مشاكل عائلية

حماتي بتتعمد تستفزني وتعبت من تصرفاتها

اضيف بتاريخ: Tuesday, January 18th, 2011 في 01:10

كلمات مشاكل وحلول: الامارات, مشاكل اجتماعية, مشاكل عائلية, مصري

15 رد to “حماتي بتتعمد تستفزني وتعبت من تصرفاتها”

1. dodo

   

   29/03/2013 at 19:10

   نفسي الاقي حل يخليهم يسيبوني اعيش انا وجوزي مرتاحين او علي الاقل يروحوا يعيشوا في بيتهم انما دول ايه لازقه وهي قالتها انا مش هسيبهولك كل ده لان ابنها بيحبني واتجوزني رغم عنهم كل مابيشوفوا علاقتنا بتقوا كل ما بيزيدوا سوءوفي وشي يا سلام انما الكلام المستفزابولونين في لسانهم علي طول معرفش بيعرفوا يفكروا فيه ازاي اساتذة لو عندكم حل لنوعية حماتي ارجوكم انا جربت الحنيه والدلع منفعتش
2. dodo

   

   29/03/2013 at 19:02

   بصراحه انا حاسة بيكي لان حماتي وحمايا وابنهم عايشين معايا لا وكمان بتهم باولادها بتقيم عندنا تلتين الشهر بحجة انهابترتاح عندنا والحقيقه انها بتيجي تنام وانا اخدمها هي وعيالها
   وفوق ده كله
   دائما ما تشتكي وتقعد تعيط لاهلهامعني بستحمل استفزازها ليا طول اليوم والكلاماللييحرق الدم ده غير الشغل وعندي ولد ومش فاضيلهم
   ومسؤلية البيت
   والاجازة اللي بيقضيها جوزي معانا من السنه للسنه
   بتبقي اخر نكدوتقعد تعيط ولو خرجنا بيبقي ميتلها ميت ولما اكون انا وهي لوحدنا تقولي هو انتي فاكرة اني هسيبهولك ده ابني نفسي ارتاح من النكد في نفسي لما بحس اني خلاص هموت واطق من الغيظ وعندهم بيت بس ازاي تسيب مرات ابنها ترتاح انا مبقتش عارفة اربي ابني من كتر الضغط والخدمة
3. جنة

   

   23/04/2011 at 00:25

   انا بقا حكايتي مع حماتي تخلني اروح مستشفي المجانين ومع دلك براعي ربنا فيها ومش بزعلها لان امي علمتني ازاي اعامل الناس كويس حتي لو اساءوا ليا ولان بحب جوزي جدا جدا بس هي بتغير علي ابنها مني وبتقولي انا لية عمري مسمعتة بيزعلك او صوتة علي عليكي لية انتي بتعمليلة اية دة غير اني هدية عيد الام رجعتلي وسمعت مرشح تهزيق لان الهدية مش عجباها وكانت واللة غالية بس ديما بقول لنفسي اللي تحب جوزها تشيل امة فعنيها بس امنية حياتي اسمعها بتدعيلي وهي بتدعي لولادها مرة قدامي او حتي من ورايا
4. حبيبة الرحمن

   

   10/02/2011 at 08:36

   اعتبريها امك واتععملي معاها بما يرضي الله لانها في مقام والدتك واحمدي ربك انها قريبه من خطيبك وانه كبير اخواته وليه كلمه وكبير اخواته وبيحترم امه
5. صاحبة المشكلة

   

   24/01/2011 at 22:26

   شكرا على كل اللي رده عليا بس انا عايزة اعرف اخد موقف منها ازاى؟ اصل ابو جوزى متوفي وهو الكبير دايما بيحس بالمسؤلية يعنى من الاخر عمره ماحيجى على اهله لان مامته بتقعد تسمعه كلام وتقوله ابوك مات وانت عايز تموتنى وانا حيه ومبتحضرنيش حاجة وهو بيتاثر بكلامها عشان باباه هو من النوع اللى غلبان اوى وهادى الكل بيفتكره ضعف بس هو مبيحبش يزعل حد ولمااقعد اقوله مامتك عملت واخوك عمل واختك وفعلا مواقف مستفزة يقولى معلش ويراضينى ويرجع يقولى انامضغوط وورايا حاجات كتيرة سيبك من كل دة وكل حاجة حتتعدل بعد مانتجوز ولو عايزة متكلمهمش خالص براحتك بس هدى نفسك وفكرى في جوازنا وبس انا حاسةان مخدتش حقي ومش عايزة اعمل مشاكل اكتر من كدة وانا لسة مدخلتش البيت اعمل اية واخد موقف ازاى وازاى تبقى معاملتى معاهم؟؟؟؟؟؟؟؟ لو سمحتو ردو عليا انابجد محتاجة لنصايحكم
6. السكر

   

   23/01/2011 at 11:47

   بصى يا ستى انا متعايش مع مشكلة زى دى مع اخت مراتى…. هى ممكن تكون غيرانة على ابنها منك وبعدين اعلمى ان ما فى حد حيجازف و يقولك ماتكمليش معاه فى شقة واحدة لان ده معناه ان لازم يشوف شقة تانية وواضح ان الظروف مش سامحه بكده لكن احب اقول لك انك لا تتنازلى عن حقوقك معاها ولازم تعملى ليكى شخصية جامدة … ممكن الامور دى تعمل مشاكل لكن علشان كل واحد يعرف حدوده … على فكرة ممكن تلاقيها يوم الدخلة متزوقة ولابسة قميص نوم علشان تغيظك لانها بتبقى غيرانة منك على ابنها ده بيحصل دايما …. لكن ما تتنزليش عن حقوقك ابدا و اعلمى انك داخله على معركة حربيه و فى نفس الوقت شدى و ارخى علشان الامور ما تتأزمش وربنا يهديهالك…. والاحسن انكم تعيشوا بره لوحدكم
7. قمر14

   

   22/01/2011 at 17:35

   لو سمحتو ردو على المشكلة دى انا فرحى الشهر الجاى وعايزة استفيد من اراءكم اناصاحبة المشكلة وشكرا على كل اللى رده على مشكلتى
8. قمر14

   

   21/01/2011 at 21:02

   انا صاحبةالمشكلة انابشكركم على ردودكم حماتى عملت حادثة محصلهاش حاجة غيركدمات وبس والحمدلله عدت على خير لما ماما راحتلها تزورها قعدت تقولها ازاى بنتك عايزة تدخل في قماش الانتريه وبنتها في الثانوى اصغرمنى وقعدت تكلم ماما بقلةزوق تقولها خليها في مذاكرتها وملهاش دعوة بالشقة امى قالتلها دى شقتها ولازم تشارك جوزها فيها وفي كل حجة اهلى لماعرفه كلمه جوزى وبابا شده جامد اعتذر ووعدهم ووعدنى انهم مش حيدخلو في حياتنا ولماربنا يفتحها علينا حنسكن بره حاولت اسحب ناعم مع حماتى واتصلت بيهااطمن عليها كلمتنى بطريقةجافة حسيت باهانة ولماقلت لجوزى لانه كان جنبها قالى انا ححل الموضوع وحخلى اهلى يجولك البيت ويكلموكى كويس وفيه حاجات كتيرة حصلت من حماتى زى مثلا القايمة تقول محضرتونيش ليه لانها كانت في الحج وتانى يوم جت كتبنا الكتاب لان بابا بيسافر وليه ظروفه وليه كتبته كذا في القايمة وبعد كل الكلام دة تقولى اناشارياكى وبحبك هى اسلوبها ناعم بس عايزة اعرف جوزى شخصيته قوية والمشكلة انه عشان مش هو اللى بيصرف فبيستحمل شوية ولاشخصيته ضعيفة اناحطيته في اختبار انه يحل المشكلةدى ويجبلي اهله البيت عندنا حتى لو قعدة عادية بس لو معملش كدة اعمل ايه انابحبه جدا وهو بيموت فيا وطيب اوى ومتدين اعمل اية؟
9. saafaah

   

   20/01/2011 at 07:56

   يرحمك يا جدي..

   لو إنطبقت السما على الأرض ما طاقت حما كنة

   من رايي..
   لو حبيتو تعيشوا حياة هنية.. يفضل ما تدخلي أهلك ولا هو إيدخل أهله.. في حياتكم لانكم لطالما دخلتو رابطة الزوجية حرين التصرف.. بحدود بيتكم وعائلاتكم وعلاقاتكم..
   بطريقة أوضع أصبحتو عيلة.. وماشاء الله..
10. همسه

    

    19/01/2011 at 08:34

    انا رايى ياريت الشقه تكون بعيده عن حماتك عشان واضح كده من كلامك انها متسلطه شويه ولازم تاخدى موقف من دلوقتى ان يكون ليكى راى معاها عارفه ليه عشان جوزك طيب بس شخصيته ضعيفه مع والدته وممكن بعد كده والدته تدخل فى عيشتك والحقيقه انا بستبعد ان شقتك بعيده عن حماتك لان الشخصيه دى عاوزة كل حاجه تكون تحت حكمها وبس والحكايه دى حتعمل معاكى مشاكل كتير بعد الجواز ولازم تكونى زكيه ومجامله اوى لو عاوزة تعيشى كويس الصنف ده متحكم اه بس برضوة يتضحك عليه بالكلام الحلو والاونطا تكسبيها عشان انتى بتحبى جوزك يعنى موقفك معاها انك توصلى للى انتى عاوزاه بانك تجامليها وتستعبطى شويه مينفعش الا كده ولما تكسبى ام جوزك جوزك حيفضل كويس على طول معاكى عشان هو بيخاف على زعلها
11. ابو البنات

    

    18/01/2011 at 17:40

    هى اللى بتصرف وزوجك مجرد بيساهم….

    طيب ماهو دة وضع اكثر من الطبيعى فى الحالات دىالمشكله مش فى كدة خالص

    المفروض ان سؤالك غير كدة خالص
    هو انك عاوزة تعرفى ان خطيبك ليه شخصيه مستقله ولا ضعيف الشخصيه؟؟؟؟ ده بجد اللى هيتعبك فى المستقبل
    لو كان ضعيف الشخصيه هتتعبى جداااااااااااا
    ومش لازم عشان يكون ليه شخصيه انه يقسو على امه
    لكن فيه حاجات لابد من اختباره فيها والتاكد من شخصيته بعيدا عن الستاير والعفش والكلام دة
    وربنا يسعدك ان شاء الله
12. حبيبة الرحمن

    

    18/01/2011 at 16:31

    دي امه ولازم تفرح بوالدها ومدام جوزك كويس يبقه خلاص انتي استركي معاها ولو اختارت شي قولي ليها نشترك الراي مع بهض ايه رايك حبيبي ايه رايك ماما واتقربي منها
13. نورسين

    

    18/01/2011 at 15:45

    بسم الله الرحمن الرحيم
    اختى كل انسان بينصحك من واقع تجربته.وخلاص انتى مش عاوزة تخسرى جوزك يبقى استحملى شويه بقه واعلمى ان الوضع ده حيستمر بعد الجواز كمان وجوزك لن يقف امام امه .ولكن طالما بيحاول يرضيكى خلاص .ولاسف لاحد يستطيع ان يعلم ما تريدين .حددى ما تريدين ثم تصرفى على اساسه والله الموفق
14. Dona

    

    18/01/2011 at 09:44

    يا جماعة بليز حد يرد على المشكلة دي
    انا شكلي هقع فيها قريب لان علاماتها بانت على حماتي
15. nolife

    

    18/01/2011 at 08:16

    بصي حاولي تستحملي ع اد ماتقدري مرة اتنين تلاتة لما تلاقيكي ساكتة هيا هتهدا وانتي كدا حماتك والله ملاك انا حمات اختي معزباها بتخليها تنضف شقتها وشقةبنتها وشقة ابنها ولما بيبقا في عزومة اختي ال بتشيل اكتر من12نفر ومستحملة عشان جوزها وحصل كتر اكتر من ال انتي بتقولية دا بكتير بس هيا استحملت عشان جوزها وحماتها اخر مازهقت طلعتها من دماغها صلي ع النبي كدا واهدي وربنا يصبرك ياحببتي واستحملي مدام بتحبي جوزك