زوجى من ساعه مابقيت حامل وهو مش متحمل منى اى كلمه ولا عذر مع انه نفسه فى الخلفه بس مش مستحمل اتوجع من اى مطب من العربيه او تجيلى دوخه او الضغط يوطه مع انه بيقول انه بيحبنى
زوجى من ساعه مابقيت حامل وهو مش متحمل منى اى كلمه ولا عذر مع انه نفسه فى الخلفه بس مش مستحمل اتوجع من اى مطب من العربيه او تجيلى دوخه او الضغط يوطه مع انه بيقول انه بيحبنى
اضيف بتاريخ: Tuesday, September 7th, 2010 في 06:03
كلمات مشاكل وحلول: الحمل, الزواج, حامل, زواج, مشاكل
دي حاجة طبيعية تحصل بين الازواج وماتزعليش من جوزك ولاتاخذي على خاطرك فهو يحبك ويموت فيك ويتمنى انك تولدي بالسلامة اصبري وتحملي وانت برضو مش كل شوية تشتكي فالراجل مايحب المراة اللي تشتكي كثير وربنا يقومك بالسلامة وتفرح بمولودك الجديد
يااختي مبروك اولا حملك ونشاءالله تولدي بالسلامةويتربى في عزكم ومسالة زعل وتكدرزوجك فده طبيعي ويحصل مع كثيرمن الازواج تحملي واصبري وماتزعليش منه فهو يحبك وخايف عليك وبلاش تجهدي نفسك وتثوري وتغضب عشان الجنين واهتمي باكلك وصحتك اثناءفترات الحمل ومراجعةالطبيبة بانتظام اثناءمراحل الحمل وربنايرزقكم الخلفةالصالحة
يا بنتى متسمعيش كلام حد انا مش عارفة يا اخت سها هى بتقولك على مشكلة صغيرة عشان تنصحيها بمشكلة اكبر؟ لا يا بنتى عادى هوممكن يكون بيتوتر بس لما بتشتكى من حاجة يعنى بيخاف يحصل حاجة معاكى او مع الجنين فبيطلع الخوف ده على شكل عصبية نصيحتى ليكى بس حاولى متشتكيش كتير حاولى تكونى متحملة شوية الا فى الحاجات الجامدة بس اللى مش هتقدرى تيجى على نفسك وتسكتى فيها انا عارفة ان انتى ممكن تكونى مش بتشتكى بس بتحاولى تلفتى نظره لاهمية البيبى او وضعه جواكى يعنى عاوزة تحسى انه مهتم بيه انا كنت زيك كدة بس حاولى تكونى خفيفة شوية لان الراجل مش بيحب الست اللى بتشتكى كتير وربنا يقومنا بالسلامة يارب
انتى لى يخليكى متاكدة انى هو مش متحمل منك حاجة من ساعة مابقيتى حامل مش معنى انو مش مستحمل اى حاجة منك يبقى تقولى مع انو نفسة فى الخلفة اقعدى معاة حاولى تعرفى مالة تعبان بعد الشر مخنوق من حاجة حاولى تعرفى السبب وساعدى اقف جمبة شوفى يمكن مخنوق من دوشة الشغل يمكن فى حاجة مزعلة مسيبوش خليكى معاة على طول يمكن محتجلك تكلمى ويكلمك كدةيعنى فهمنى
قوليلوا ياخى ارحمنى ولو مش عاجبك انزله بس ما تفتريش عليا
kalimih
رمعلهش الست قبل الخلفه وضوع وبعد الخلفه وضع تانى دايما فكريه بالاولاد ولازم نستحمل علشان الاولاد وكده ونصيحه خليه يشترى جهاز ضغط ديجتال علشان يقيس الضغط ليكى كل يوم واخيرا اتمنى من الله ان يقومك بالسلامه قولى امين
معلش اصبري يا اختى بس نصيحه مني تقومي بالسلامه ان شاء الله و كفايه المولود ده و ربنا يخليهولك يارب
بس اللى زوجك بيعمله ده مش طبيعي بالمره
و لازم تاخدى موقف منه و تزعلي و تعبري عن مشاعرك و ممكن يوصل الامر كمان انك تروحى بيت اسرتك و تكملي الحمل و تولدى هناك طالما هوا مش متحملك للدرجه ديه و تروحى على بيت اهلك و انتى زعلانه منه و يفهم كده كويس