بيتنا دايما في فوضى

بيتنا دايما دوشه مع العلم اني 20سنه واخواتي 10 و12 سنه اولاد .
امي طول النهار زعيق وصويت وخناق ليل نهار صوت عالي وزعيق .
لم عيل من العيال الصغيره بيغلط بيتمسك يضرب علقه موت .مع العلم اني اخويا عندوا صعوبات تعلم واضحه جدا وابويا رافض انوا يعالجوا عشان خايف ان الواد يبقي عليه كلام انوا مش طبيعي مع اني حاول اقنعوا اخويا كل يوم حالتوا بتزيد مش عارف يزاكر ولا عارف يكتب مثال (بيكتب اللاعبان_العلبتان )هو عارف ازاي بتكتتب وهو شاطر وذكي بس معرفش دا ايه المهم لم تنبه دي غلط يقوم عايده بتركيز ويكتب صح )
ابويا مبيدنيش مصروف خالص مفي غير لم اروح الجامعه يومين في الاسبوع بيديني 20ج في اليوم بيتصرفوا مواصلات بالنسبه لللبس او المناسبات او الاعياد مفيش لبس بقالوا 5 سنين مره واحد اداني 200ج اجيب جاكيت ما علينا مش القصه .
لو نزلت قعدت مع اصحابي مره في الاسبوع ع القهوه واتاخرت مثلا للساعه 2 وبكون قايله انا هقعد في المكان الفلاني وهتاخر يفضل يتصل عليا ويزعق انت فين انت فين اكني عيل صغير واصحابي بيستغربوا .
في الاجازات بنزل اشتغل عشان اقدر اجيب لبس ليا اهو افك الدنيا شويه ع نفسي لو ابويا اداني 15 ج لمواصلاتي بيكون عايز ياخدها يقولي انا مبديش حد مصروف وهو شغال وهو اصلا مبيدينيش ا مع العلم انا ابويا مبرداش اقولوا هات جنيه بخليه يسيب اللي يسيبه مبتكلمش ولا بقول زياده ولا اقص ممكن مع نفسي اضايق لكن مش ببين .البيت دايما عندنا في مشاكل مع ابويا وامي وكل شويه خناقات وشويه امي تتهانق معايا
انا بضاايق من طريقه ابويا في اي حاجه بيشاورلي بصابعه يوقولي تعالا يالا اقف هناا بصباعوا زي العيل الصغير لم اقولوا ليه كدا يعمل نفسوا بيهزر
امي بقي معاهم معاهم عليهم عليهم كل شويه بحاله .
ابويا بيقول ان هو بيبني انزل شغل عشان اتعلم بضايق من الكلام دا لاني بنزل شغل من الفقر وهو مصر يعمل انوا اكنوا بيديني اذن مثلا .
شهر 8 اللي فات كان عندي مشكله في صباعي روحت للدكتور ابويا دفع كشف الدكتور انا عارف ان العمليه ضيقه شويه فقولت هستلف فلوس من امي
وهشتري الدوا دوا كان 300ج او 250 المهم وكنت سالف 300 عشان اخلص ورق للشغل بتاعي منها .
بقت تتخانق معايا كل يوم بسببهم وانا لسا مقبضتش بقولها لم اقبض فضلت تتخانق وانا كمان اتخنقت وزعقت .
مره ففي الشغل كان في عجز منتج ب200ج فقولت لامي سلفيني 200 ج ولم اقبض هديكي كل اللس استلفتوا منك قعدت تتخانق وتزعق ليه ليه ليه بقولها خلاص القبض كمان 10 ايام مش بعيده مع العلم ان الفلوس اللي بستلفه منها دي فلوس هي ركناها مش بتعمل بيها حاجه فضلت تتانق وتزعق لاجل ان انا مظلوم خليتهم يراجعوا الكاميرات اكتشف ان العجز مش غلطتي غلطه حد تاني والمشكله اتحلت
انا دلوقتي مشكلتي كلها مع اهل يوطريقتهم كل يلعن اليوم اللي بشوف فيهم ,
مره وانا صغير وقفت في السوبر ماركت مع امي طلبت كيس بسكوت ب 0.50قرش قالتلي لا لم طلعت فوق اضربت علقه وكيس البسكويت ابو 0.50 قرش قالتلي ب10ج وزعقت وضربت ولم ابويا جه بقي يا سلام التكمله
مره تاني كنت عندي جدي وبكلمه في ودنوا بقول عايز اطلع اللعبه بتاعتي قالي لا مش دلوقتي عشان مش يكسروهالك العيال التانيه واحده من قرايبنا شافتني واتصلت ع امي قالتلها دا بيخبص لجدوا ابويا مسكني هو وامي وفضلوا مذنبني وايدي لفوق ويضربوني وهي تقولوا اضربوا اه اضربوا عشان اهلها . مره تانيه كان في مشاكل عائليه في بيت جدي وستي خرجت من وراه مع عشان بتفتح شقه قديمه بتاعتهم يقعد فيها عشان كان متخانق مع جدي المهم كنت صغير 2 ابتدائي جدي سالني انت كنت فين النهاردا قلتله كنت في المكان الفلانيمع امي وجدتي عشان كذااااا طبعا دا يعمل مشاكل بس انا طفل مش مفروض اني اكدب ولا اعرف ان دا يعمل مشاكل لم روحت تعذيب بقي تتلسع بالشوكه علي مؤخرتك عشان متعملش كدا تاني وتعذيب بقي ياسلام كل دي تفاصيل قليله من حياتي وانا صغير.وانا في ثانويه عامه ابويا كان كل ما يتكلم معايا يقولي انت لازم لم تشتغل ناخد منك فلوس ناخد 1/3 مرتبك وطريقته معجبتنيش
في النهايه انا مبنكرش خير ابويا وفضله انوا علمني ورباني ولا فضل امي عليا انها بتساعدني وانا بحبهم جدااااااااااااااااااااا بس طريقتهم بتضايقني
وانا مش هنكر اني بغلط معاهم بس انا مش قادر اعيش معاهم بالوضع دا صعب انا ليه مش عارف اعيش في سلام نفسي
ياريت اي حد يقدر يساعدني باي حل انا بفكر اسيب البيت وامشي واكمل السنتين التعليم دول اصرف ع نفسي ومش عايز اشوف حد عشان انا تعبت

مشاكل وحلول ذات صلة

• سمنتي المفاجئه
• هل انا فعلا معقده ومريضه
• انا خجوله اوى وكلامى قليل
• اغتصاب طفلة هم مش اى حد يقدر يستحمله
• هل هو معجب بي او لا
• التبول اللارادي عند الخوف والتئتئه
• أتنرفز من الأصوات وأفقد تركيزي بسببها