اني بنيه عمري 18 سنه باخر مرحله بالثانويه عندي ماده ضعيفه فيها وبابا كان يعرف استاذ فقرر انو يدرسني وصرت اروح كل يوم ساعتين لبيته في البدايه كنت وحدي وبعد مده صارو 4 بنات وياي المهم بدا الاستاذ من يتكلم يباوعلي واغلب حديثه يكون وياي وانا اظطر اركز ويا واشاركه الحديث بعد مده طويله تقريبا 5 اشهر تعرفت على عائلته وانو متزوج وعندو طفل زوجته كانت تحبني وتسولف وياي هواي بيوم من الايام قالت انو الاستاذ ميحبها وانو هيه متزوجته غصب وما تشوفه طول اليوم بس هي صابره و ومتحمله علمود الطفل ولاحظت بعد مده انو معاملته كلش سيئه ويه عائلته وبده يتقربلي ويتصل كثير وصل حد يتصل وانا نايمه المهم انا بديت انزعج من الموضوع وصرت اقصر الحديث بالتلفون واجابو بس نعم و ولا وهو بده يحس انو اني منزعجه من مكالماته فبده يخفف اتصالات كل مده يتصل مره عشان الدروس بس البنات دائما يكولون الاستاذ يحبج بالضحك بس اني جنت اضحك واقول شنو يحبني وهو متزوج عيب هالحجي بعد فتره صار يقترب مني يعني لما عندي سؤال عادي اقدر اسألو منبعيد بس هويقترب مني ويوقف يمي وصار تلامس بالاصابع بالخطأ بس هو توتر ونزع الستره وقال ليش هيج حار الجو وشغل التبريد وبعد مده قال ابقي شوي بعد مايرحون البنات اريد احجي وياج والبنات الي وياي كلهم راحو بس اني ظليت وهو سحب الكرسي الي جنبي وجلس عليه انصدمتتتتت لان كان قريييب بشكل كبير لدرجه ما اقدر اتحرك قال لازم اترجملك وبقا يسالني شو الي مافاهمته وياشرلي اكتب بس انا ما اكدر اكتب لان ايدي تطخ بصدره لما شافني متوتره هو قام وقال تكدرين تروحين خلصنه وبمرور الايام بده يتقرب اكثر وعيونه مايحركهن عني وبده يدلع اسمي وكلامه صار مو رسمي ويسولف عن يومه وبديت انجذب له بس مااحبه حب حقيقي بس احسه صار جزء من يومي وحياتي بس احيانا احسه يحبني صدقواحيانا لا احسه كذب حايره جدا شنو اسوي ياريت تساعدوني
يابنتي العزيزة اترك الدرس عند الاستاد السافل الواطي هذا واياك ان تروح له مرة اخرى مهما كانت الظروف لانه شخص خبيث ولايطمن له وقد يتمادى في تصرفاته الغير اخلاقية معك حتى يوقعك في المحرمات والمعاصي وابحثي لك عن استاذ اخر الله يسترعليكي انت وكل بنات المسلمين
حبيبتي ما انصحك تخوضين بالموضوع ابدا لان واضح انك نزوة و حتى لو كان يحبك بيصير مصيرك مثل الزوجه الاولى وانتي لسى شابه عندك حياه طويله كدامك لا تتهورين وتندمين بعدين
يا آنسة أنصحك بالابتعاد عنه و صده بطريقة واضحة و التمنع عن التحدث اليه او اذا أمكن تغيره كليا و اللجوء لاستاذ آخر لانه من الظاهر هو يريد تجديد في حياته و انت ستكونين الضحية و ستعيشين دائما تحت مشاكل الزوجة الثانية في أحسن الظروف كما قد تكونين نزوة عابرة بالنسبة له و ستكون كارثة عظمى بالنسبة لك .. انسحبي بأقل الخسائر أرجوكي!