اريد ان اطرح ليكم مشكلتى وهى ان انا اخت كبيره لاخين اصغر منى ومتزوجة وعندى طفلين ووالدتى متوافية منذ 7 سنوات وكان اخى الاصغر منى كان مسافر في دولة عربيه فى ذلك الوقت وكان لما ينزل اجازه بعد موت امى كان بينزل عندى فى منزلى وانا بحب اخواتى جدا وحنونة عليهم لدرجة لا توصف المهم نزل اخى فى فتره الاجازة وكان يريد ان يتزوج فعرضت عليا جاره لى بان يتزوج احد اقاربها فى نفس منزلها وهى من اسره متدينه فعرضت عليه الموضوع فرحب وشافها وحصل توافق وتزوج بها والمشكلة بدات من قبل زواجهم بفتره فقد اكتشف انها تكذب علينا وتكذب على اخي حيث ان اخى طيب جدا وملوش اختلاط بالبنات اصلا فهى انتهزت هذه الفرصة لصالحها وتقربت منه وبعد الزواج اول شئ عملته انها قطعت صلة الرحم بينى وبينه رغم اننى لا اختلط باحد حتى فى الشارع الذي اسكن فيه وهى تعلم ذلك جيد ورغم ذلك باتت ان تنقل له عندما سافر لعمله فى الدولة التى يعمل بها وتنقل له اخبار خاطئة بانني اهينها بل على العكس كان اقاربها يهينونى انا واولادى وزوجى وكنت لما اشتكى لاخى لا يصدقنى ويصدقها هى فقط لا يرى احد غيرها رغم ان شخصيتها عادية جدا ولكنها متملكه منه لابعد حد الى ان اوصلته ان اتصل بابي وقال له انه قطع صلة الرحم بينى وبينه وانا لا اعلم لماذا حتى ابي قطعت صلة الرحم هى الاخرى وهى حاليا انجبت طفلة ونحن لم نراها الى الان وعمرها 9 شهور حتى ابي لم يراها وهى تطلب من اخى ان ياتى ابي ليراها وهى لم تاتى لاحد فطبعا ابي لم يرضي بذلك واخذ هو الاخر ان قطع الكلام معها ولما قال لاخى هذا الكلام حصل نفس الشئ وقال اخى له اللى عايز يشوف بنتى يطلع فوق عن اهل مراتى هى مش هتجيب حد اما اختى فليس لي صلة بها كل هذا لاننى كنت اقول له الحقيقة انا وابي ودلوقتى ماذا اعمل انا بصراحه مبقتش عارفه اعمل ايه حتى اخى الاصغر سافر لبلد اخرى وبرضه لا يسال عليا اللى عن طريق والدى وزعلان منى لانه كان خاطب انسانه محترمه جدا وبعد الخطوبة سافر الى عملة وبعد السفر باسبوع طلب منى انا وابي ان يفسخ الخطبة ولا نعلم لماذا ومبرره انه لا يشعر من ناحيتها باى عاطفة وقلنا له ادي لنفسك فرصة ولكنه رفض ورغم انها انسانه قمة فى الجمال والادب والاخلاق والتعليم فهو غاضب منى لانها تتحدث معى الى الان وهى تحبنى وتحب اولادى وانا اسفة انى طولت عليكم بس انا مشكلتى دلوقتى او سؤالى هل انا غلطانه انى بحب اخواتى وعايزاهم يعرفوا الاصول اللى احنا اتربينا عليها ويعملوها غلطانه ان زوجة اخى تكذب على اخى وتمثل عليه باشياء كثيره جدا وتستغله فى مالة وتهمل اهلة ولا تحترمهم ولا تحترم والده واخته الكبرى ولا هى ولا اهلها وهل انا غلطانه انى بنصح اخى الاصغر وبقول له بنات الناس مش لعبة وخطيبته لم تعمل له شئ وهو الذي اختارها بمحض ارادته برغم ان والدى كان رافض مبدأ ان يخطب ثم يسافر لولا انى تتدخلت فى الموضوع علشان اخى هل هذه مكافاتى منهم وانا مش ليا غير اخواتى والمشكلة الاكبر انى لما بشتكى لابي عن كل زعلى فلا يفيدنى بشئ بسلبيه جدا ويتحدث معهم ولا كان شئ لم يكن كل هذا ضغط على اعصابي ولكنى لا اعرف ماذا افعل وكيف اتعامل انا ليس لي صديقة ولا قريب حتى اتكلم معه غير زوجى وزوجي يقول لى ان احسن تعامل معاهم ان اتلاشاهم وخليني فى حالى هل هذا حل ولو هما رضيو بكده انا لم اتحمل ذلك ان اعيش بلا اخوات ولا اهل هل هذه هى دنيانا الجديده وكيفية التعامل مع اقرب الناس لينا هو عدم الاهتمام اصلا واسفه لطول رسالتى مع الشكر
اختي العزيزة بارك الله فيك انت ماقصرت مع اخواتك ابدا لكنك وقعت في اخطاء عايز انبهك ليها مش انت اللي اشرت على اخوك الشوره المهببه دي علشان يتزوج من البنت دي قريبة جارتك وقلت انها متدينة وتعرف ربنا عزوجل وطلعت والعياذبالله وحدة بعيدة عن الدين كلية ولاتخاف الله عزوجل وفرقت بينكم وبين اخوكي حتى خلته يقاطعكم كمان تكرري نفس الخطا مع اخوك الاصغر عايزه منه ان يستمر مع خطيبته وهو غير مرتاح معها ولافي تفاهم بينهما ويمكن مايحبها من اصلو بس انتم غصبتم عليه انه يخطبها والان هو عايز يفسخ تلك الخطوبة وهذا من حقه ولاحدش يجبره على الاستمرار معها كوني عاقلة وفطنة وحكيمة واعرفي ازاي تتعاملي مع اخواتك وتسترديهم لحضنك من ثاني بعدم التدخل في شوون حياتهم دول اصبحوا كبار ومش صغييرين علشان تحاول فرض املااتك عليهم والتحكم فيهم حتى ابناءك لمايكبروا هيرفضوا الشي ده منك انالست مع اخوك الاول اللي ماقاطعكم بسبب زوجته وتسلطها عليه وتحكمها فيه نعم هو غلطان جدا في حق ابوه قبل كل شي وفي حقك انت اخوته الكبيرة اللي في مقام امه وفي كل اللي يعمله معاكم ربنا يهديه ويصلح حاله ويرجع لكم ويتصالح معكم وترجع المياه لمجاريها وعمر الدم مايصير ميه ابدا عايزك تهتم بزوجك وباولادك وببيتك وابوك الحاج ربنا يطول لكم بعمره ويخيله لكم ولايحرمكم منه ودع اخوك هو ومراته الحربياء دي حسابهم على ربنا عزوجل وكمان اخوك الثاني اللي عاوز يسافر ويشتغل بره ربنا يكرمه ويسهل اموره مش عاوز البنت خطيبته دي هو حر يفسخ خطوبته منها وكل شي قسمة ونصيب ماتضغطوش عليه انه يبقا معها وتطلع مثل زوجة اخوك الاولاني خليهم يعيشوا حياتهم وكل واحد عقله في راسه يعرف خلاصه والحياة دي مدرسة يااختي اللي ناقص تربية وتعليم هتربيه وتعلمه الحياة وهيعرف الصح من الغلط ربي يؤفقكم ويبارك لكم في زوجك واولادك ويسترعليكم ويسعدكم طوال هذة الحياة ولايحرمكم من بعض ويرجع لك اخوانك ويجتمع شملكم بهم من ثاني ولايفرقكم عن بعض اللهم امين