انتظرت سنين واكتشفت انه بيحب بنت تانية

اول حاجة اقولهالكم السلام عليكم و رحمة الله و بركاته انا بنت عندي 15 سنة و انا الحمد لله بنت محترمة و بتكسف من اي شاب بس انا حصلي موقف من حوالي 5 سنين انا نفسي استغربته كنت انا و عيلتي و عيلة صاحب بابا فصاحب بابا ده عنده ابن و بنت فبنته صحبتي جدا برغم انها اكبر مني بسنتين المهم كنا احنا خارجين و قعدنا على العشب في البحر المهم كنت انا قاعدة بتكلم انا و اخته و هو و اخويا بيتكلمو و مع الاهل طبعا بس طول القعدة هو مشلش عينه من عليا و مش في اليوم ده بس لا ده كل مرة بروح عندهم او هما بيجولنا و انا وشي كان زي التفاح الاحمر بالظبط و فجاة لقيته من بعيد بيحرك شفايفة و بيقولي بحبك ساعتها انا قلبي دق بسرعة جدا و وشي احمر من الكسوف و كان ده احلى يوم في حياتي و بعدين عشت حالة من الحزن و الوحدة لما سافر مصر عشان الجامعة و لما رجع اخيرا بعد 5 سنين انصدمت صدمة عمري لما رحت البيت عنده عشان اسلم عليه مع عيلتي اكتشفت وقتها انه معجب بواحدة او بيحب واحدة تانية مش عارفة بالظبط انا دلوقتي مش عارفة اعترفله و لا لا انا حاسة اني مجروحة جدا منه بس بالرغم من كده مقدرش اقوله بحبك لسببين اول حاجة اني بتكسف جدا من خيالي و التاني ان انا عمري ما هفرقه عن اللي بيحبها عشان يرجعلي انا مش مستعدة ابني سعادتي على تعاسة غيري و في نفس الوقت بشتاقله اوي و بحبه و هو ما دام بيحبها و مبسوط معاها يبقى انا اكيد مبسوطة و فرحانة ليه بس هموووووووت انا قلتلكو عشان ارتاح لاني ملقتش حد احكيلو غيركم

مشاكل وحلول ذات صلة

• تابع المزيد من مشاكل وحلول