بسم الله مشكلتي ان عائله ابي كلها في شجارات قديمة ادت لتفكك العائله وكرههم الشديد للاخر وعائله امي بصراحه احسهم منافقين لانهم بيحدثوا عن الدين وما بيعملوا بيه وده مخليني انا اكرههم بشده وامي متوفاه من عمري5 سنين وعانيت لحد ماكان عمري12 سنة من غياب ابي المتواصل وتعذيب عائله ابي لي بالضرب الشديد بالاشياء الساخنه وغيره ومنبعد عمر 12سنة ابي بقي دايما قاعد معانا بس كنا نعاني بصعوبه اكبر بسبب عصبيته الشديده وعدم علمنا بكيفيه تحضير الطعام لاننا اطفال ومفيش حد بيساعدنا بحاجه وغير كده ابي كان دائم الشجار معي بالذات واختي كانت بطنش اي كلام بيقوله ليها لكن انا مش بقدر اعمل زيها وكل يوم اصحي علي بكاء وانام علي بكاء لحد ما نظري ضغف ولبست نظاره لكن ابي لم يكف عن كلامه وكان يقول لي كلام يجرحني بشده مثل الله ياخدك ويارب تموتي وارتاح منك مش عارفه اذا كان كا الاباء بيقولوا كده ولا انا حساسه وما بتحمل كلمه بس هوا بيقولي كل يوم الكلام ده مش مشكله المهم انا دايما شخصيتي مرحه واجتماعيه جدا وكنت بفرح كل اللي حواليا لعل حد يجي في يوم يفرحني انا18 سنة دلوقتي ولكن منذ بدات الثانوي واتغيرت اتغيرت بشكل جذري حتي روحي احسها ماتت وحصل لي مشاكل كثيره هذه الايام حتي ذهبت لدكتور مخ واعصاب فقال اني مش كويسه ولازم اروح لدكتور نفسي وروحت والدكتور قالي اني عندي اكتئاب مش فاكره نوعه ايه لكن بدات اتعالج من ورا اهلي لغايه الدكتور قالي لازم اقولهم وبصراحه كنت بحس اني بتحسن بالتدريج بسبب العلاج وبعض الحاجات اللي الدكتور قالي اعملها المهم قلت لاختي الاول وهيا بدات تساعدني ولكن بعد مدت اخدت فلوس درس معايا كتيره ووقع تلت ترباعها مني وبابا افتكر اني سرقتهم لاني وانا صغيره كنت بسرق بس الدكتور قالي انه كان عقلي بيعوض اللي مفقود عندي بالطريقه دي المهم ضغط علي اختي وخلاها تقوله علي كل حاجه وراح قال لعمي كبير العائله عمي ده قاسي جدا كان بيعذبني كتير وانا صغيرةودايما كان بيضربني بحزام مسخنه علي النار وكان مؤلم بدرجة لايتخيلها احد المهم عرف ومنعني من الذهاب للدكتور ومن العلاج وبابا راح قال لعمتي اللي هي برضو لاتقل قسوة عن عمي وكان هيقول لخالتي والتي لاتقل قسوة عن الاتنين اللي فاتوا واي حد بيزورنا بيفضحني وانا من ساعه ما وقفت العلاج واني اروح عند الدكتور وانا تعبت اكتر من قبل ماروح عند الكتور وحالتي بقيت اسوء باربع مراتوبقيت بحرج في جسمي وبفكر في الانتحار اكتر ما بتنفس مافيش حاجه في حياتي مخلياني متمسكه بالحياه لكن انا مش عايزة انتحر مش عايزة اموت كافره مش عايزة الدنيا كلها تبقي ضدي وكمان ربنا يكون غضبان عليا ولما بصلي مش بعيط ولا بحس اني ارتحت ولو شويه مع العلم الفتره دي بصلي بخشوع عمري ماجربته في حياتي مش حاسه اني بتحسن مش عارفه اعمل ايه وكل ما اقول لبابا انه كده فضحني يقولي احسن علشان تحسي علي دمك وهما فاكرني اني بمثل واني مش مريضه قولولي اعمل ايه ارجوكم ساعدوني باي حاجه
اول شيء ربنا يكون في عونك ويصبرك على عيشتك
ثانيا يأختي انتبهي من الانتحار ششيلليه من بالك ،اكثري من الاستغفار والدعاء بين اذان واقامه والصلاة اخر الليل(الوتر)ادعي ربي يفرج همك وينصرك على من عاداك
ثالثا حاولي قدر المستطاع تشغلي نفسك باي شغله ولو كانت بسيطه أهم شيء شغل يبعدك عن محيط اهلك ويجيب لك كم فلس تستفيدين منها
والشغله تكون حلال ونظيفه وحاولي انك ماتجادلينهم كثير ،وأكثري من الاستغفار والدعاء وقول لاحول ولاقوة الا بالله
انصحك بمشاهدة فضل الصبر للشيخ المغامسي أو لمشاري الخراز
و ربي يفرج علي وعليك وعلى كل مسلم
الحل يكمن بإذن الله بعدة خطوات، أول حاجة استمرفي الصلاة بخشوع لأنهاصلة بينك وبين ربنا وحتى لوماحسيتيش بحاجة الآن فستجدين الآثر بعدمدة من الطمأنينة والسكون، ثانيا حاول تطنش اعمل زي اختك لأن الانسان الي بيتحسس من كل موقف يتعب كثير، أنا عارفة إنك بتعاني لكن دائما ذكر نفسك بأحاديث الرسول عليه الصلاة والسلام إن ده ابتلاء وإنه إذا أحب الله عبدا ابتلاه وأن عظم الجزاء، مع عظم البلاء فمن رضي فله الرضا ومن سخط فله السخط،وابعدعن فكرة الانتحار لأنه مردك بيكون جهنم، ثانيا اجعل لك ورديومي من الأذكارالقرآن بتشعربطمأنينة كبيرة، ثالثا استغفر كثير مش أقل من ألف نرة في اليوم لأن الرسول عليه الصلاة والسلام بيقول( من لزم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب)، واكثر من الصلاة على النبي فالرسول عليه، الصلاة والسلام عندما قال له أحدالصحابة أجعل لك صلاتي كلها،ردعليه الرسول عليه الصلاة والسلام( إذا يكفى همك ويغفر ذنبك)، وكذلك أكثر من ( لاحول ولا قوة إلا بالله)،لأن الرسول أوصى بها رجلا وقع ابنه في الأسر فنجاه الله، ثالثا اكثر من الدعاء في أوقات الإجابة واذااستطعت في الثلث الأخير من الليل فربنا سميع رحيم، وتصدق على الفقراء ففيها المغفرة والفرج، وأخيرا لاتيأس وابتسم واشغل نفسك بدراستك وان استطعت حفظ القرآن، ودائما ابتسم وقول ماابتلاني الله إلا ليرى صبري وتحملي وسأكون عند حسن ظني بربي وسأحسن الظن به، ومهما أساء لك الأب أو الأقارب فقابل الإساءة بالإحسان وابتسم في وجوههم واعلم أنك بذلك تنالين الأجر وكلما قابلت معاملتهم بإحسان سيأتي اليوم الذي يشعرون فيه بخطأهم ويعدلون معاملتهم وادع الله لهم بأن يحنن قلوبهم عليك، هذه أشهر مباركة وفقك الله وحفظك وفرج عليك
لاحول ولا قوة الا بالله الصبر مفتاح الفرج الله يفرج همك وهمي