انا كنت فى مدرسة اعدادى وحبيت المستر بتاعى وانا عندى 13 سنة عشان كده قلت لنفسى انى اكيد حبى مش حقيقى واكيد هو اعجاب وانا فاكراه حب لحد ما اكتشفت من تصرفاته انه هو كمان بيحبنى .. نظراته .. كنت كل ما ابص عليه الاقيه انه كان باصصلى وبعدين يدور وشه الناحية التانية بس حسيت بفرق شوية عشان هو اكبر منى ب 14 سنة وكمان انا ضايفاه على الفيس بوك ومعتبراه زى صديق وهو لحد دلوقتى – بعد 3 سنين – ميعرفش انى بحبه بس هو كمان حاسس انى بحبه وكنا لما نتكلم مع بعض على الشات كنا نتكلم فى مواضيع عادية زى المدراس وكده بس فى وقت متاخر على الساعة 2 او 1 بليل عشان ده الوقت الوحيد اللى كان بيبقى فاتح فيه عشان الشغل والمدرسة بتاعته لحد ما ماما اكتشفت انى بكلمه فى وقت متاخر وفهمتنى انه بيضحك عليا – متعرفش انه بيحبنى او انا بحبه – وقالتلى انه مينفعش اكلمه عشان هو راجل وكمان مش من العيلة والمشكلة انى وعدتها انى مش هكلمه وانا اصلا داخلة على السنة الرابعة يعنى ليا 4 سنين بحب مع انى فى اغلب الوقت مش بشوفه . انا عارفة ان ماما خايفة عليا بس اعمل ايه واصدق مين ؟؟؟
الحل تتركيه وتشوفي حل
السبب هو الاختلاط اتركي الدراسة واحفظي دينك
شخص معجب بك وربما لديه مانع انه يفكر فيك كزوجة لو كان هذا هدفه اويحبك او في نيته الارتباط بك لن يتأخر يومين الا وانتي عارفه شعوره ناحيتك وهدفه , انتبهي يوجد اشخاص مرضى واخرين لديهم اعاقات او اسباب وضروف تمنعهم من الزواج نهائيا , يعني اي شخص ينظر اليك بأعجاب ولا يتحدث معك قد يكون منهم , لازم تفهمي ان اي رجل حتى لو كان متزوج او صغير او كبير او حتى رجل دين او مريض معاق او اي رجل ذكر طبيعي جداً انه ينجذب للانثى وينظر اليها باعجاب هذا الامر فطرة لا احد يستطيع التحكم فيه , وحتى لو وصل به الامر الى درجة الحب ليس معناه ان اي شخص صالح انه يتزوج , عندما يبدأ هو بالكلام ويبين لك شعوره ناحيتك ورغبته وهدفه عندها يمكن يكون انسان عارف هو يعمل ماذا واكيد هو عارف نفسه وقدراته وامكانياته ولا يتبقى عليه الا اكمال الشروط التي تثبت انه انسان طبيعي ويريد الزواج , هذا الزمن كثر فيه المرضى يجب ان تحذري لا يكون انسان منهم ويضيع سنوات من عمرك وفي النهاية يتبين لك انه معتوه وغير صالح لاي شيء جتى لنفسه , الاغبياء والحمقى كذلك كثير لا يعرفون معنى شعور انسان ولا كرامته ويرمون بلاويهم المنتنه على الناس ,
بصى ي حبيبتى دة مسموش حب ابدا دة تعتبريه زى والدك مش اكتر واعمليله بلوك من الفيس مامتك خايفه عليكى وهو مش بيحبك ولا اى حاجه هيحب واحدة اد بنته فكرى فيها بالعقل انتى لسه صغيرة ويضحك عليكى بسهوله بلاش تعملى حاجه تزعلى بيها بابا وماما
والدتك عندها حق هو اكيد بيضحك عليكى و كمان فرق السن كبير
لازم تحترمى ثقة ولدتك فيكى لما وعدتيها انك مش هتكلميه تانى
يابنتي ربنا يهديكي ويصلحكي حرام عليكي تعمل كدا في نفسكي وفي اهلكي انت في سن مراهقة وده تصرفات طيش وتهور مراهقة مش حب مثلما تظني وهوالمستر بتاعك ده لوشخص محترم وعنده كرامة ماسمحش لنفسه يتكلم مع وحدة قد بنته في ساعات متاخرة من الليل ارحمي نفسك واقطع علاقتك به فورا واهتمي بدراستك ومستقبلك وحافظي على شرفك وسمعة اهلك وامك معها كل الحق في كل ماقالته لك ربي يصلح حالك ويسترعليك وكل بنات المسلمين اجمعين