انا يا جماعة وباختصار بحب واحد خواتو الاتنين خاطبين خواتي البنات وهو اصغر واحد فيهم20 وانا عندي 18 سنة وفي ثانوية عامة والامتحانات كمان اسابيع والمشكلة بقا اني انا كنت بحبه من سنة ونص وهو ميعرفش ففي يوم خطوبة اختي التانية على اخوه مسك ايدي وقلي انه بيحبني وانا متكلمتش بس المصيبة انه خواتي في يو م خرجو من البيت ولقيت الباب بيخبط ولما فتحت لقيته في وشي وقعد كلمني شويه وبعدها دخل البيت عندنا وانا اتكسفت اقله متدخلش المهم مسك ايدي تاني وحضني جامد وقعد يبوس فيه جاااامد وانا مش عارفة اتحرك منو وكرر العملة دي 3 مرات حتى واهلي في البيت الاقيه طلعلي الاودة وعمل كده تاني ودلوقت هوا حيموت ويقابلني وانا مش عايزة وقلتله اللي بنا انتهى وابعد عني وهو يبعد يومين ويرجع تاني وانا زعلانة من اللي حصل بينا وندمانة لاني بيعتبروني اكتر واحدة ملتزمة في العيلة وانا متاكده انه مش حيقول لحد على اللي حصل بس انا حاسة اني عمري ما حقدر اتجوز خلاص لانه عمل كده معايا واني مش حقدر اقول لاي حد حيخطبني على اللي حصل اعمل ايه الامتحانات قربت وانا زعلانة جامد وكمان هوا قالي بعد جرحك ليا انا مش راجع تاني لانك بتحرقي في دمي ديمن وانا لسا بحبو اعمل ايه ارجعلو ولا انسا ولا اكن حاجة حصلت ارجوكم ساعدوني وانا خايفة يجي حد يتقدملي ويحكيلو على اللي حصل لانه بحبني اكتر من حبي ليه واخاف ينتقم مني لاني جرحته
شوفي يابنتي التصرفات دي محرمة وغير اخلاقية اللي يعملها الولد ده معاكي لازم تبعدي عنه وتقطع علاقتك به نهاية وللابد واخبري اهلك بكل هذة التصرفات اللي يعملها معك لو كان فعلا يحبك ماعملش كده ولحافظ عليك وعلى سمعتك وسمعة اهلك لكنه سافل ومنحط وبلاخلاق وعاوز يوقعك معو في الحرام معو توبي لربك واستغفريه واندم على ماحصل منك ورفضيه تماما لو كان اخر شاب في هذة الدنيا ده مايستاهلكيش وليس بالزوج المناسب لك
لو عاوزك خلي يخطبك مش بتقولي اخواتك متجوزين عندهم لو مش عاوز يخطبك ولا اتحججلك بانه مش وقته ابعدي عنه مفيش حاجة اسمها حب يابت هو عاوز جسمك ياهبلة مترخصيش نفسك واللي عاوز يعمله يعمله اهم حاجة انه ميكونش صورك ولا بعتيله صور والحقي نفسك انتي يضحك عليكي فعلا
اللي حصل دا غلط حب ايه يابت كدا هتسوقي سمعت اخواتك هيفتكرك سهلة واخواتك ساهلين وممكن يصورك ويوري اخواته وكل اخواتك يطلقوا بسببك …. ركزي ف دراسك وابعدي عنه ولو دخل اوضتك تاني عرفي اهلك اوعي يابت يكون صورك فيديو ولا حصل بيتنكم علاقة الله يخربيتك الواد دا لو لو لمستك تاني وضعفتي معاها ابقي قابليني لو شفتي يوم عدل ف حياتك وربنا يهديكي ويهدينا
خاف من ربنا مش تخاف منه،،لو كان بيحبك ما كانش لمسك لأن المفروض يحافظ عليك لكن الحقيقة هو عاوزك شهوة وانت استسلمت مرة واثنين،،ومرة تقول ندمانة ومرة تقول ارجع له،،فين دينك وايمانك،،الشخص ده غير مناسب لك ابدا كل مافي الأمر انه شافك رخصت نفسك فعجبه الموال،،حافظ على نفسك لحد ماتكون في بيت الزوج الصالح وإنس الشخص ده لو كنت بتخاف من ربنا صحيح فمش حيقدر يعمل لك حاجة