انا فتاة عندى 21 سنه متخرجه من ليسانس حقوق انا عائلتى مفككه ابويا اتجوز وحده تانيه وسيبنا ومش بيصرف علينا وامى هى الا بتصرف انا عندى اخت بس متجوزه وعندها بنت ومع العلم امى هى الا مجوزها انا خريجة دفعته 2010 ومش بشتغل لانى مفيش شغل بس انا عندى مشكله كبيره اوى مع امى واختى ومش عرفا اعمل ايه انا امى بتحب اختى اكتر منى رغم انى انا الا شيل امى من كل حاجه ولو طلبته ايه حاجه بتبقا عندها المهم انا اتخطبت من 3 شهور الحمدالله ربنا كرمنى بواحد بيخاف عليه وبيحبنى يوم الخطوبة اختى معبرتنيش ولا اتصلت بيا رغم انا ايام خطوبتها وجوزها انا الي كنت بعمل كل حاجه والمعامله اتغيرت وكل حاجه بقيت اوحش من الاول وكل مايتكلموا اه ماانتى اتخطبتى وبقيته تقوم ماما عليا كتير لو اختى ديه طلبت اى حاجه هتجبهالها فى لحظه وانا لو قولتلها انا عاوزه حاجه يبقا نهار مش معدى وابويا طبعا سيبنا ومش معبرنا وانا مش عارفه اعمل ايه ياريت حد يحل معايا المشكله ديه
انامع كل اللي قالواالاخوان في ردودهم قربي اكترمن امك وماتحاولي تزعليهاابداواختك لهاحقوق زوريهافي بيتهاوحبيهامن كل قلبك وتاكدي مالك في الدنيااحد غيرهم دول اهلك واحرص ناس على حياتك
السلام عليكم يا اختى الكريمة لو امك بتعامل اختك احسن منك شوية فده كويس مش وحش بس غيرتك منهم بتخليكى تبانى مدايقة وانتى مش حاسة لانك طول الوقت بتبصى لتصرفاتهم مع بعض واكيد مش حاسة انك بردة بعيد عن امك واختك فلية متشركيهمش حواراتهم وزيارتهم لبعض وتزورى اختك لوحدك وتحسسيها انك مش غيرانة منها وبتحبيها انتى كمان لان الوسواس الخناس بيصور للناس حاجات تكرهم فى بعض حاولى متبصيش وتهتمى امك قالت لاختك اية وجبتلها اية انسى الكلام دة وخليكى عادية وحاولى كمان ترضى امك وتهزرى معاها وتحاوريها كتير ودة عن تجربة والله لانى كنت زيك كدة بس الحمد لله عملت الحاجات دى وامى بقت بتحبنى جدا وبتحب تتكلم معايا اكتر واحدة بس مع العلم انى مباخدهاش فى صفى واخليها تبعد عن اخواتى بالعكس بوصيها عليهم علطول وبقولها تدعيلهم ومتزعلهمش والحمد لله علاقتنا كلنا كويسة وانا دايما والله اللى بحاول ارضى الجميع علشان دول مهما كان لحمى ودمى مينفعش ازعل منهم ابدا ولا يزعلوا منى حاولى وربنا يوفقك ويسعد ايامك
يمكن امك متعلقه باختك شويه لانها بعيده عنها ومتزوجه لكن انتى يا اختى بايته فى حضنها علان كده هى بترضى اختك لكن اكيد حبكم واحد فى قلبها ويمكن اختك شعرت بيكى وبشعور الغيرة منك ليها وهذا جعلها تبعد عنك ولازم تلتمسى لاختك العذر دائما حتى ولو مسالتش فى يوم خطوبتك متعرفيش يمكن عندها عذر مش عاوزة تقوله المهم خليكى فى نفسك وحبى اختك ومتزعليش من امك انتى ملكيش غيرهم حتى لو اتجوزتى وبقى عندك مائه عيل برده مش هتقدرى تستغنى عنهم