السلام عليكم .اتمني من الله اولا حل في مشكلتي لاني بجد الحمل تقيل عليا اوي.انا شاب عندي 27سنه الحمد لله بعيد عن التدخين والسهر ملتزم جدا في شغلي الحمد لله دخلي ساترني انا واولادي وبدخل جمعيات وكونت مبلغ محترم ان انا انشاء الله مش اكتر من سنه قادمه وهاشتري بيت لاولادي مش ببخل عليهم ولا علي زوجتي بأي شئ. متزوج من خمس سنوات كونت عايش ولله الحمد عيشه سعيده وكريمه جدا ولدي طفلين 4سنوات و8شهور .زوجتي ترتدي النقاب منذ شهر بعد الزواج دون اي مشاكل اهلها كانو بيحبوني جدا .كانت تراوضني بعض المشاكل المعتاده من زوجتي بس كانت بالنسبالي كبيره لانها كانت مثلا انها كانت تنشر في البلكونه من غير النقاب وكانت بعبايه نص كوم وكانت بشعرها بس مكانش عندي اي علم بالموضوع فرأها اخويا الكبير وهو كبير البيت عندي مكان والدي الله يرحمه وامي متوفيه.فلما رأها فاتحني في الموضوع وكان في جيران بتبص عليها من الشارع مستغربه الموضوع فلما فاتحني بصراحه طلعت ضربتها بغباء بس بدون إيذاء واتصلت بابوها مكانش موجود فبعتلي امها راحت معاها بيت ابوها سبتها فتره وروحت اشوف ايه الاخبار .ابوها ساب المشكله كلها ومسك انتا اذاي تضربها بالطريقه دي قولتله دي عرضي وستر بنتك ملكش انك تزعل مني وحليت الموضوع وجيت علي نفسي وأخدتها وروحت .عاشت 3 اشهر طبيعي فجأه كونت في الشغل جيت لقيت ان اخوها جاب عربيه بعد اتصالها بيهم في البيت واخدت ملابسها كلها وملابس الاولاد وكل شئ خاص بيها حتي الصور الشخصيه ومشيت مع اخوها .روحت من شغلي عرفت الموضوع .روحت اعرف ايه السبب لاقتها بتتهمني بالخيانه اقسمت بالله .حلفت علي مصحف .حلفت بالطلاق تلاته .ابوها كلمني بكل برود سبته ومشيت قولت لعله خير سبتها 20يوم وروحت افاتحه قالي واللهي ذي مادخلنا بالمعروف نخرج بالمعروف ودا قرار بنتي قولته طب ايه السبب قالي ياعم الحمد لله علي كدا بصراحه انا مش ضعيف الشخصيه ولا شايف ان انا مقصر وربنا الاعلم .قلتله اللي يريح بنتك هعمله وطالما طلبت هي كدا يبقي ملهاش عيشه معايا وكلمت اخويا الكبير قالي اللي هما شايفينه .المهم خلص الموضوع بالطلاق بس بصراحه همي علي اولادي هيقتلني ومش لاقي اي حل ومش مفضل اني اتجوز تاني لان مش حابب اخد واحدة واظلمها لان انا مش حابب يكون ليا اولاد من اكتر من زوجه انا رافض الموضوع دا تماما واولادي مع امهم مش هيتربو تربيتي ولا هيعيشو ويتلبي طلباتهم ذي ماهيكونو معايا ومش عايز او مش هعرف اساسا انا انا اكون عايش وهما محرومين من خيري فبالله عليكو وارجو واطلب وادعي الله دائما ان انا الاقي حل في اسرع وقت وجزاكم الله خير واسف علي الاطاله بس واللهي وحدتي بعيد عن كياني ولحمي ودمي هيموتني
يااخي ان ابغض الحلال عندالله الطلاق وانت اخطات عندما طلقت زوجتك وام ولادك كان الواجب عليك تتصالح معها وترضيها من اجل اولادك حتى ولاتخلي احد من أهلها اواهلك يتدخلوا بينكم لو في إمكانية انك تراجعها فافعل عشان اولادك الأطفال الصغار حرام يعيشوا بعيدا عنكم وربنا يصلح الأحوال ويهدي النفوس وترجعوا لبعض اما اذا مارضيت انها ترجع لك بعد كل المحاولات التي عملتها عشان ترجعوا لبعض فكل شيء قسمة ونصيب ده قرارهاهي وأهلها ولازم تحترم رغبتهم وتشوف حالك وربنا بيكرمك بخير منها ان شاء الله ولاانصحك بان تأخذ الأولاد يعيشوا معك هم لسه أطفال والحضانة من حق الام دا شرعا وقانونا كدا والتزم بدفع النفقة والمصاريف لهم حتى يكبروا وبعدين من حقك تزورهم ويشوفوك ولافي احد يمنعك من هذا الحق والله الموفق
اخي الفاضل عاوز الصراحة انت تسرعت في طلاق مراتك ام اولادك ولم تفكر بعقل في مصير اولادك الصغار الان ماعاد يجدي النواح والبكاء على اللبن المسكوب الطلاق حصل بينكما ولكن لوعاوز ترجعها عشان الاولاد فلازم تتحرك قبل قضاء العدة وتدخل احد من العقلاء من اهلك اواهلها لاجل يقنعوها بالرجوع اليك اذا كنت فعلا حريصا على حياة واستقرار الابناء ومصلحتهم وان شاءالله ربنا يهديها هي واهلها وترضى بالرجوع اليك قبل انتهاء العدة اما اذا انتهت العدة فلايحق لها الرجوع اليك الا ان تنكح زوج اخر ويطلقها وتتجوزها من ثاني بعقد جديد ومهر جديد هكذا يقول الشرع وحاسس بكل ماتشعر به من بعاد ابناءك عنك لكن ده هو الواقع اللي لازم تتعايش معه وترضي به ولست معك في رفضك الزواج مرة اخرى عش حياتك يارجل مثل كل التاس ولست باول ولااخر من يطلق مراته في هذا الكون لعل الله يريد لك الخير ويكرمك بخيرمنها وتلاقي ابنة الحلال الصالحة التي تكمل معها حياتك وتلاقي الخير والسعادة والاستقرار معها