لو كان فعلا بيحبنى ليه كلم البنت التانيه

انا فى اولى جامعه
وانا فى ثالثه ثانوى كان فى واحد معايا فى الدروس كان معجب بيا جدا وانا كمان كنت معجبه بيه وحاول اكتر من مره يكلمنى بس انا كنت برفض حتى مجرد الكلام العادى لانى مستحيل اسمح لنفسى بكده
المهم انا قلت احنا لسا صغيرين والايام لسا كتير
بعد كده لقيته كلم واحده صاحبتى والمفروض انهم بقو بيحبو بعض
مش هنكر انى اتضايقت وحسيت بشوية ندم بس قلت الحمدلله محدش يعرف الخير فين
دلوقتى لما دخلنا الجامعه هو دخل معايا نفس الكليه ودلوقتى لما بشوفه مع البنت صاحبتى دى بيفضل يبصلى اوى اوى اوى زى ما يكون بيعاتبنى لدرجة ان كتير من صحباتى اللى ميعرفوش حاجه عن الموضوع خدو بالهم وسألو بيبص كده ليه
وهو حاول بردو بعد ما دخلنا الكليه انه يكلمنى كزمايل وطلب منى حاجات وادتهاله بس بردو كلامى معاه كان على قد اللى هو طلبه وبس ولما كان بيزود اى كلمه كنت بقفل وبفهمه انى مش ممكن هكلمه
انا الحمدلله معروف عنى الالتزام وانى عمرى ما كلمت ولد
بس دلوقتى هو بعد ما حس انى رفضت اكلمه فى الكليه بردو مبقاش بيكلمنى خالص ولا حتى كزميله بس لما بيشوفنى مازال بيبصلى بنفس الطريقه
انا بفكر فيه كتير وهو مهم جدا بالنسبالى بس الاهم انى مش هعمل حاجه تخلى احترامى لنفسى يقل
بس اللى محيرنى هو لو كان فعلا بيحبنى ليه كلم البنت التانيه دى وليه مفهمها انه بيحبها
ولو كان بيحبها ليه بيعمل معايا انا كده وليه نظرات الحب والعتاب اللى بشوفها فى عينه على طول قدام كل الناس

مشاكل وحلول ذات صلة

• ابن عمتى بيحبنى جدا والمشكلة من ماما
• لو حبيبى مجاش هل اقبل العريس التانى
• الغربه بعدتني عن حبيبي
• بحبها ومستحرم اكلمها بسبب اخوها
• بتحاول تكلمني بعد ما جرحتي
• حبيتها واتقدمتلها واهلها وافقوا وهي لا
• جرحنى ولعب بمشاعرى وخدعنى