مشاكل عائلية

والدي كذاب وبيورطنا في حاجات

السلام عليكم ورحمه الله وبركاته
انا فكرت كذا مرة قبل ماطرح مشكلتى عليكو بس ربنا هدانى انى اكتب مشكلتى اولا عشان ارتاح ثانيا عشان يمكن حد عنده حل
باختصار والدى عامل مشاكل كتير اوى معايا ومع اخواتى ومع امى وبيورطنا فى حاجات احنا ملناش يد فيها يعنى مثلا بيكذب على الناس
وبياخد فلوس منهم على اسمنا وبيكذب طول الوقت علينا ومابيصليش ولو فى حد فينا بيشتغل بياخد اوقات فلوس منه وبيرجع يقول انا
مابشوفش منكو حاجه ودايما شايفنا احنا غلط وهو صح وعايزنا نكذب زيه دا غير المشاكل والخناقات اللى اوقات كتير بتحصل مشكلتى انا بقى ا
انى مش بعرف اسكت على الوضع دا فكتير بواجهه بحجات وبتخانق معاه اخواتى مابيعملوش زيى كده بس انا بعمل كده غصب عنى لانى
مبقدرش اتحكم فى نفسي وخايفة ربنا يكون غضبان عليا انى بعوقه بس والله العظيم انا كلامى مافيه مبالغه ونفسي حد يحس بيا وبالوضع الل انا فيه