سلفتى لا تحبنى

سلفتى لا تحبنى وعلطول تنتظر انى انا اسال عليها وتغار منى بسبب معاملة اهل جوزى ليا الحمد لله حلوة وحاولت اكتر من مره اقرب منها لكن بحس انها مش متقبلة لان مش زى تفكيرها وان علطول بحاول ارضى اهل جوزى واخر موقف كان من شهر 1 سافرت لانها عايشة بره وكان بناتها تعبانيين واتصلت بيها وهى راحة المطار ومن بعد كدا جالى ظروف وماتصلتيش وجه وقت سفرى تعبت جامد واجلت سفرى لان مقيمة بره ومساليتش ولا هى ولا جوزها وسافرت ومن ساعتها ولا هى بتكلمنى ولا بتكلم زوجى ولا انا بكلمها ولا بكلم زوجها لكن الاخين علطول بيتكلموا والاولاد على النت مش عارفة اعمل ايه وخايفة من صلة الرحم وزوجى رافض اكلمها لانها شايفة نفسها عليا وبتحب ان احنا نهتم لكن هى لا ونزلنا اجازة وحمايه لاحظ الموضوع وسالنى وقولتلوا الاسباب انى ماتصلتيش بيها لما كانوا الاولاد تعبانيين وبعد كدا ابنى تعب ووالدتى تعبت ومحدش سال عليهم وف الاخر تعبت جامد وبردوا مساليتش وبالتالى انا نفضت وهى مابقيتش تسال راح حمايه اتصل بيها وقعد يزعقلها وقالها انك علطول تعملى مشاكل بصراحة كل اجازة تنزلها لازم يزعلوا منها وحاولت اصلح الموضوع عملت معايا مشكله وجوزى طلب منى عدم التدخل وساعات اقول جايز بتغير علشان معاها 3 بنات وانﻻ معايا ولد بس هى بتصلى وعارفة ربنا ازى تفكر كدا المهم انى فكرت اكلمها من ورا جوزى على النت واتكلم معاها براحه واحاول تانى اقرب منها بس خايفة من رد فعلها يضايقنى ومن رد فعل جوزى بصراحة انا هعمل كدا مجبرا بس علشان ارضى حمايه لان لاقيته زعلان لان هما اخين بس وخايف بسبب زوجتهم يتفرقوا وانا استحاله اقطع صله الرحم ارجو الحل

مشاكل وحلول ذات صلة

• ﻫﻞ ﻳﺤﺒﻨﻲ زوجي ﺍﻭ ﻳﻜﺮﻫﻨﻲ
• زوجي يخونني عبر النت كيف اتصرف
• زوجي يعيرني بطلاقه الاول ويغير من ابنائي
• خيبة بعد الزواج واشمئزاز من زوجي
• تعدي اب على بناته وهتك عرض
• انا زوجه تانيه وجوزي دايما بيكذب عليا
• اعيش في نار مع زوجي