة أمهما لهما إلى أن إكتشفت الطامة الكبرى أن الأم تعاني من خلل نفسي وكانت تعالج منه لدى طبيب نفسي – وكانت تنقل لى الصوره غلط وتهول من الأمور وتصف إفتراءات لم تأتي بها بناتي وأنا كنت أعالج الأمر بكثير من العقل وكنت أردع الأم الظالمة المهم أوقفت هذه المهزلة إلى الأبد وبطلت أسفاري وجلست أرعى إبنتاي – في مجتمعنا الشرقي الرجل مسير خلف زوجته وما تقوله الزوجه لزوجها يقول الزوج الأب وراءها (آمين) وهذا خلل إجتماعي وأسري لابد من علاجه والإنتباه إليه ولا أخفيكي سرا لى إبنتان تكرهان أمهما حتى النخاع بسبب ما لاقتاه منها من سوء المعاملة أثناء غيابي في أسفاري وهما من جعلاني أجلس لرعايتهما واليوم وأريد أن أواسيكي في مصابك الجلل وأقول الجلل لأنه ألم نفسي والألم النفسي يسوقنا إلى ألام عضوية – نحن ينقصنا ثقافات كثيرة جدا غيابها مدمرة وأهمها معاملة الأهل للأبناء والبنات وكلامي أريد توجيهه إلى كل أب وكل أم أن يتقيا الله في فلذات أكبادهما والأخ الأكبرلو كان له دور إيجابي يكون عنده بكل أمانه وليتق الله في أخواته البنات وأختك التي تتحرش بكي هذه إنصحيها وتجنبيها بل واردعيها وازجريها وهدديها بفضح تصرفاتها لدى كل العائلة – مجرد تهديد بس خليكي جاده وحازمة ولا تخافي من شئ – وبالنسبة إلى رؤيتك لفتاكي الذي لجأتي أليه اللجوء العاطفي فهذا راجع إلى حبك للهروب من ظروفك الصعبة وتمردك على المعيشة الظالمة التي تعانيها في أسرتك وليس شرطا جازما أن تكوني أنتي تحبينه من سويداء فلبك – هو فقط لجوء عاطفي لكنك تعلقتي به كالغريق المتعلق بقشه ربنا أرسله لك في توقت مناسب فكوني وسطية العواطف منطقية الفكر وأعتقد أن ماحل بك في حياتك سيصقل نفسيتك وتعرفين عدوك من حبيبك في كل من حولك – انتبهي لروحك وأطردي وساوس الشيطان من نفسك وأنا واثق أنك ستكوني إنسانة ذات شأن وقيمة في مستقبلك شرط أن تستفيدي من كل الظروف التي حلت بك وأنصحك : (ولو جاهداك على أن تشرك بي ماليس لك به علم فلا تطعهما وصاحبهما في الدنيا معروفا)
ثقي أن الله عادل وسيعوضك عوض الصابرين واعتبري كل من حولك عالم مجنون وربنا يوفقك ويسعدك وينصرك واتمنى لك مستقبل سعيد وحياة ناعمة وربنا معاكي يبصرك بطريق الفلاح والنجاح – وتذكري قول الله تعالى فإن مع العسر يسرا إن مع العسر يسرا – في أمان الله
يابنتي الغالية السلام عليكم ورحمةالله وبركاته قرات مشكلتك من اولهاالى اخرها وتالمت جدا لكل ماحدث لك من قساوة وظلم الاهل ولاحول ولاقوةالابالله العلي العظيم اهلك دول مش بنى ادميين ولافي قلوبهم رحمةولاشفقة وحسابهم على الله يوم لاينفع فيه مال ولابنون الامن اتى الله بقلب سليم انت بنت صبورة ومحترمة وربي نشاءالله بيعوض صبرك خير وبيكرمك قدر تحملك وصبرك على اذاهم في الحياة ثقي بالله عزوجل وتوكلي عليه فهو ناصر عباده المظلومين ولوبعدحين اذافي لك عمةواخالة اوجد اوجدة اذهبي وعيشي معهم واترك اهلك وانفدي بجلدك منهم اويتدخلوا لحمايتك من كل ماتتعرضي له من بطش وضرب وقسوة واهانات لايرضاها الله ولارسوله ومسالة اختك الاكبر وماتفعله معك من تحرش جنسي فده قلة ادب وفساداخلاق منها وكبت وحرمان تريد تعويضه معك حتى بالحرام دافعي عن شرفك وكرامتك ولاتجعلي احد يتحرش بك مهماكانت الدوافع والاسباب كوني قوية وشجاعة وحافظي على نفسك وشرفك ولاتضعفي او ترضي بهذالوضع الغيراخلاقي منها اومن غيرها و مسالة الحلم اللي شفتيه انشاءالله يكون فيه فرج لك وخيروسعادةمع الشاب اللي شاهدتيه في الحلم وتحقق امانيك ويتقدم للزواج منك ويخلصك من كل المعانات اللي شفتيهامن اهلك بس اوعي تغلط معه اوترخصي نفسك له مهماكانت الظروف لاتجعلي ظروفك مع اهلك تخليك تفرطي في شرفك اواخلاقك لالالا لوكان فعلا يحبك وصادق في نواياه وعلى دين وخلق يتقدم لااهلك ويخطبك منهم والا فتركيه وانسيه وربنا قادريكرمك بخيرمنه وتلاقي السعادةوالهناءوراحةالبال والاستقرار وفقك الله وسترعليك وحفظك من كل سوء وفرج كربتك اللهم امين