احببته بسبب حبه لى ونسانى سنى

السلام عليكم ورحمة الله وبركاته انا طالبه فى 3 اعدادى عندى 14 سنه انا مليش فى كلام انى امشى مع ولد وانى احب واحد والكلام ده لان تربيتى وبيئتى متسمحليش بكده مع انى فى مدينه وكل اللى حولايا وحشين اذا كان بنات او ولاد بس انا كنت بحاول قدر استطاعتى انى ابعد عنهم المهم فى شهر واحد اللى فات فى ناس جم سكننوا قصادنا جديد وفيهم واحد عنده 21 سنه الانسان ده جدع جدا وراجل جدا جدا انا فى الاول اعجبت بيه بس معرفشى كده وهو اعجب بيا وطلب يكلمنى بس قبل ما يكلمنى راح لاخويا وقاله انه هيجى عندنا الشقه عشان عايزه فى موضوع مهم الموضوع ده كان عليا انا المهم حصل اللى حصل وكلمته غصب عنى وكل مره كنت بكلمه كنت برتاح معاه اكتر من الاول بلاقى دماغه زى دماغى كل ما بكون تعبانه او متخانقه انا وماما بتكلم معايا مبقفلش الا لما يخلينى اضحك الانسان ده حبنى اوى واتعلق بيا جامد اولا هو دبلوم ثانيا انا بقالى 5 سنين الاولى على مدرستى وبابا وماما عرفوا الموضوع لانى مش بخبى عليهم حاجه وقالوا ان انا صغيره كمان مستحيل يوافقوا عليه لانه دبلوم قلتله وحاولت ابعد عنه كذه مره لكن كان بيكلمنى تانى بعد ما اقله ان كل شئ خلاص وكل حاجه قسمه ونصيب انا اتكلمت مع ناس فى موضوعه ده وكل ما حد يسمع منى كلامى يقولى انا مقدرش اقولك حاجه غير انه بيحبك بجد احساس ان حد بيحبنى ومهتم بيا ده مخلينى مش عايزه ابعد عنه خالص بس يا جماعه انا كنت قريبه من ربنا كده وكنت دايما بحس ان دعوتى مستجابه لكن بعد ما كلمته وخصوصا فى رمضان بدءت احس ان فى حاجز بينى وبين ربنا دعيت كتير  وبصلى كتير لكن دايما بحس ان دعوتى مش مستجابه ومفيش خشوع انا قررت انى اقوله على اللى انا حاساه مع انى حبيته بجد فعلا بكل اخلاص وبكل صدق وبكل طهاره ياريت تقولوا لى اعمل ايه ضرورى لانى قلقانه من بعدى عن ربنا محدش ضامن عمره واانا باذن الله هقوله النهارده وباذن الله وحده هقولكوا النتيجه ادعولى وانصحونى
اختكم ……

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه