هكلمكم بصراحه انا الاخت الاكبر وعندى ولدين اصغر منى والاتنين مسافرين برة ومنهم اللى اصغر منى على طول نزل اجازة وطلب منى اشوفله عروسة وللاسف شفتلة من واحده جاره لى وتزوج منها رغم ان وهو خاطبها وهى معجبتنيش طبعا بتصرفاتها لانى عقلنية للاسف شوية وبعرف شخصية اللى قدامى المهم انى عرفت انها بتحب تكذب كتير وقولتله الكلام دا لكن طبعا كان خلاص فات الوقت وبعد الجواز كمان هو نفسه قالى عيوبها هى واهلها لانهم طبعا بيبصو انه واحد مسافر ومعاه يعنى المهم بعد ما اتجوزت اخويا كرهته فينا مش قادره اعرف ازاى ونسيت اقولكم انى والدتى متوفية ومفيش غير ابي ربنا يخليهولى هو اللى من بعد امى بيسال عليا ويودنى ويزورنى تقريبا كل يوم ويجبلى كل حاجه انا نفسي فيها انا او اولادى لانه بيحبنا جدا ولكن للاسف اتقلب الحال بعد ما اتجوز اخويا من هذه مش عارفه اسميها باية ربنا يسامحها المهم انى اخويا سافر وتركها فى منزل اهلها وكل لما ينزل اجازه تروح بيتها وهى واهلها واقاربها حيث انه بيت عيلة اهلها يعنى المهم انه استلمونى بقي اهانه وتسليط اطفال البيت عليا انا واولادى من الاهانات والشتايم حتى اقاربها بقي يشتمنى ويخربو لينا سيارتنا وازونا كتير بصراحه ودا طبعا لانى مش بكلمنها من ساعة ما اخويا سافر لانها كاذية وكمان لانها مش بتحترم ابويا ولا انا وحتى والدى من ساعه لما اتجوزت الى الان لم تزوره مره واحده رغم انها خلفت للمرة الثانية وتلزمه انه هو اللى يجى ويزور ولاد ابنه وطبعا اخويا اتقلب حاله كرهنى بطريقة لا توصف ونفسي اعرف هى قالتله ايه عنى رغم انا الضحية فى دا كله ولكن انا عيبى الوحيد انى مش بحب النفاق والكدب ودا اللى بيستعملوا مع اخويا هى واهلها المهم انى اقنعت والدى انه يطلع يزور ولاد ابنه ومش مهم هى وطبعا دا لان بسببها وبسبب حرمان ابويا من انه يشوف احفاده وانها تروح له البيت وتجبهوملها فطبعا نفسيته تعبت والسكر على عليه فاقنعته انا وزوجى انه يطلع وخلاص المهم انه بقي يزورها كل شهر مره المهم ان بسببها بقي تخيلو انها اثرت على بابا كمان وخلتله الاولى انك تزور ولاد ابنك لكن بنتك لا هى منتمية لاهل جوزها وولادها مش من دمك وقلبت بابا عليا ومبقاش يجيلي خالص منهم لله وبسببهم بابا تعب من القعده لوحده فى البيت ورجله ورمت وبتحايل عليه انا وزوجى انه يجى زى الاول لكن للاسف بدون جدوى حاسه بتغيير كبير من ناحية ليا ومش عارفه ليه ولما بساله بيقولى مفيش حاجة يادوب اعمليلى الاكل ومع السلامه حتى بطريقة وحشة وكان بيقولى كلمى اخوكى وعلشان ما بحبش ازعل ابويا وانا اصلا بحب اخويا بصراحه كلمته كذا مره ولكن هو مش طيقنى خالص اعمل ايه انا بسبب كده تعبت تعب نفسي والله وباخد علاج للاكتئاب وجالى قولون عصبي وارتجاع مرئ دا كله بسبب الزعل والدكاتره قالولى الكلام دا واهلى ولا هما حاسين بيا كله بيقول يلا نفسي اخويا التانى بيقولى كبرى دماغك من كل حاجه دا لانه عارف واتاكد هو كمان ان مرات اخويا دى مش سهلة هى ولا همانى انا اللى هممنى دلوقتى انى مش قادره على بابا وخايفه يجراله حاجة وهو قاعد لوحده ولما بقول لاخواتى الولاد حتى جوز الهانم بيقولى خليكى فى بيتك وولادك وانا معرفش ومقدرش بحس انى مسؤله عنهم ومش كفاية انى بشوف ولاد اخويا فى الشارع مع امهم ومش طايلة حتى ابوسهم لان اخويا الهانم شارطه عليه انه ما يكلمنيش ولا حتى يزورنى ولا يزور ولادى الا لما اطلعلها واتاسفلها وطبعا انا مستحيل اعمل كده قولولى الحل ارجوكو
اطلعي عندها وبوسي جزمتها وجزم اهلها واحد واحد واطلب انهم يسامحوكي وانك هتعيشي خدامه تحت جزمهم لانهم اسيادك واسياد اللي خلفوكي
لا حول ولا قوة الا بالله شكلها عاملة للأبيك وأخوك سحر والله أعلم شغلي قرآن لباباكي في البيت وحاولي تعامليه حلو جدا لحد لما قلبه يحن عليكي وأنا من رأيي انك تطلعي تتأسفي لمرات أخوكي وخلاص عشان تكسبي أبوكي وأخوكي لكن متطلعيش عندها ولا تزوريها كتيير ولما تطلعي اياكي تأكلي عندها ولا تشربي هاتي العصير معاكي مثلا واشربيه عندها وربنا يحفظكوا ويهدي الحال وعليكي بالدعاء كتييير والأستغفار
لا تتنازلى عن كرامتك من اجل اخ مثله لا يقدر الاخوة
ارعى والدك واولادك بما يرضى الله واتركى اخيك لحاله هووزوجته والله مطلع وبيده الانتقام منهم