اول حب لي مش بيتنسي

انا بنت عندى 15 سنه انا كنت بحب واحد من بعيد لبعيد يعنى ماقولتش له حاجه لانى اصلن ماليش كلام مع ولاد خالص المهم الولد دا انا اعرفه من وانا عندى 5 سنين وكنت على طول العب معاه وبعد كدا دخلنا مدارس تانيه وماعدناش بنشوف بعض المهم بعد 10 سنين روحت درس لاول مرة ولما دخلت لقيتو هناك اول ماشوفتو حسيت انى فرحانه اوى بس قلت جوايا انو عمره ماهيبص لى عشان انا مش جميله اوى وماببينش اى حاجه خالص المهم هو كان على طول يبص ناحيتى وانا مش واخده بالى وكدا وجيت فى مرة كنت على الفيس وعلقت على جروب لقيتو بعدها بعتلى طلب صداقه بس انا ماقبلتوش راح بعديها بعت لى رسايل بيقولى فيها انه بيحبنى اوى اوى وبيفكر فيا كل يوم وانه مايصدق يلاقى الاكون بتاعى على الفيس بوك وانه عمره ماهيجرحنى ولا هيزعلنى انى الحب الاول له انا طبعا ماوافقتش على طول بس بعد فترة ضعفت وكلمته لمده 4 ايام بس وطلب رقمى بس انا مارضستش اديه له وهو احترم دا وقالى انه مش هيقول لحد من اصحابه ان احنا بنتكلم وبعد كدا انا كنت على طول اصلى وادعى ربنا انو لو فى شر يبعدو عنى وبعديها اختو كلمتنى وقالتلى ابعدى عنه احسن لك عشان انا خايفه عليكى طبعا بعدت عنه من غير مااقوله حاجه وجاء بعديها لقيتو ادى الايميل بتاعى لاصحابه الاولاد وانا لسه بحبو رغم اللى هو عملو فعملت اكونت تانى باسم تانى خالص وكلمتو لقيتو بيقولى نفس الكلام اللى كان بيقولوليا ف الاول بس هو دلوقتى فاكرنى واحده تانيه عشان انا مغيره الاسم وبجد لقيته نسينى بسهوله وانا مش قادره انساه خالص نفسى يحبنى ياريت ياجماعه تقدرونى انا عايشه فى عذاب وماحدش يقولى دى مراهقه لا انا بحبه بجد

مشاكل وحلول ذات صلة

• قطع علاقتي معه لان الحب حرام
• خطيبي السابق مستغربه اننا فشكلنا
• حبيتها بجد و وافقت على غيرى
• اعترفتلها بالحب عملتلي بلوك من فيس بوك
• حبيبتي و خطيبتي لسه بتعيش المراهقة مع شباب تانية
• بحبها وهي مش بتحبني وزهقت من الكلام معايا
• سمعتي تدهورت ومستقبلي الدراسي