باختصار مشكلتي بيني وبين اهل زوجي هما بيدمرونااحنا مش عارفين نعمل اي مستقبل لينا بسببهم وبيكرهوني جدا وبيعاملوني معامله مش كويسه والمشكله الاكبر ان قدام زوجي بيعاملوني كويس ومن وراه بيعاملوني وحش جدا علشان لما اجي اشتكيله ميصدقنيش لانه هيرد عليه بمنتهي البساطه ويقولي لا انا اهلي كويسين جدا معاكي انتي الي بتظلميهم انا مش عارفه اعمل اي حاجه دول بيدمروني انا حاسه انهم عاوزين يموتوني مع اني بستحمل علشان بحب زوجي جدا ومقدرش استغني عنه ولا اتخيل حياتي من غيره وهوه كمان انسان طيب جدا وبيحبني جدا لكن هما بيكرهوني ومش عاوزني يعني اهلي هما الي واقفين بجانب زوجي وانا كمان صبرت معاه لاننا واخدين بعض بعد قصة حب واستحملت كل المشاكل الي بتحصل من اهله وهما بيغيروا ع ابنهم مني ومن اهلي انا وعدته اني دايما هبقي جمبه والحمدلله عند وعدي لاني بحبه جدا وهوه كمان بيحبني بس هما ليهم تاثير كبير عليه واوقات كتير بينسي فضل اهلي عليه ومبيفكرش غير في اهله وبس هوه مسافر حاليا واحنا متزوجين في شقه ايجار جديد وبمبلغ كبير مع مصاريف المعيشه الغاليه حاليا طبعا بياخد مصاريفه فقط وبيبعتلي بقيت الراتب باخد الايجار ومصاريفي وبةوفر الباقي علشان نقدر نبني مستقبل لينا ولولادنا ان شاء الله يعني بعد ماوفرنا مبلغ وانا حرمت نفسي من كل شئ حتي مصاريفي وفرتها علشان نعمل بيها حاجه امه واخته اثروا عليهم واخدوا منه الفلوس الي وفرناها بحجه ان اخوهم محتاجهم وياريت عن طريق السلف ولكن مش هيرجعوا تاني يعني انا مدمره حاليا بيكرهوني جدا لاني بسكت ومش بعرف حد منهم عن حياتنا هوه ميعرفش هما بيعاملوني ازاي لان قدامه بوش ومن وراه وش تاني خالص بس انا مؤمنه بشئ واحد بسم الله الرحمن الرحيم ويمكرون ويمكر الله والله خير الماكرين صدق الله العظيم انا حاسه انهم بيموتونا ليه الطمع ده مع ان دول اهله المفروض هما الي يوفروله بيجرحوني ودايما بيضايقوني مهما عملت معاهم كويس مش بيقولوا في حقي غير كل حاجه وحشه وبيتكلموا عليه من ورايا بتغير ع ابنها من مراته بتغير لما بيقول في حقي كلمه كويسه واخته هكذا البيت كله بينافق وانا بكره النفاق تخيلوا النصيحه الي تتقالي من عندهم لو كنتي عاوزاهم يحبوكي وعاوزه تعيشي كويس معاهم لازم تنافقيهم لكن انا عمري ماهنافق ومش مهم يحبوني انا عاوزاهم يكرهوني احسن عندي من ان ربنا يغضب عليا وسلفاتي كمان هكذا انا مش عارفه اعمل ايه ياريت تفيدوني في مشكلتي لاني بجد مدمره ومش عارفه اخليهم يبعدوا طمعهم عني وعن جوزي ازاي علشان نعرف نبني مستقبلنا وياريت لو كنت غلطانه تنصحوني لاني بجد الدنيا ضاقت كلها في وجهي وكمان الام صعبه جدا وبنتها اصعب واصعب مش سايبنا في حالنا قاعدين يدبرولنا ازاي يدمرونا مش عاوزنا نعمل اي حاجه تعرفوا اتجوزت قعدت مع زوجي شهرين ولم يحصل حمل وهيا الي كانت بتلح عليه علشان يسافر ويسيبني بتقولوا يالا سافر لسه هتقعد تعمل ايه عندك وبعد ماسافر بتعايرني تقولي البنات بيتزوجوا وبيحملوا من اول اسبوع قلتلها قضاء الله وزوجي لم يقعد معي فتره كبيره وانتم كنت السبب حسبي الله ونعم الوكيل ربنا يخليهولي ويهدم ظلمهم ومكرهم عننا هيا دي الام والاخت والاخوات في الزمن ده
اخلصي نيتك لله وخليكي مشيا في الصح واحمدي ربنا ان في تفاهم وحب بينك وبين زوجك واعلمي انه كما تدين تدان وفيما بعد هيكون عندك اولاد شوفي انتي عايز يعاملوكي الزاي وزوجاتهم واعملي وقدمي انتي دلوقتي واحب اقولك (انا عندي المشاكل دي ووصلت لابعد الحدود لدرجت ان قربنا نطلق ) فانا مش عيزك توصلي للانا وصلتلو وفي النهايه الي يشوف مصيبة غيره تهون عليه مصيبته)
انتىلا تفعلى شى زوجك هو كل شى يطلعك لسايع سما وينزلك لسابع ارض صدقنى انا عندى نفس المشكلة الكرة مهما عملتى لابد من الكلام حولى ان تكسبى زوجك احمدى ربنا انك سكنة لوحدك