السلام عليكم ارجوكم تساعدونى لانى مخنوقة ومنهارة جدا ……انا واخويا فى الجامعة بندرس لكن من محافظة تانية فمجأرين شقى فى القاهرة …..اخويا الواضح عليه انه طيب وامير وكويس لكن اللى حصل غير كده ….شكيت فيه لانى كنت قلتله انى نازلة وبعدين هو خرج قبلى ……وكل شوية كان يتصل بيا يقولى هتنزلى امتى …لاته عاوز يجيب صاحبه يزاكروا سوا انا شكيت شوية قلتله فى الاخر انا غيرت راى وهقعد ازاكر علشان عندى امتحان بكرة ….وقلتله هات صاحبك وانا مش هطلع من اوضتى …….وبعدين هو جه ودخل وانا بقيت حاسة بشك اكتر لان مش حاسة بحد بيتكلم ولا صوت خالص .وفى وقت فكرت انى البس عباية وطرجة واطلع افتح عليه الباب فجاة واللى يحصل بحصل ولو كان صاجبه هيهزقنى شوية وخلاص …بس معملتش كده وفضلت ازاكر وخلاص وبعدين حسيت بحد دخل يسنحمى سامعة صوت الشاور ..وبعدين هو اول ما قفل باب الشقة وطلع …جريت على البلكونة ولقيته طالع مع واحدة….كنت هتجنن كانت صدمة فظيعة ونزلت سالت البواب ومراته راحت بنته الصغيرة قالت انه جه مع واحدة مش واحد صاجبه …لكن البواب بيقول اخوكى محترم وطيب وهو ماشافش بنفسه …..فى الاخر انا واجهته فى التليفون وقلت لماما وبابا واختى وفضل يكدب وبعدين رجع قال دى زميلتى وبنزاكر سوا …طبعا كداب …….الفكرة انى مهزوزه من اللى حصل اوى مش عارفة هتعامل معاها ازاى …بابا مش حارمة من حاجة داخل هندسة فى جامعة خاصة اجنبية وجايبله عربيه وبيحترمه ومصاحبه وهو الولد الوجيد وكلنا بنحبه ونعامله كويس…….مش عارفة وبعدين ومش مصدقة ان ده اخويا وان ده يحصل من اهل بيتى ومش مصدقة انه عمل كده وانا فى الاوضة اللى جنبه مش مستوعبه ان اخويا قذر كده وزانى …يفرق ايه هو عن اى راجل بيعاكسنى فى الشارع وبيكون شعورى نحيته الاحتقار والقرف….مش عارفة علاقتنا هتنتهى ولا ايه مش عارفه هبصله ازاى دلوقتى ومش عارفه لو اتجوزت وجبت اطفال ممكن اخليهم يقعدوا معاه ولا لا مش عارفه علاقتى بيه هتيقى ازاى بعد كده …كل ما افتكر منظرهم وهم نازلين مع بعض ببقى عاوزة ارجع
كلامك صحيح انها بجد صدمة ..بس في الاخير هو انسان وكل انسان خطاء خصوصا انه في سن الشباب .وحلو انك كلمتيه وصارحتيه عشان مرة تاني يعمل لك الف حساب ((يعني على الاقل مو في البيت المحترم))انا متاكده انها صدمة بتروح مع الوقت ويتنسي الي حصل بس اتعاملي مع الامور باكثر عقلانيه لاتتهوري في الحكم ولا التصرف ..واكيد يوم من الايام الامور هترجع تمام
بصراحة انتى فضحتيه جامد .. اى شاب بيمر بمرحلة معينة مش بيعرف يفرق فيها وبيتداخل معاه بعض المفاهيم حتى لو و متأكد ان اللى بيعمله دا غلط بس فعلا دى مرحلة بيمر بيها اى شاب وخاصة ان اغلبنا بيبقى معندوش الوعى الدينى الكافى فى المرحلة بتاعة الكلية دى وكلنا بنغلط بس بتفرق فى مقدار الغلط وهو هييجى وقت وربنا يهدي يارب ان شاء الله ويعرف ان اللى بيعمله دا غلط ومش كل الناس زى بعضهاوربنا يهدينا كلنا يارب ان شاء الله
السلام عليكم
في بداية الحديث ليس من حقك أن ترمي أحدا بالزنا حتى إن رأيتيه يزني بعينيك إلا بوجود أربعة شهود، وهذا لم يحدث لأنك أبلغت أهلك وفضحتينه أمامهم.
نعم هو بالتأكيد ارتكب هذه المصيبة لا أجد له تأويلا آخر، ولا يمكنني أن أدافع عنه أصلا، ولكن الحمد لله أنك لم تفتحي عليهما الباب فجأة لتريهما في وضعها القذر متلبسين أمامك، لأنك فتاة ولا يجوز لفتاة أن ترى هذا الشكل مهما كانت الضرورة.
من الطبيعي أن يُنكر اتهاماتك له، فهو لم يزن بهذه الفتاة لكي يفضح نفسه.
ما فعله يعتبر مصيبة كبيرة جدا جدا جدا، ليس لأنه زنى بفتاة، فهذه شخصيته، ولكن المصيبة الكبرى أنه مارس معها الزنا في وجود أخته معه ولم يفصل بينكما إلا باب واحد أو بابين فقط.
هذا يكون الشاب إذا لم يحرمه أهله من طلباته دائما، فهو عندما احتاج إلى شيء قذر كهذا لم يتأخر عن فعله، وأنا أعيب عليه أصلا حتى إن أتى بصاحبه ليذاكر معه في وجودك أو حتى غيابك.
لا أعلم ما أقول لك الآن، ولكن لو تمكنتِ من تركه وحده والفرار بسمعتك ودينك من هذه الشقة الملعونة فهو خير، وإن لم تستطيعي فعليك أن تخبرينه بأن هذه القاذورات لا يمكن ممارستها في شقة أنت فيها، بل إني أكاد ألا أثق في جلوسك معه وحديكما أصلا، ولكن سيستر الله أمره..
اطلبي من أهلك أن تتركي مكانك هذا لتذهبي لمكان آخر، وليفعل ما شاء، فليس من واجبك أن ترديه عن هذه المصائب أصلا، هذا إن حاول فعل هذا الأمر مرة أخرى.
اولاً السلام عليكِ أختى ف الله , بصى ربنا سبحانه وتعاله بيغفر الذنوب جميعا الا ان يشرك به ,انا عارف ان الموقف صعب جدا والاصعب انك تعيشى معاه لو افتكرتيه لكن ف الاول وف الاخر كل انسان ليه اخطاء حتى لو كانت كبيره سواء سامحتيه او لاء هيفضل طول عمره اخوكى والحياه هتمشى لكن اولى بيكى ف الوقت الحالى انك تتقبلى الامر وتقولى قدر الله وما شاء فعل وتقعدى مع اخوكى وتتكلمى معاه بكل هدوء وثبات وتعرفيه ان الى عمله ده عند ربنا كبير اوى وانك مش قادره تتقبلى الى هو عمله , يعنى حاولى تخليه يتوب ويستغفر ربنا وربنا ان شاء الله غفور رحيم انا على فكره مش بدافع عنه وبهمل احساسك الى انتى حاسه بيه تجاه الى حصل والى عامل زى صدمه جواكى ولا بقولك اعملى نفسك مش واخده بالك واعتبريه طيش شباب لكن انتى اتكلمى معاه وقوليله كل الى جواكى وعرفيه ان الى عمله ده كبير اوى عند ربنا يمكن كلامك معاه يخليه يندم او يتوب ويرجع لربنا وتبقى كسبتى فيه ثواب احسن مليون مره ماتودى وشك الناحيه التانيه وتغيرى معاملتك معاه ويعمل نفس الى عمله بعيد عنك مره واتنين وتلاته صدقينى غصب عننا هنقابل صدمات كتير ف حياتنا وكلنا هنواجهها لكن الافضل نواجهها نصح علشان متتكرش تانى , ربنا سبحانه وتعالا بيقول ” ومن عفى واصلح فاجره على الله ” اعفى عن غلطته دى واصلحى بينه وبين ربنا لما تتكلمى معاه بحكمه وعقل وهدوء وتعرفيه ان الى حصل لو اتكرر تانى عمرك ماهتبصيله زى الاخ تانى وصدقينى فتره الشباب دى بتبقى صعبه علينا كلنا وكلنا ممكن نمر بغلطات كتير لكن مبنلاقيش حد يقف جمبنا وياخد بإدينا جربى انتى تمدى ايديكى , ربنا يوفقك ان شاء الله ف حياتك .