انا امي اطلقت من بابا من حوالي 4 سنين واحنا عشنا مع بابا بس كان سعات يعملنا كويس وسعات معامله وحشه جدا وامى سابتنا ولا سالت فينا واحنا كلمناها
وانا اتزوجت من شخص بحبه جدا وانا بكلمها دلوقتي بس مش بحس معاها بلحنان ومن جوايا بحس ان انا مش مسامحاها لانها سابتنا واحنا اتبهدلنا جدا انا واخواتى وبابا سعات بيقسي علينا رغم انوا احنا عشنا معاه بس ياما بهدلنا وانا مش بنسالوا ده وبحس ان انا تعبانه نفسيا مهما طالت الايام بحس ان هما ظالمونا في حياتنا وانا اتزوجت وخلفت بحس نفسي اعرف ان فعلا فاقد الشئ لا يعطيه انا بحب ابني جدا جدا بس خايفه لاقسي عليه غصب عني ولا الحنيه دي بتكون طبع انا اتحرمت من الحنان من صغري وعمري ماحسيت منهم اي حنيه ولما بشوف اي حد من صحباتي معاهم امهم بقول يابختهم
يااختي ماحدش عارف ظروف ابوك وامك وماهي الاسباب التى ادت الى انفصالهماعن بعض فلاتظلمي امك وتقسي عليها فممكن هي كانت مظلومة مع ابوكي وماكانش يعاملها كويس فحصل الطلاق وانتي اليوم متزوجة ومعك ابنك ربنايخليه لك ويبارك لك فيه ارعيه واهتمي به جيدا ولاتقسي عليه ابدا وتعلمي مماحصلك لكم بعد طلاق امك من ابيك وكيف كنتي محرومة من الحنان والعطف فلاتكرري هذا مع ابنك ولاتقبلي بهذا له والله يصلح احوالكم ويحنن قلوبكم على بعض
يابنتي ماتظلميش امك وتقسي عليها ممكن ان اباك كان يعاملهاوحش ويقسوعليهاوصارت الحياةبينهماصعبة لذاانفصلواعن بعض وانت الان متزوجةوربناكرمك بالاولاد انسي الماضي واهتمي في زوجك واولادك اعطيهم الحب والحنان اللي تحرمت منه وربنايبارك لك فيهم ويسعدك في حياتك
حبيبتي انا من رايي ان فاقد الشئ يعطيه وانا متاكده انك لاتقبلي هذا لاولادك لانك رايتي العذاب
حبيبتي انا من رايي ان فاقد الشئ يعطيه صدقيني لانك رايتي العذاب وانا متاكده انك لاتقبلي هذا لاولادك
فاقد الشيء لا يعطيه
هذه ليست قاعدة عامة
فمن الذي أفدك الحنان..؟؟؟؟؟؟
أنا أرى العكس تماما
فإن قسوة أهلك عليك هي التي تعطيك الحنان
حاولي تنسي الماضي و لا تفكري في الماضي عشان الماضي هو الماضي
الحين انتي عندك عايله جديده حاولي تجعليها اجمل عايله في الكون
الحمد لله انك الان زوجه وام والمحبه عايشه وموجوده في بيتك .وانت عشتي وشفتي اد ايه المشاكل بين الام والاب وعدم تحمل المسئوليه بتعمل ايه فاحرصي بالعقل والمحبه ان يكون بيتك وعلاقتك بزوجك جميله حتي توفري لابنك واخته القدمه قريبا ان شاء الله المحبه والحنان وصدقيني تجربتك الاليمه حتفيدك جداجدا بس ماتنسيش صلة الرحم لامك وابوكي لانها واجبه شرعا فيكل الاحوال
السلام عليكم ورحمه الله وبركاته يا اخواتى واخوانى الاعزاء فاقد الشئ يعطيه بلا حدود فى حاله واحده فقط ان كان شريك حياته يقف بجانبه وينمى فيه الحنان والعطف وتفهمه لشخصيه شريكه عن طريقه اما اذا كان عكس ذلك فعلى الله السلامه بقا تبقى كده كبينا على النار قطران وربنا يلطف
الحنية مش زراثة دي صفات ووميزات بيتحلى بيها كل شخص سوي ربنا راضي عنه لأن ربنا مابيحبش الإفترى والظلم
وأن شاء الله حتربيه احلى وأحسن تربية وأنتي باين عليكي حنينة وطيبة وإن شاء الله تعوضي إللي إتحرمتي منه في إبنك
نسيت اقلك والنبى لو عاوزة تقوليلى اى حاجة سيبيلى رد وقلبى معاكى والله عشان اعرف انك قراتى ردى
هههههههههههه طب اضحكى عليا انا بقى ولوعندك حل قوليه والنبى انا بقى يا ستى طول عمرى عايشة مع ابويا شوية ومع امى شوية وشوية ينقلولى المدرسة بتاعتى فى بلد بابا وشوية فى بلد ماما لحد ماخلونى اسيب التعليم عند ابويا اقسم بالله حبس فى البيت لوحدى من غير اكل وشرب وضرب لازم ييجى بدم فى كل مرة وعلى اتفه الاسباب وشايلة مسئولية البيت من غسيل وطبخ وتنضيف واهتمام بامور اخواتى كلها من وانا فى ابتدائى مع العلم ان اكبر اخواتى والبنت الوحيدة لابويا وابويا اتجوز ست مرات وامى تلاتة وبتدور على الرابع لو عندك عريس وعند امى بقى منتهى الاستهتار مفيش طبخ ولا نضافة ولا اى اهتمام بيا انا ولا اخواتى وشتيمة وضرب وطرد من البيت على اى مشكلة واعد برا البيت بالشهر والاتنين ولا حد يسال عليا خالص لحد مرجع لوحدى واخرج تانى وهكذا وطول عمرى بشتغل وبصرف على نفسى والله حتى فى الاكل والشرب مع ان امى وابويا ناس متعلمين ومتهمين بنفسهم جدا ادام الناس وموظفين فى التربية والتعليم هههههههههه يا بخت التعليم واللى بيتعلموا بيهم من وانا فى اولى ابتدائى بهدلة وتعذيب وشغل حاولى كدة تتخيلى العيشة دى بس الحمد لله انا الوقتى متجوزة عندى بنت وبحاول احس بالحب والامان مع جوزى بحاول وبحب بنتى بقى مقلكيش لو جالها شوية برد بس بعد اعيط من خوفى عليها مش قادرة اوصفلك حبى ليها لانى اتعذبت ونفسى اخلى ولادى فى قصر عالى مليان بالحب والحنان مش زى فاوعى تقوللى فاقد الشىء لا يعطيه لان لو انطبق المثل ده على الاشياء حبيبة قلبى فعمره ما ينطبق على قلب ولا عطاء الام حتى لو كان فى بعض الناس غير كدة ومتنسيش دايما ان =لكل قاعدة شواذ يا عمرى=
الحنية مش طبع وفاقد الشى يعطيه بزيادة وماتفكريش فى الماضى كتير علشان ماتتعبيش وعيشى الحياة واستمتعى بالامومة واشكرى ربنا انه رزقك الاطفال ونحن احسن من غيرنا
مش لازمك تخافي ابدا عشان انت مريتي بترجبة قاسية جدا وهدا خلاكي تعرفي قدر الامومة والحب ولهادا السبب انا متوقعة نك انك مش راح تحرميهم من اي شيئ
انت علاقتك مع زوجك حلوة وابنك هو بجنبك وعشان هايك ما تخافي
حبيبتي اسكتي انا بعاني من مشكلة امك وزوجي عاوز يطلقني وبيطردني وخايفه بس حبيتي اكيد والدتك لو كان والدك كويس معاها مكانت انفصلت عنه وانها تركتم فاده يبقه اكيد مايطقشي اوماتحطيش موضوع انك مش جنينه علي ولدك وهاتبقي زي والدتك الام ام والحنيه في اي ام من يوم ماربي خلقها استعيذي من الشيطان وحاولي تتقربي من امك حبيبتي وضمني والدك ليكي جامد وحسسيه بحنانك ربي يكرمك ويسعدك
لالالالالالالالالالالالالالالا
فاقد الشئ هو اكتر واحد ممكن يعطيه
لانك اتحرمتى منها واستحالة استحالة تفكرى فى دا
هتكوني احن عليهم كثيرا صدقيني لانك رأيت العذاب بعينك فلا تقبلي هذا لاولادك