اولا السلام عليكم
ثانيا انا مكونتش عارفه اكتب الموضوع فى قسم حب على النت ولا حب المراهقة لانه الاتنين بصراحة
انا عندى 15 سنه
من سنه تقريبا كنت فى الأول فى منتدى جميل بس مختلط و كانو كل اللى فى المنتدى يعرفونى ولاد وبنات بس مكونتش برضى اكلم حد ع الميل لأنى كنت خايفه وحاسه انه غلط كبير اول مرة كلمت حد كان مدير المنتدى وكان بيفهمنى الاشراف وكدة وقولت لماما بعدها والموضوع كان عادى ومش علقت
انا طبعا مفروض انى كنت خايفه اوى كدة وحاسه ان الكلام دة غلط لأنى مفروض انى متدينه يعنى فى معهد ازهرى بس والله ماكونتش اعرف ان الكلام مع شخص ع النت دة اختلاط وانه حرام حرمانيه يعنى
انا بس كنت خايفه انه يكون غلط او لان كل الولاد بتتكلم فى مواضيع مش محترمه او كدة يعنى
بعد فترة كدة اتعرفت على واحد اكبر منى بسنه هو كان فى منتهى الاحترام معايا
بعد فترة اتعلقنا ببعض اوووووى وهوقالى بطريق غير مباشر ع المنتدى انه بيحبنى
انا قولتله مش ينفع خالص واحنا في فترة مراهقة وممكن ماتكونش مشاعرحقيقيه واحنا اصدقاء وبس وبلاش نخسرصداقتنا بسبب الموضوع دة بعد فترة قالى انا اسف وخلاص بس حقيقى انا كنت متعلقه بيه وعايزة اعاند نفسى علشان مادخلش حب من النوع دة وفى الوقت دة بس غصب عنى حبيته فعلا
بعد فترة من تصفحى ع المنتديات عرفت ان الاختلاط حرام وكلامنا مع بعض وكدة كان لازم اسيبه بأى طريقه واخترعتله حكايه كدة وسيبته بدون مقدمات
تعبت اوى وعرفت انه تعب اوى برده خلال الفترة دى من صحباتى اللى كانو ع المنتدى
فتحت اميلى القديم بالصدفه لقانى اون لاين فضل يتحايل عليا كتير علشان نتكلم وضعفت فعلا وكلمته
وصرحلى بحبه من تانى وانا للأسف ضعفت وقولتله انى بحبه
قالى احنا اول مانخلص دراستنا لازم اجيلك هو من مدينه تانيه وهخطبك وبقى معظم كلامنا اننا متأكدين اننا هنكون لبعض
اللى شدنى ليه انه كان فى منتهى الاحترام واحنا اصلا معظم كلامنا كان اننا نواظب ع الصلا ونصوم اتنين وخميس ومش نسمع اغانى ولو عملنا حاجة من الحاجات دى نعاقب نفسنا باننا مش نتكلم اليوم دة
بس أكيد برده كان بينا كلام حب بس انا حاسه بجد انى بحبه ومتأكدة من حبه ليا
انا شوفت صورته وهوشاف صورتى بس بعد فترة طوييييييله اوى وطبعا كنت بقوله ازاى تحبنى وانت حتى مش شوفتنى كان بيقولى انا لو عليا موافق ماشوفكيش لحد ما البسك الدبله كان بيطلب يشوفها كتير لحد ماوريتهاله واحنا مرتاحين لبعض ووالله عمرى ماكلمته ولا مرة فى الموبايل ولاسمع صوتى مع اننا اصلا واخدين ارقام بعض بسبب مشكله كانت ع الفيس بوك كدة بس احنا بينا وعد وبصراحه ملتزمين بكل وعودنا لبعض
المشكله انى حسيت بالذنب اووووووى بسبب ان اهلى مش يعرفو وحاسه انى بسرق كدة الحب فى السر هو اقنعنى اننا نقول لأختى اكبر مننا الاتنين بس هى قالتلى لازم تسيبيه ودة حب مراهقة وكدة
بس ماقدرتش والله متعلقين ببعض اوى اوى
من فترة مش كبيرة قولتله ان خلاص كدة بجد كدة كتير مش كل يوم هحس بالذنب تانى
وقولتله لازم نسيب بعض ولو من نصيب بعض ربنا يقرب البعيد ………وهوفضل يجادل شويه وقالى خلاص زى مايريحك وانا هكون مبسوط لو انتى مرتاحة كدة
واتفقنا اننا نطمن على بعض من خلال الفيس بوك بس محدش يكلم التانى ولو حتى بكومينتات …. واتفقنا انه اول مانا اخلص ثانوى هيكلم بابا ويعرف العنوان وييجى علطول كنا تقريبا متفقين على كل حاجة هنعيش فين ونسكن فين وندخل ايه كل حاجة كل حاجة
المهم انى بجد تعبانه اوى وهو واحشنى جدا كل مابشوفه اون لاين ومش بقدر اكلمه ببقى خلاص بجد وعارفه انه كماان تعبان هو تعب كتير اوى بجد علشان يوصلى حبه دة ووعدنى بحاجات كتير كلها نفذها وانا متأكدة
بس اعمل ايه بجد كل يوم بكلم صورته لحد ماخلاص هتجنن
نفسى الاقى حل بجد ينسينى الموضوع دة حتى لو مؤقت لحد ما الفترة دى تعدى
انا مش عارفه اركز فى مذاكرتى خالص …وحاسه ان مستوايا بينزل والكل ملاحظ بس غصب عنى
اعمل ايه بس؟؟؟؟؟
اني عراقية اختلف عنك بكثير شغلات بس الي بعرفو ان العلاقات عل الفيس كلو كذب بكذب
واني انصحك نصيحة انك تتركية واذا هوفعلا يحبك راح يجيك للبيت
انتي بعدك صفيرة وكدامك حياتك راح تكبرين وتعرفين الاحسن منة واذا رايدة تنسيه لاتحاولي تكلمية ابدا واتمنئ اكون استفاديتي مني
ابنتي العزيزة النت سلاح ذوحدين اماينفعك اويضرك ولازم تحسني استخدامه لامورحياتك كالدراسةوالثقافةواكتشاف العالم من حولك اوانك تسي استخدامه في اللهووالمعاكسات والدردشةمع الاخرين والوقوع في المحظوركماحصل معك الان انت تقولي انك تصلي وتصومي الاثنين والخميس وعارفة ربنا لكن الشيطان لم يمت لازال بداخل كل انسان فقداخرج ابوناادم من الجنة وخليه يعصي ربنا والقصص كثيرةعن مكايدالشيطان للانسان فكري بعقل وانت نشاءالله فيك الخيرمتامل ودي مرحلة مراهقة وبتعدي اتركيه للابد واهتم بنفسك وبكليتك واموردينك وربي بيعوضك بالرجل اللي يطرق بابكم حسب الاصول ويخطبك من اهلك وتسعدي معه في حياتك
اسمعي وانتبهي مرحلة المراهقة هي عتبة الحياة اما تنحي بجدارة وتجتزيها وتكوني سيدة مرموقة وتصلي الي احلامك باصرارك وعذيمتك او تفشلي فشلا زريعا ولا تجتازينهاوتخيب كل امالك وتتحطم كل احلامك وتجلسين عل شاطئ الآحزان وحدك تندبين حظك . الذي صنعتية بنفسك لأن غيرك سيتركك ويذهب ادراج الرياح حيث الا عودةقولي لي من احب في مرحلة المراهقة و تزوج من يحب ياصحبة 15 سنةانبهك هذة المرحلة من العمر تتحطم عليها كثيرا من الأمال و الاحلام لأنها مرحلة الا وعي الا الانجذاب نحو اشاء معينة تجاه الشخص الأخر بعيدة عن عن التي تحتاجينها في شريك الحياة فهذا ليس حب بل مشاعر جياشة ليس لها ضوابط من الممكن ان تفتك بك في اي وقت وتتركك شئ هزيل ضعيف في اشد الحاجة للحياة وتندمين حيث لا يفع الندمفاختاري الحب او الا حب فجبن ان لا تختاري
السلام عليكم اولا عايزة اقولك من كتر ما بنمسع عن علاقات من خلال النت نفعت نغير فكرنا وبقول يمكن وترجعى تانى تسمعى عن حوداث من خلال حب النت وغياب شرف الفتيات ودمار الاسرة باكملها تخافى وتبعدى الموضوع محير جدا بس تسلسل التعارف وكلام الشباب الى ثابت يبدا بالتعارف المحترم وبعدين بكلامه المعسول يبدا يقولك بحبك وانتى طبعا قلقانة وبعدين لما يعرف انك خلاص بتحبيه يتقل عليك عشان تنفذى شروطه وشهواته انما الحلال مفيش احسن منه والله كفايه انك لما بتكلمى فى الحلال بتحسى برضا ربنا عليك والراحة النفسية والله يا اختى اعلمى انه دماررررر بصى انا جربت وارتبطت من على النت بس انا كنت مش بقوله ولا كلمة حلوة ولا شافة صورتى ولا كلمنى مايك ولا موبايل وبردو مصمم قال بيحبى حاجة غريبة بس بمرور الوقت احنا طبيعتنا رومانسية ونميل لكلمة حلوة حبيته عذبنى من بعدها واختفى اكنه بينقم مننى بس الحمد لله لعل الى حصل وضحلى حاجات كتيير مع انى لحد دلوقتى لسه فاكراه بس بالله عليكى اسمعى للنصحة واتعلمى من اخطاء الاخرين خليك واعية انسى وانتظرى رزقك من ربنا اطمئنى مهما تاخر رزقك هو جاية ربك كريم ربنا يرضى عنك ويهديك وينور بصرتك للخير والطريق الصح اختك فوفو
بصي حب المراهقه مجرد احساس جميل بتحسيه لكن بعد كده كل ده هيتغير ولو وعدك ان هو هيتقدملك اكيد كدب حاولي تسيبيه معلش هتتعبي بس حاولي وقومى علي قد ما تتقدري
السلام عليكم ورحمة الله وبراكاته اختي العزيزه لا يخدحك الشيطان شباب النت هم شياطين يعطيك من الكلام الحلو حتى تحبيه وتموتين فيه لم يخد حجته منك يتركك فنتبهي يااختي والله ان خايف عليك انتي الان تقولي انك تحبيه ومشتاقه له كثير ابتعدي عنه حتى لا يصير الفاس في الراس وتندمي اتعودي من الشيطان الرجيم وارجعي الى الله واستقفري الله
لا والف لا انا زعلان منك فعلا وحدة زيك متدينة وتعرف ربنا ومازالت طالبة بصى لمستقبلك افضل سمحينى انابنصحك تبعدى عن هذه العلاقة لغاية ما تكملى دراستك
ايتها الاخت الفاضله من التجارب السابقه الانسان ده انتى مش هترطبتى بيه وصدقينى مراية الحب عاميه انا عندى 28 سنه وبادور على بنت الحلال واول شئ انا متاكد منه انى ماتجوزش واحده من خلال النت لانه صدقينى كداااااااااب جدا انتى بتقولى انك متاكده من مشاعره صدقينى وانا شاب زيه وعشت الحاجات دى هو عنده رغبه واكيد بيشبعها معاكى ولو انتى مش موجوده هيشبعها مع غيرك صدقينى وريحى نفسك والله انا عشت اكتر من 10 علاقات بهذا الشكل من خلال النت وكلهم كنت بحس ساعتها انها حقيقيه جدا وعشت الدور اللى انت عايشاه ده
الحب من خلال النت ده هبل وجنوووووووون
ألا انا مخطوبة من النت وقربت اتجوز كمان والنت ده مجتمع زيه زى اى مجتمع لكن انا عندى 25 سنة يعنى اكبر منك بعشر سنين وانتى للاسف 15 سنة كلامك يدل على عقلية اكبر من سنك وانا واثقة ومتأكدة ؟انك هتنسيه صدقينى انا كنت مخطوبة لواحد وانا فثانوى وقعدت معاه 7 سنين ونسيته لانى لما كبرت شفت حاجات مقدرتش اشوفها وانا فسنك انتى دلوقتى الدنيا اخداكى وانا كنت زيك برده لحد ماكبرت وشفت كل حاجة فمكانها الصحيح عايزة نصيحتى بكرة تنسيه صدقينى ولو صادق معاكى يجى يتقدمللك فعلا بعد الدراسة ولحد الوقت ده مايجى صبرى نفسك بدراستك وتمسكى بالتزامك وهتلاقيها جت من عند ربنا لو فيه خير ليكى هيقرب ولو شر هيبعد بإذن الله وربنا معاكى
السلام عليكم أولا الحب لا هو عيب ولا حرام وخاصة في هذا الطور من الحياة وهو حب المراهقة لان هذا حب أبدي يعيش بداخل صاحبه إن تزوجوا وإن لم يتزوجوا يعيش هذا الحب للابد والنصيحة للاخت أنك لازم تهتمي بدراستك أولا وفي المقام الاول وبعد الدراسة تتكلمي معه عادي ويتقدم لخطبتك دي خلاصة الموضوع
الكلام ع النت والشات اكبر وهم فى الحياه ومن الممكن ان يؤدى الى عواقب وخيمه والى خراب البيوت لانه بيؤدى الى تفسخ العلاقات الاسريه وتغير الزوج على زوجته والزوجه على زوجها فأنى احذر تحذيرا شديد من الاختلاط عن طريق النت
@ bedo el masry …
انا فعلا معاك ان مفيش اي ارتباط ينفع لمجردانكوا اتكلمتوا كتير من ورا ستارة ..
الاعجاب ده بيجي من انتين بيشوفوا بعض بيلاحظوا تصرفات بعض في مواقف حاجات كتير مش مجرد
دردشة علي الشات
ده مش اسمه حب .. ده فعلا تسلية وقت مش اكتر
و ياريت فعلا تفكري كويس و تعملي بنصيحة الزميل ..
و ربنا يوفقك ..
مستني ردكم عليا
ابنتي ..
ومن قال أن الاختلاط حرام ؟ الاختلام المحرم هو الذي يؤدي إلى خلوة شرعية يوسوس فيها الشيطان بأشياء وأشياء .. أما الاختلاط بين الرجل والمرأة في حدود الشرع والعرف ، فلا ضير منه ، وهو شرط أساسي لنهضة المجتمع ، فليس من المنطق تغييب نصف المجتمع بأفكار مسمومة تزرع التخلف بيننا.
شعورك بالحب ليس محرم ، بل يدل على عافية وصحة نفسية ، وهذه مرحلة لا بد منها … فنحن بشر ، والحب هو أسمى شعور يحمله الإنسان في نفسه .. لكن عليك أن تكوني حريصة في كلامك ولا تنجرفوا في الكلام إلى ما يسبب معصية الله ، بمعنى أن علينا انا نحاسب أنفسنا في كلامنا ، لأن ربنا يحاسبنا … وعليك أن تعطي المرحلة التي تعيشينها حقها ، فواجبك الآن تحصيل العلم ، وإن كان حبيبك جادا في كلامه فعليه أن يبدأ بالبناء من الآن بالاجتهاد والجد والعمل..
بالتوفيق
الى عاوز يتعرف يتعرف بس بشرط تطلبى منة الجواز ويتقدم رسمى ولو اخترعلك اى حجة اوعة تصدقية وان جة من الباب اقبلية ورحبى بية جد اوان لا فلاوما فيش حب على النت كلة نزوة وبتروح مجرد انك تريحية باى شكل يفرغ شهوتة فيها
السلام عليكم ورحمه الله
انا عندى ادمان النت والشات بطريقه فزيعه وحبيت اكتر من بنت من عالشات وبنرتبط وبنتقابل وكل الكلام الفاضى ده بس بنرجع فالاخر نلاقى ان حبنا ده مجرد اعجاب مش اكتر لحد متعرفت على بنت فالاول كان فيه اعجاب بينى وبنها ومع الوقت لاقينا اننا توأم بمعنى اننا نفس التفكير ونفس الحجات الى بنحبها يعنى بنعمل كل حاجه زى بعض بالظبط وانا وهى اتفقنا اننا نتخطب اول منخلص انا ف 3 كليه وهى ف 3 ثانوى واعتقد ان سننا كبير وعدينا فترة المراهقه انا وعدتها انى مش هكلم بنات غيرها وفعلا انا لو حتى كلمت بنت عالشات بيكون كلام عادى وهى وثقت فيا وانا لازم اكون اد ثقتها فيا وياريت اى ولد يكلم بنت عالشات ميلعبش بمشاعرها لان ممكن فيوم من الايام اختك او بنتك يحصل فيها الى انت عملته (كما تدين تدان ) وياريت يكون الى انا بعمله ده صح
انا عندى 21سنه دلوقتى ومريت بالتجربه وانا عندى 17 سنه كنت بكلم بنت على النت وقولها ان انا بحبها وبموت فيها وكنت بقنعها ان انا مش ببص لبنت تانيه وان انا حبيتها هيا وبس وهيا صدقتنى بسرعه ولكن للاسف لان السن ده سن مراهقه انا كنت اعرف عليها بنات كتير وانا كنت بصورلها ان انا بحبها بس انا كنت بسلى وقتى ومشاعرى معاها بس انا دللوقتى ندمان اوى لان عملت كده فاانا بنصحك يااختى اوعى تصدقى كلامه ولاتنساقى ليه لان والله اكيد بيكدب عليكى وانا واثق من كده وانا مش بقول الكلام ده الا من دافع الخوف عليكى والحرص على مصلحتك فاانتى ركزى دلوقتى فى الذاكره وبس وماتكلميش شباب على الياهو او الفيس بوك لانهم كلهم كدابين بيسلوا شهوتهم وبس
هوه موضوع غريب فعلا .. بس كل اللي اقدر اقوله ان التعارف علي النت مش كفاية لاي حب .. الحب مش مجرد اتنين بيرتاحوا لبعض و حسوا باحساس الحب نحو بعض .. الحب ده كيان كبير اتفاق في كل حاجة و انا مش مقتنع ان النت قدر يوصل كل حاجة بينكوا ..
مش قادر اقولك مش تكلميه لان بكده بتنجرحي و ديه مشاعر و الواحد مش بيقدر يتحكم في نفسه
بس حولي تصرحي حد قريب منك و تثقي فيه و حاولي اكتر تتأكدي انه جد في كل حاجة ..
و ربنا يوفقك .. و مبروك مقدما
و مستني ردك
و انا كمان عندي موضوع يخصني في الحب من طرف واحد ..بعنوان ضاع الحب و اوله انا في تالتة كلية ياريت اعرف رأيك و تشاركيني مشكلتي ..
انا نفس قصتك تماما و النهارده ان شاء الله مش حنكلم مع بعض تاني هو عنده 16 و انا 14 و هو وعدني انو يخطبني لما نكبر و هو بيحبني و يحترمني و انا كمان نفس الحكايه و انا باردوا كنت بضعف قدامه لما كنت بشوفه اون لاين لكني حستحمل و من ترك شيئا لله عوضه الله خيرا منه و سبحان الله قصتك تشبه قصتي تماما و ربنا معانا جميعا
كلام الشات حرام
مشكلتك جد جميله الحب بالاصل مجموعه مشاعر بتتجسد بكيان كل انسان لاكن المشاعر دى لو بتاخدنا للتهلكه وقتها بنندم اشد اندم انتى بداخلك انسانه متربيه ومحترمه وهو ده اهم حاجه ثانيا لو الحب هيكون وسيله لنهايتك تعليمك والتقصير بالدروس اعرفى انك بالايام هتخسرى الدراسه وكمان هتخسرى الحبيب انتى لازم تبعدى عن النت فورا وتنتبهى لدراستك لانو اكيد بعد شويه هتحاولى تتعرفى على شخص ثانى بحجه انك تنسى الحبيب وقتها هيبتدى النت ياخدك لتيار انتى مش هتقدرى تقاوميه لان النت ادمان رهيب مثلو مثل المخدرات واقوى كمان من المخدرات انتبهى لدراستك وكل متحسى بالتعب النفسى ارجعى لكتاب الله واقرى سوره البقره ونهاية سوره ال عمران وباتمنالك الوتفيق بدراستك وحافظى على اهلك الى ائتمنوكى على وجودك بالنت وشكرا
االتعرف علي النت غلط وحرام
ومن كلامك شكلك بتحبي اوووووووي ومن كلامه معاكي شكالو بيحبك وبيخاف عليكي
بي مش عايزكي تتاكدي اوي انه بيحبك ممكن يكون بيضحك عليكي وبيتسالي بيكي
وانتي لسه صغيره وهو كمان يعني انتو الاتنين سن مراهقه
فانسي الموضوع ده خالص وركزي في مذكراتك
وربنا يوفقك