السلام عليكم انا بنت فى الاعدادية بحب واحد زميلى من وانا فى خمسة ابتدائى واحنا فى الابتدائى كان بيحبنى جدا وكان ديما ينظر الى نظرات حب وكان بيخاف عليا جدا وكنت بحس انه راجل بجد وبعدين اتصل بيا على التليفون الارضى وقال لى بحبك وبعدين لما روحنا الاعدادى كان معى فى نفس الفصل واستمرت نظراته الى فى اولى وتانية اعدادى وجيت فى مرة كان فى ولد معى فى الفصل سال سوال فى المنهج وانا جاوبته فراح نظرلى نظرة غيرة شديدة مع العلم ان والدتى ووالدته ووالده عارفين انه بيحبنى بس مش عارفة ليه حسيت ان حبه الى قل او يمكن علشان انا كنت مشغولة شويا بالمذاكرة المهم لما دخلنا 3 اعدادى فى الترم الاول نظراته بدات تزيد بشكل كبير وبعدين بعتلى رسالة مع زميلتى انه حاسس انى بحبه وعاوز يتكلم معى على الموبايل ولانى رافضة تماما فكرة انى اتكلم مع ولد على الموبيل رفضت واضطريت اوبخه ولانى كمان بعتقد ان الحب يشكل نقطة ضعف فى حياتى وانا مش بحب اكون ضعيفة امام اى شخص مهما كان علشان كدا ما كنت عاوزة حد يعرف انى بحبه وطبعا لو وافقت زميلتى هتعرف مع انى زعلت جدا وانا بوبخه ومش قادرة اسامح نفسى حتى الان المهم خلص الترم الاول ودخلنا الترم التانى ولقيت نظراته ليا رجعت تانى بس نظرات غريبة ممكن تكون حب او عتاب مش قادرة افهمها وبعدين هوا بيغيب كتير من المدرسة وده المكان الوحيد اللى بشوفه فيه يعنى لو كان لسة بيحبنى كان حضر فى المدرسة حتى علشان يشوفنى بس انا والله بحبه جدا بطريقة لا توصف وعوزاكم تقولوا لى من الكلام اللى قلته اذا كان لسة بيحبنى ولا لا وانا حاسة انه فاكر انى بكرهه ومش عارفة اعمل ايه علشان اخليه يعرف انى بحبه وان الكلام اللى قولته عليه كان غصب عنى اه نسيت اقولكم حاجة انا لما سالت زميلتى اللى كان باعتلى معاها الرسالة بعد ما رفضت طلبه قالت لى انه بيحب بنت تانية مامتها ومامته وباباه عارفين انه بيحبها يا رب تكونوا فهمتم اللى انا عاوزة اقوله وبترجاكم تساعدونى وتجاوبونى بسرعة
