السلام عليكم يارب تردوا عليا
انا مشكلتى امى
امى ربتنى انا و4 اخوات لكن انا كان ليا نصيب الكره بس
كانت مشغلتنى خدامه ليها ولاخواتى كان كل املى انى اكمل تعليمى لكن هيا كانت عايزه خدامه كانت بتمنعنى من المذاكره بدون الدخول فى تفاصيل امى كانت جحوده معايا ادرجة انى مابقدرش احضنها ولا حتى اقولها بحبك ولا اقدر اقولها ياحبيبتى لكم ان تتخيلوا قمة القسوه والضرب والبهدله والفضيحه فى الشارع لو كنت معملتش شغل البيت او الاكل المهم
انها دلوقتى مريضه بقالها 9 سنين ومرضها كل سنه بيسوء عن السنه اللى قبلها هيا دلوقتى طريحه الفراش وحركتها محتاجه مساعده وهيا طخينه يعنى لازم اتنين يكونوا دايما معاها عشان محتاجه حتى اللى يقلبها من على السرير
انا ماسبتهاش طول ال9 سنين من اكل وشرب ومصاريف دكاتره وعلاج لحد ماوصلت لوقت ماعنديش فلوس اتحمل مصاريفها وهيا بتبقى عايزانى انا اللى اصرف عليها واجبلها العلاج والاكل والشرب ليها ولاخواتى الل ماشاء الله 2 متجوزين واتنين شباب على وش جواز وهيا معاها فلوس لكن دايما تقولى فلوسك من حقى انا السبب فى اللى انتى فيه انا متزوجه وعندى اطفال
وببيع شويه حاجات كنت اللى بجيبه بصرف عليها عمر جوزى ماقاللى فين فلوسك
لكن المشكله بقى انى تعبت ماعنتش قادره اشتغل وابيع وولادى كبروا ومحتاجين اهتمامى وجوزى طلب منى كتير انى اقعد فى البيت لانى طبعا مأثره فى بيتى
مشكلتى انى تعبت نفسيا وجسديا ومش قادره اتحمل لا مصاريف امى ولا خدمتها وهيا طبعا مش طيقانى وطبعا اخواتى ماخدش بيعبرها لكن دايما بتحبهم وبتدعيلهم ومهما بهدلوها واهانوها تفضل تراضى فيهم اما انا تكرهنى
انا مش قادره على خدمتها لان صحتى مش ذى الاول وخايفه ات ربنا يردلى مرضها علشان سبتها اعمل ايه مع العلم انى مش هخدمها بس هخدمها هيا وعيالها اعمل ايه ومع العلم بردو ان وقتى ضيق مابين ولادى وبيتى وجوزى وشغلى وعمرى ماأسرت معاها طول الفتره اللى فاتت وجوزى كمان كان دايما معايا فى كشفها وكنت ومازلت مبهدلاه معايا
مشاكل عائلية
امي جحودة معي وعايزاني اراعيها على حساب بيتي
اضيف بتاريخ: Tuesday, October 31st, 2017 في 17:40
كلمات مشاكل وحلول: اطفال, بنات, بنت, علاج, متزوجة
انت الابنة الكبيرة لها ودي امك يااختي والله تعالي اوصى بها من فوق سبع سموات في القران الكريم قال تعالى – وقضى ربك الاتعبدوا الااياه وبالوالدين احسانا اما يبلغن الكبر احدهما او كلاهما فلاتقل لهما اوف ولاتنهرهما وقل لهما قولا كريما واخفض لهما جناح الذل من الرحمة وقل ربي ارحمهما كما ربياني صغيرا- وقال تعالى- ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا – وقال الرسول عليه الصلاة والسلام لرجل ساله من احق الناس بحسن صحبتي يارسول الله قال امك قال ثم من قال امك قال ثم من قال امك قال ثم من قال ابوك- وقال عليه الصلاة والسلام- الجنة تحت اقدام الامهات – وقال ايضا- بروا باابائكم تبركم ابناءكم – فاتقي الله في امك يااختي واحسني اليها وقم بواجبك نحوها من البر والاحسان والرعاية والاهتمام مهما كان منها او مهما حصل لك من معاملة علشان ربنا يرضى عنك ويبارك لك في اولادك وفي حياتك الزوجية كلها ولايمنع انك تعطيها شئء من المال اذا كنت الحمدلله امورك متيسرة ماليا واعرفي كيف تهتم بها دون اضرار ببيتك وزوجك اولادك اعطي كل منهم حقه دون تقصير واياك والتنكر لها او اهمالها او التملل من خدمتها ورعايتها فلن يرضى الله عليك وسوف يكون الله ساخطا عليك التوافق بين بيتك وحياتك الزوجية وبين امك امر ضروري لازم تعرفي كيف يكون هذا التوافق مثلا ايام تقضيها مع امك وايام تقضيها مع زوجك واولادك وههكذا حتى يمن الله بالشفاء العاجل لامك وربنا يخلييها لكم ولايحرمكم منها ويبارك لكم فيها فهي الخير والبركة ويحفظ لك زوجك واولادك ويؤفقكم ويسعدكم في هذة الحياة