انا عندى حوالى13سنة وكان معايا زميل من الابتدائى وكنا كلنا الفصل كله فى الابتدائى يعنى ممكن نتكلم مع بعض واحنا صغار بس كنا كل لما نكبر نقلل شويا من تصرفاتنا المهم زميلى ده اه فى الابتدائى كنت بكلمه بس كلام عادى وهو لما خلصنا ابتدائى لقيته معايا برده فى الاعدادى لانى فى مدرسة مشتركة اول سنه عادى خالص ماكنتش بفتكره الا لما اشوفه فى المدرسة لكننا انا وزميلاتى كنا عملنا مسرحية فى سنه اولا وكانوا صحباتى المقربين ليا ااووى هما اتنين كانوا بيقولولى انه علطول واحنا بنتدرب فى المسرحيه عينه بتكون عليا ومهتم فيا انا بس وبيمثل معايا الدور حلو يعنى المهم انا كنت بقول على كلامهم يمكن يعنى علشان هو يعنى عارفنى انا اكتر منهم لانهم مش كانوا فى مدرسى فى الابتدائى فهو يعنى عارفنى ومتعود عليا بس كده بس جيت فى سنة تانية وحالى تشقلب وزميلاتى دول اللى كانوا قلولى عليه فى الاول شافوا ان فى علامات بتظهر عليا يعنى بصوا انا لقيت نفسى فاجاة بغير عليه اوى مابحبش اى حد يبصله من البنات اللى معايا فى الدرس وببص عليه على طول وساعات بحس برضه انه بيبص عليا بس على فكره هو محترم جدا يعنى مش بيبص على حد اهو شوفوا دى تانى علامة بدافع عنه على طول ومش لقيا فيه اى عيب وعلى طول بحلم بيه فى احلامى وهو رياضى جدا بيحب الكوره جدا واللى بيحبوا الكوره ورياضيين بيبقوا محترمين ومش عارفه ليه انا وقت ما جربت انى اعمل ريجيم لانى تخنت شويا فكرت فيه هو بالذات مع انى كنت لسه فى اجازة سنة 6ابتدائى بس حسيت انى عاوزه اخس شويا علشانه وبقيت بحب اى حاجه هو بيحبها زى الكوره وبحس انه بيحبنى وساعات بحس لا ومش عارفه اطلع فيه اى عيب خالص شيفاه هو بس فى الدنيا ومش شايفه حد غيره وعلى طول على بالى وخاطرى بس انا عارفه كلكم هتقولوا دى مراهقه ومش مراهقه بس دى علامات حب وبعدين قريت ان اللى بيحب حد اكتر من 4 او3شهور دده بيبقى حب حقيقى فساعدونى ونفسى اعرف هو بيحبنى ولا لا ماشى يلا قوقولى رايكوا
حبيبتى انتى ما زلتى صغيره هيذا مو حب انتى فى مرحله طفوله ليش تشغلين نفسك بالحب هيذا مجرد اعجاب بكرا راح تكبرى وتعرفى انه مو حب وشكرا
مين اللى قال ان الحب لما بيقعد 3او4 شهور يبقى حب حقيقى وبعدين انتى مكونتيش بتحبيه فى الاول وحبتيه بس فى وقت المراهقة علشان دة سن انجذاب مش معنى كلامى انى بقولك سيبيه بس يبقى ليكى حدود معاه يعنى مثلا مش يقولك بحبك تقوليله وانا كمان مثلا اتقلى عليه شوية ومتضعفيش ابدا علشان حبك يستمر وعلى فكرة انا بردو بحب واحد اكبر منى بسنتين وهو بردو كمان بيحبنى بقالنا سنة تقريبا بس هو مش لاقى فرصة انه ييجى يكلمنى علشان بتقل عليه وعلى فكرة الطريقة دى بتجيب اوى مع الولاد لكن لو ضعفتى قدامه هيتسلى بيكى شوية وبعدين هيزهق ومتتاليش اوى اوى بردو عشان ميطفش ويارب اكون قولتلك حاجة افادة ليكى
بصي ي حبيبتي انا أكبر منك انتي عديتي نفس المرحلة اللي انا عديتها والله بالبطولة اللي حكتية بس احنا بقا فعلا كنا بنحب بعض من 6ابتداءي لحد 2اعدادي انا كنسلت الموضوع وبصراحة كنت زعلانه قوى ولما كنت بشوفة كنت ببقي بزعلانه اني سيبتة لكن لما عرفت ان هو صاع ومشي مع ولاد صايعين ندمت اني عرفته أنصحك انك تلغي الموضوع دة انا عرفة انك فعلا بتحبيه لكن صدقيني الحب دة مش هيستمر وكمان هيشغلك عن مزاكرتك وعلفكرة لما كنت بحب والله كان بيشغلني عن المزاكرة وكمان كنت يجيب درجات وحشوان لما سبتة بقيت ممتازة وشاطرة خالص يعني هو كان بيشغلني أنصحك انتي اختي الصغيرة هو فعلا الفراق صعب لكن لما تسبيه دلووقتي احسن متتعلقي بية وتبوظي حياتك بسببة وعلفكرة أي ولد ممكن يحب بالعشرة في وقت واحد يعني هو لو كان بيحبك مش لوحدك انتي وخمسة كمان يعني سيبية وبصيرة لمزاكرتك وربنا هيبعتلك ابن الحلال
بصى يا روحى انا اكبر منك بسنه اولا من ده علامات بلوغ التفكير والانجذاب
طبعا ايه رائيك انا حبيت شخص لمدة 4 سنين هو اكبر منى ومش بشوفه غير قليل خالص بس اهو
وبعدين السنه ولا عاد اى احساس يمكن بصس نظراتك دى ونظراته اعجاب وزماله لااكتر ولا اقل
مافى معاى فى الدرس واحد زميلى بيعقد يبصلى كتير بس مش بحط فى دماغى عادى يعنى
حبيبتى ده مجرد انجذاب تجاه الجنس الآخر فقط مش أكتر والله صدقينى ومعروف إن الانجذاب ده بيبدأ من الابتدائى أو كمان من الحضانة أنا افتكر كان ابن جيراننا فى سنة أولى ابتدائى وجاى يقول لوالده انا عايز اتجوز واحدة زميلتى فى الفصل ، ده انجذاب وبس وبالنسبالك بداية مراهقة وايللى انتو فيه اسمه إعجاب فقط لكن مش حب هيقود لزواج لإن باختصار ده مش السن المناسب للحب الراشد ايللى بيؤدى للزواج وإقامة أسرة وتحمل كامل للمسئولية. انتى بتحبيه وحابة إنك تعيشى قصة حب وده غلط وهوا معجب وبس ولسه هيعجب وهيعجب وهيعجب بغيرك وغيرها ولسه قدامه الثانوى والجامعة وبعد الجامعة كمان وهيجرب فيكى الصداقة ومع مع غيرك يعنى مجرد تجارب قبل الزواج لحد لما يعقل ويكتفى بئا ويفكر فى الاستقرار و يختار البنت المحترمة فى النهاية ايللى هتصونه وتكون أمه لأولاده.
يابنتي الصغيرة رحمة بك وباااهلك وببراءة الطفولة فيك انتي مازلتي صغيرة على كل هذي الامور ولاينبغي التفكير بها او التعرض لها نهائيا لحين ماتكبري وتصلي الى البلوغ حينها هتعرفي كيف تفكري جيدا وهتعرفي انك كنتي مخطئة جدا في كل مافعلتي من تصرفات خاطئة وغيراخلاقية مع الولد اهتمي بدراستك وتفوقك في الدراسة والايام قدامك والمشوار قدامك طويل مافي داعي لكل هذي التصرفات منك تجاه الولد زميلك حافظي على شرفك واخلاقك وتربية اهلك لك وثقتهم فيك وتجنب الوقوع في الفتن والشبهات والله يستر عليكي ويصلحكي ويهديكي