ترددت كثيراً قبل أنا أكتب لكم فقد يظهر العنوان لحضراتكم إنى أكره أبى أو أننا لا نتفق أبداً على العكس تماماً فأنا أحب أبى كثيراً وأنا الإبنة الوحيدة لأبى وأمى ولن تتخيل ما فعلوه لى فلم يحرمونى أبداً من شئ وكل طلباتى مجابة حتى لو كانت مجرد حلم لى ويصعب عليهم تحقيقه كانوا يقومون بالمستحيل لتحقيق حلمى ويروا فقط نظرة سعادة على وجهى وأنا ببذل قصارى جهدى لأكون ابنه بارة بيهم ودائماً أرى إنى ما أفعله لا يوفيهم حقهم على وأبى أب حنون وأنا عنده ابنة مدللة لأقصى درجة ويخاف على من الهوا الطائر وقصدت أسرد هذه المقدمة لكى تتفهموا منى القادم المشكلة تكمن فى أبى وطباعه فهو عندى جداً لأبعد الحدود إذا تشبثت فكرة أو رأى فى رأسه لابد من تنفيذها حتى لو على حسابنا وأى رأى أقوله أنا ووالداتى يضرب به عرض الحائط وذلك فى حالة لو أعطى نفسه الفرصة ليسمعه منا فهو أغلب الوقت يأخذ قرار وواجب تنفيذه بدون مناقشة وأنا فى كل مرة أسمعه وأنفذه بدون مناقشة حتى لو كنت أرى فيه أنه قرار خاطئ كى لا يتضايق ويتعصب لأننا لما نخالفه الرأى يتعصب جداً على أمى وعلى وأنا لا أحب أنا أراه حزين ولكن أيضاً طباعه جافة مع الناس فهو دائماً يختلق المشاكل معهم ومع الجيران يتفنن فى خلق الأسباب للتشاجر معهم ودائماً على طول الخط المعارض لهم فى أى قرار يتخذونه ودائماً هو واقف الحال لما فيه الصالح العام للكل فمثلاً مع إتحاد الملاك البرج اللى ساكنين فيه لو أرادوا جمع مبلغ معين من المال لتركيب عداد مستقل لكل شقة يرفض وإذا طلبوا مبلغ آخر للنظافة وتزين المدخل والإهتمام به والكهرباء يرفض أن يدفع كل هذا فيقول ( واسمحوا لى أكتب من أول هنا بالعامية ) مثلاً أنا ماليش فيه وماليش دعوة بالإهتمام بالبرج ويخفض المبلغ للنصف حق المياه والكهرباء ونظافة المدخل فقط فنصبح نحن أقل السكان دفعاً للفلوس فى أى شئ يخص البرج رغم أننا الحمد لله متيسرين مادياً وهو غير بخيل علينا أنا وأمى وعايشين كويس جداً الحمد لله وبنطلع مصايف فى أرقى المناطق ولوقلت له نفسى أخرج أروح المكان الفلانى بيخرجنى على طول ولكنه حابب كل الناس تمشى برأيه وإذا خالفته يعتبرها على طول أنهم متعمدين فعل ذلك عنداً فيه لدرجة إن كل الجيران كرهونا وبعدوا عنا بسبب طباعه ومحدش بيخبط علي باب اشقتنا وإحنا ساكنين فى منطقة حيوية وصاحية ليل ونهار وهوبيحب النوم بدرى وحتى لو مش حينام لو لاقى بس دوشة وإزعاج فى الشارع يخرج يتشاجر معهم حتى يصر إنهم يمشوا نهائى من المكان ( وهو اصلاً غير راض عن المكان بأكمله ويتمنى أن يرجع يعيش فى المكان الذى ولد فيه فى منطقة أخرى وحابب شقته التى ولد فيها وكانت فيها والداته رحمها الله وقبل ما تتوفى كان فيها أخته مع والداته وأخته أخذتها من سنين ورفضت تعطى أخواتها حتى غرفة واحدة فيها ) فكل لما يزور أخته يتذكر حنينه لكل ركن فى هذه الشقة وكلمنى مرات كثيرة قبل كده أنه حابب يعزل ولكن أنا تمسكت بالمكان لأن فيه ولدت أنا كمان وحابة المنطقة وأقنعنى أنه تفهمنى ولن يبيع هذه الشقة طالما انا حابها ولكن سيبحث عن أخرى ولكن من أين ؟؟؟ فأسعار العقارات زادت بشكل رهيب فوق قدرتنا المالية ولو قدرنا على حاجة صغيرة يبقى سنضع فيها كل ما نحتكم عليه من مال اللى المفروض هما قايلين شايلينه لجهازى لأنى لسه مش مخطوبة وياعالم اللى حيجى حيطلب إيه ولما قلت له كده قال أنه لن يقرب من الفلوس اللى شايلنها ليا وفكر فى أخذ شقة إيجار حتى لا أترك هذا البيت ولكن ستحتاج فرش وفرش شقتنا الحالية مش حينفع ننقله فى إيجار والأهم إنى فكرت أحققله حلمه وأجيبله شقة إيجار بره على حسابى ( لأنى بشتغل وليا مرتبى ) لفترة شهور قليلة قلت أجرب جايز خنقته من المكان وكرهه العيشه فيه هو اللى بيخليه يتشاجر مع الناس ولكن حيقابلنى عائقين أولاً إن ثمن شقة إيجار فى المنطقة اللى هو حاببها أعلى من مرتبى نفسه وثانياً إنى لا اضمن طباع أبى لأن أى مكان جديد بيسكن فيه لازم يتخانق مع الجيران كى يتجنبوه ويبقى فى حاله ومحدش يخبط عليه وآخر مشكلة حالية إنه رافض يدفع نقود لإتحاد ملاك البرج الل ساكنين فيه عنداً فى ساكن معنا ( رغم أن أبى له مرتب خاص به ) وحلف ما هو دافع وشد مع أمى ومعى لأنى قلت له مش حينفع وميصحش كده والناس كرهتنى ومبقاش لينا قيمة وسطهم وحلف على أمى إنه حيبقى فيها خراب البيت لو دفعت ( لانى هى الأخرى ليها مرتها الخاص ) ( أنا كرهت العيشة بالطريقة دى لأنى أصلا مبحبش المشاكل بطبعى وحالتى النفسية كل يوم من سئ لأسوأ بقيت كل يوم عايشه فى رعب وهلع وخوف كل لما أسمع صوت عالى أجرى وأقول بابا بيتخانق لدرجة إنى وصلت لمرحلة حتى لو عارفه أنه خرج مشوار بره أول ما أسمع صوت زعيق أجرى وأقول بابا بيتخانق وكلمته قبل كده إنه كده بيدمرنى نفسياً وأن ياريت يراعى حالتى النفسية لو سمع كلامى من ودن بيطلع كلامى من الودن التانية وفكرت اروح لدكتور نفسى بس ترددت كتير حقوله إيه وحيعملى إيه ) فما الحــــــــــــــــــــــــل ؟
ابنتي العزيزة السلام عليكم ورحمة الله وبركاته كان الله بعونكم جميعا على هذا الاب العنيد القاسي الغير اخلاقي لافي تعامله معكم ولامع الناس الاخرين ولاشك ان حالته تستدعي انكم تطلبوا منه مراجعة طبيب نفسي لانه فعلا مريض وتصرفاته تلك توكد كلهذا وفي خطورة عليكم وعلى سمعتكم وكرامتكم وسط الجيران والناس المحيطين بكم خلاص الناس صارت تكرهه وتبغضه من تصرفاته الحمقاء والغير اخلاقية من التشاجر والمشاكل والخصام مع الاخرين وانتم اول الناس تكتون بهذا وتعانون الامرين من تلك الافعال الغير اخلاقية والغير معقولة من شخص مثل ابوك حاولوا عدم التصادم معه انت وامك وابتعدوا عنه حتى يهدا ويروق واذا كان في احد من اقاربكم او اصدقاءه لهم تاثير وكلمة عليه ويستمع لهم فاطلبوا منه يتدخل لاجل يقنعه بان يغيير من تعامله وسلوكه معكم ومع الجيران والاخرين وان يترك عنه العصبية والعناد والشجار والخصام ويكون حليم ويترك الغضب ويحسن التعامل مع كل الناس فابوك ربما انه شخص والعياذبالله لايصلي ولايعطي حقوق لله عزوجل ولايردعه دين اوخوف من الله او تانيب ضمير وهذا هو الارجح فعليه ان يرجع لله عزوجل ويصلح من شانه وان يتقي الله فيكم وفي الاخرين ويحسن المعاملة لكم وللجيران ويتصف بالاخلاق الحميدة التي امرالله عزوجل بها المسلمين ويكف شره واذاه عن الاخرين ويعلم ان الدنيا هذة فانية والى زوال ولايبقى للانسان الا العمل الصالح ويتذكر الموت الذي لامفر منه وان كل انسان محاسب على اقواله وافعاله وكل صغيرة وكبيرة يعملها واكثروا انتم له من الدعاء بالصلاح والهداية وحسن الخاتمة والله عزوجل بيصلح لكم الحال ويهدي ابوكم ويسترعليكم ويحنن قلبه عليكم وعلى الاخرين ويتجاوز عنا وعنه ويلطف بنا وبكم ويجعلكم مخرجا مماانتم فيه ولاحول ولاقوة الابالله اصبروا عليه حتى يقضى الله امرا كان مفعولا
مين مقرب من بابا وبابا ممكن يتأثر بيه
لو فيه حد كده كلميه واحكيله وخليه هو يكلم بابا
نقطة تانية بابا ممكن عنده بعض الثوابت بداخله ومش بيغيرها بسهولة
بس حاولي معاه من جديد توكلي على الله الذي سخر لانبيائه الحديد والبحر والانس والجن توكلي على الله وحاولي وانا متاكد ان بابا هيلين لك وهيتغير رغم انها صعبة عليها
قوليله بطريقتك الذكية فمن احساسي من كلماتك رغم قلتها انك ذكية وذي احساس عالي فحتقدري باذن الله تغيري من بابا
هو عنده بعض المفاهيم والثوابت وهو يرى الامر من هذه الحوانب فقط التي يراها ولا يرى الحوانب الاخرى مثل نتيجة ما يفعله وانه سيسبب كراهية للجيران
لكن ماذا لو حاولتي مع بابا من ابواب اخرى من ناحية ان مينفعش اصلا لان الاشتراك بيكون على الكل وبالتساوي ولان كل الناس عايشة كده وبتعمل كده في بلقي العمارات وان ربنا ودينا امرنا بالجار وان تطبيق بابا هنا لمبدأه او ما يترسخ بداخله غلط مش صح مش في دي يطبق مبدأه ده وهكذا حاولي معاه
وممكن اما يكون بابا كده تهدوا وتقفلوا الموضوع حتى يراجعه بابا مع نفسه ثم في وقت اخر تكلميه مرة اخرى في نفس الموضوع
موضوعك انا بمر بيه حاسس بيكي قوي…