السلام عليكم ورحمة الله وبركاتو انا فتاة عندى ٢١ سنة ولى اخ اكبر منى يبلغ من العمر ٢٦ سنة ولى اخت عندها ١٦ سنة المشكلة بقى اللى انا بواجها ان امى تريد اخى ان يتزوج وتبحث له عن عروسة ولم يحدث نصيب حتى الان ولم يجد العروسة المناسبة المشكلة بقى انى بحس ان امى لم تعطى ليا الاهتمام ابدا فى موضوع زواجى وكل همها الاكبر هو زواج اخى فقط بالرغم ان يوجد عرائس كثير من الذى يراهم اخى في سنى وكثير من اصحابى مخطوبين ومتزوجين ايضا واخر تطورات الامر انه تقدم لى عريس لم يوجد به غلطة ولما فاتحتها فى الموضوع تعصبت على جدا وقالت اسباب ليست لها اى معنى ولما قولتلها يا ماما دة انسان كويس جدا ومافيهوش اى حاجة وحشة بل عيوبه قليلة جدا ومميزاته كثيرة وعايز يتعرف على امى علشان يكون دخل البيت من بابه وهى قالتلى انا مش حقابل حد ولا اشوف حد وسيبى الموضوع كدة بظروفه وانا مكتئبة جداا وحزينة ولم اعرف كيف اتصرف وبتمنى ان اخي يتزوج بسرعة حتى تعطينى الاهتمام فى مواضيعى شوية والله العظيم انا بحب امى جدا واتمنى لاخى الاكبر كل الخير بس انا بجد مش عارفة هى بتعمل كدة ليه ارجو ان تعطونى الحل لانى مكتئبة وتعبانة بجد واسفة على الاطالة
يابنتي امك عاوزه تفرح باخوكي الكبير وتزوجه انت ليه مستعجلة على الزواج قبل اخوكي الدنيا ماطارتش هيجي نصيبك وتفرحي وتتزوج زيي كل البنات صدقينى امك تحبكم كلكم اولادها وما تفضلش احد على الاخر من حقها تطمن على اخوكي الكبير وبعدها الدورعليكي ياقمورة هتفرح بكي وماحد ياخذ الا نصيبه في الدنيا دي ربنا يصلح حالكم ويوفقكم ويسعدكم ان شاءالله
امك تحبك زي كل اخواتك ولكنهاتريد ان تفرح اولا باخيك الكبير وده حق من حقوقها وعاوزه تطمن عليكم جميعا ليه انت فكرك راح لبعيد خالص وماحدش عارف نصيبه فين ولا امتى اصبري وربك يعوض صبرك خير والف من يتمناك ياقمر بس اوعي تزعلي ماما او تخالفي شورها لاحسن ربنا يغضب والعرسان ماطاروا الدنيا مليانة رجالة زي الفل وفقك الله وسترعليك
اصبر كل واحد بياخذ نصبيه وتكلمى مع مامتك وقوليلها عايزكى تهتمى بيا وربنا يوفقك