انا طالبة فى الصف الثانى الثانوى ارتبطت بشاب وانا وهو كنا بنحب بعض جدا وفضلنا سوا لمدة اربع شهور بس انا وهو كنا دايما نخاف من العلاقة دى ونقول هنبعد عن بعض علشان ربنا لكننا مكناش بنقدر نبعد عن بعض مرة كانت تيجى منى اننا نبعد ومرة منه لكن كنا مبنكملش يوم يومين ونرجع لكن بعد مرور الاربع شهور والدتى ابتدت تحس بيا راحت عند اهله واتكلمت معاهم وطلبت منهم انهم يبعدوه عنى ومن ساعتها انا وهو بعيد عن بعض لكن كنا بنحاول وما زلنا بنحاول نتطمن على بعض من ايميلات مزيفة علشان اهالينا مش عارفة اعلم ايه فى الموضوع ده وساعات بعدى عنه يخلينه اشك فيه وهو كمان نفس الكلام دلوقتى بقالنا 10 شهور بعيد عن بعض اعمل ايه فى الموضوع ده الموضع شاغل بالى جامد واديما ببقى نفسى اتطمن عليه بس بخاف وفى نفس الوقت بصبر نفسى وبقول ان ده الصح وان كده كويس علشان راضية والدتى بس انا خايفة من القدر ميجمعناش اعمل ايه؟؟؟
السلام عليكم ورحمة الله وبركاتة
اولا قبل ما اقول لحضرتك حاجة انا قدك في السن فهقولك النصيحة وطبعا ليكي حرية الاختيار ^_^
اولا ربنا يوفقك ياارب وتكوني من اوائل الثانوية العامة دا مبدأيا كدا تمام ؟
نيجي لمشكلة حضرتك الحب دا حاجة جميلة اوووووووووي اووووي اوووي لو قلت كلمة اوووي من هنا لبكرةمش هتخلص
لكن الحب ربنا شرعه … ربنا قال في القرأن (ولا متخذات اخذان ) في سورة النساء
معني الايه دي يعني الرفيق او العشيق … هو ليه ربنا شرع الحب الحلال ؟ انتي لما تكبري وجالك 2 متقدمينلك واحد تاريخه مليان كلام بنات .. واحد تاني مكلمش بنات خالص وفضل محافظ علي نفسه .. تفتكري هتخاري مين ؟ اكيد وبلا نقاش هتختاري النقي الطاهراللي مكلمش بنات خالص .. لانه بالنسبة ليكي جوهرة ..ربنا عايزك كدا عايز بنات المسلمين يبقوا جواهر لازواجهم .. السبب التاني ربنا عايز قلبك مش متعلق غير بيه .. انا اراهنك انك مبتعرفيش تخشعي ف صلاتك من كتر التفكير ف الموضوع دا …. فدا مش بس هيأثر علي علاقتك بربنا …لا دا هيأثر علي علقتك بالدراسة وانتي داخلة 3 ثانوي …بصي خليكي دايما جوهرة ميستحقهاش الا شخص غني بالاخلاق زيك … شوفي كام بنت بتكلم ولد ؟؟؟! ملايين … شوفي بقا كام بنت مبتكلمش ولد ؟؟ عدد قليل بس فعلا الجواهر الغالية الثمينة بتبقي قليلة ومش اي حد بيعتر عليها بسهولة …. وبالنسبة لموضوع الحب دا ..انتي نفسك هتبقي حاسة بالندم ..وعلفكرا دا هيبقا مجرد مدخل للشيطان شوفي انتي دلوقتي بتاخذي كام ذنب ..عصيان لوالديكي _ تعلق بغير الله —- الشيطان هيعملك مداخل تخشي فيها واحدة واحدة … تبتدي تكلمية تاني ..تتقابلوا .. والله اعلم ايه اللي ممكن يحصل بعد كدا ..ربنا خالق النفس ضعيفة وشهوانية . عشان يختبرنا يشوف مين فين هيقدر يتحمل بجد ..عشان ينال الجنة اللي هي مش اي حاجة .. مش اي جائزة دي اعظم جائزة
…ولما تيجي تبعدي عنه ابعدي مرة واحدة متبينيش اي اسباب عشان الشيطان ميلعبش ف دماغك وترجعيله
بس دا اللي اقدر اقولهولك وربنا يوفقك ياارب ويخليكي جوهرة ^_^