حبيبي بارد ولا يقدر الحب ابدا

السلام عليكم أخواتي , أنا بنت بعمر ال 16 سنة و رايحة للصف الحادي عشر ان شاء الله , المهم انا بحب شب هو بنفس مدرستي بس بقسم البنين و اول اشي كنا عاديين زي الاصحاب يقعد يشكيلي همو و هيك و كان هو يحب وحدة بس تركتو و بعدت عنو يعني اختفت و كان يشوفها صدفة و شاف منها شغلات مش حلوة .. ولما كان يحكي معاي كل يوم و هيك صرت ابلش احبو بس ما كان بدي ادخل معاه بإرتباط .. و بعدين لما صرنا نتكلم كتير اجا و اعترفلي بحبو الي انا ما عرفت شو اسوي ضعفت قدامو كنت بدي احكي كلام كتير بس ضعفت قدامو لانو انا كمان بحبو فرديت عليه و صرنا نكلم بعض .. و بعدين صارت ما تعجبني بعض الافعال منو احياناً بكون بارد و مزاااجي كتير كتير و لما اجاي احكي معاه يحكيلي باي انا مش فاضي و بتضايق لانو بحسها قلة ذوق ! و كمان قبل يومين كان هو مسافر و كان راجع من السفر فهو و بالطيارة كانت قاعدة جنبو وحدة قال عمرها 24 سنة و ضلت تحكي معاه و يحكيلي والله انها حلوة و ضلت صورتها براسي و بحكيها كإنو عادي يعني كإنو مافي انسان بحس و اجيت امبارح وقعدت اعاتبو و ياريت ما عاتبتو لانو ع الفاضي لانو حكالي لا تهتمي لانو انا بطلع بعشرين بنت و بحكي مع 10 بنات و عادي يعني لا تهتمي .. و حسيت بضيق بصراحة والله , و الو تصرفات كانت تضايقني يعني خلت ثقتي شوي شوي تروح منو و كمان انا بحس انو ما الو مستقبل معاي بالزواج او بأشي تاني .. و للاسف ذاكرتي قوية كتير كتير يعني لو هلاء بدي اذكرلكم الاشياء الي حكاها الي بتضايق بدي سنتين و اكتررر ! يعني بحسسني انو ولا اشي قدامو كإني حيط كإنو ما بحس و بقعد يقارن فيني بحكيلي انتي ما بتفتحي مواضيع و غيرك بفتحلي عشرين موضوع و بقعد احكي معاه لساعااات .. طب انا ما عندي يعني شو اعمل ولما اخترع اي موضوع بكون بارد و بحسسني اني بنت تافهة و سخيفة , يا ترى شو الحل ؟؟ و انا قاعدة اتوقع كل اشي منو انو يتركني أو يخوني أو الله اعلم يعني حيتركني و يكسر قلبي و هو ماشاء الله كسرلي قلبي و هو معاي فاذا تركني كيف حيصير ؟؟؟ لا والمشكلة بحكيلي لو تركتيني ما بتفرق معاي لانو كلو بروح و لما اهتم فيه و يروح بعيد بحكيلي لا تهتمي فيني و انا ما بحس انو عندي حبيبة والله يعني اذا بعدت انا ما بهمو و اذا اهتميت فيه ما بهمو .. ياربي شو هااااد !!! لا تحكولي اتركيه و ابصر ايش لانو صعب علي انو اتركو و قاعدة اعطيه فرص كتير كتير .. وانا ما بترك حدا بهالسهولة هاي .. ياريت تساعدوني و بدون تجريح و انا نيتي شريفة و محترمة و لحد الان ما سمع صوتي و لا قابلتو .. فياريت بدون تجريح و اهانات و شكراً الكم جميعاً

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه