انا بنت عندى 21 سنه لسه متخرجه وقبل التخرج اتقدملى شاب باباه احد اصدقاء بابا هو جواز صالونات انا وافقت على الشاب وقرائنا الفاتحه وكنا مرتاحين مع بعض الى حد كبيروخططنا لحجات كتير نعملها سوا وخططنا لمستقبلنا مع بعض هو طبيعه شغله انه بيسافر يعنى الى محافضات مختلفه داخل مصر بيقعد 10 ايام هناك 10 ايام هنا فى القاهرة بس المشكله بقى ان حصلت مشكله عنده فى الشغل مشكله كبيره اوى ويمكن بسببها يسيب الشغل هو شخص كتوم جدااااااااااا لاقصى حد مايحبش يشغل اى حد بمشاكله حتى اهله. هو احنا كنا متفقين ان المفروض ان نجيب الشبكه اول مايرجع من السفر بس جت حصلت المشكله دى وهو ماقاليش اى حاجه عنها غير بس انها مشكله صغيره وان هو متعود على مشاكل الشغل دى. الكلام ده اول مارجع من السفر على طول قالى كده وبعدها ما تصلش بيا خالص وحتى كمان باباه ماقلش لبابا اى حاجه لانه هو اصلا مش حاكى اى حاجه لباباه غير ان برضه فى عنده مشكله فى الشغل .انا قعدت مستنيه انه يكلمنى تانى بس ما تكلمش قعدت حولى 4 ايام روحت انا اتصلت بيه وقولته انه لازم يحكيلى ويفهمنى ايه الى حصل بس مارضيش وقالى انه ما يحبش اى حد يتاذى بسبه وطلب منى انى ما شغلش بالى بمشاكله طبعا انا حولت كتير انى افهمه انه بقى يهمنى وماينفعش ما شغلش بالى بيه وقولته ياريت يبقى يتصل بيا يطمنى عليه حتى قبل مايسافر وقفلت معاه على كده قعدت برضه مستنياه يتصل برضه ما تصلش روحت انا اتصلت بيه وعتبته انه ماتصلش وقالى انه ماعرفش يتصل يقولى ايه مافيش جديد فى المشكله وانه مش عايز يشغل بالى بمشاكله المهم سافر وهو هناك انا اتصلت بيه وحاولت اطمن عليه وقالى ان المشكله كبيره وعماله تتعقد انا قولته انى مش هاتخلى عنك تحت اى ظرف من الظروف وانى متمسكه بيه بس هو رد عليا وقال ان الموضوع ليه علاقه با المستقبل وان الموضوع مش سهل بس حاولت اهديه واقوله ياريت تبقى تتصل تطمنى عليك لانى انا بجد بالى مشغول جدا راح قالى انتى كده بتشيلنى هم فوق همى وياريت ما تشغليش بالك بمشكلتى…. وهو مش راضى يحكى
بس انا توصلت اخيرا ان هو حكى لباباه وباباه حكى لبابا وقاله ان المشكله كبيره وانا قومتله محامى وربنا يستر لانه ممكن يسيب الشغل بس بابا فهمه ان احنا اهل ومش هانتخلى عنك فى موقف زى ده لانه لا من الدين ولا من الاخلاق… بس واحنا صابرين لسه نتيجه التحقيق. بس هما واخدين موقف سلبى خالص
حتى هو كمان مش راضى يكلمنى خااااااااالص ومش بيسأل عنى وادى اسبوع اهو من ساعه ما كلمته وقولته يبقى يتصل بيا ويطمنى وبعدها رن عليا بس وماكلمنيش من سا عتها
انا بجد مش عارفه المفروض انى اعمل ايه انا تعبت خالص هو مش عايز يربطنى جنبه من غير شغل مش عايز يعذبنى معاه وخصوصا ان جوازنا جواز صالونات يعنى مافيش حب سابق بس هو مش فاهم ان باسلوبه ده انا بتعذب اكترياريت حد يقولى اعمل ايه لانى فعلا تعبت وهو اول شخص فى حياتى بجد حد يقولى هو اسلوبه كده صح ولا ايه و ايه فى نيته.
ارجو الرد ضرورى
شكراااااا
والله جواز الصالونات كده مش عن حب يبقا مقيش صدق و هوا مش هيحب يكون موقفه ضعيف قصاد ناس غرب انتى ما زلتى بالنسبه ليا غريبا وحتمال كبير انك مش اول حب بالنسبه ليه انتى تحوالى تقباليه على انفراد و تفهميه انك متعلقه بيه و بتحبيه و مفيش حد بيخبى عن حبيبه حاجه و تفهميه قصدك بكل طيبه و حنيه و دلع و تحسنى موقفه و تخاليه يتمسك بيكى وتشديه نحيتك و خاليه يشيل فكره الغرابه دى منه خالص و يحبك و تقوالى انك مش هتخال عنه و خاليه يوعدك انه مش هيسيبك و كده ومهما حصل و الكلام ده هوا انا الى هفهمك تعمالى ايه مروح اكلمه بنفسى احسن ^_^ خالكى حنيه و طيبه معاه وحسيسه انك مش هتسبيه مهما حصل ومستعده تخصارى كل حاجه عشانه و الكلام ده و تخاليه يحبك دى اهم حاجه لو حبك هيكون التعامل مع بعضكم احسن من كده
اختي الصغيره خليكي جمب خطيبك و حسسيه انه معاه علي الحلوه والمره وانك مستعده انك تاكلي عيش وملح و هتكوني سعيده جدا لو كنتي جمبه بس بصرف النظر عن اي اعتبارات اخري..خطيبك في موقفه ده حاسس بالضعف لانه عنده مشاكل و ممكن يكون بلا عمل الان,, خليكي جمبه وماتتخليش عنه و صدقيني بموقفك ده هتكسبيه جدا و مش هينسالك وقفتك جمبه وتمسكك بيه ده وكمان هيرفع من روحه المعنويه وهيتحدي ظروفه ومشاكله عشانك.. خطيبك حاسس باليأس خليكي معاه
يوجد تكافؤ اجتماعي، وثقافي، وتعليمي بينك وبين خطيبك، ولا توجد مشاعر متبادلة.
وهو شخص عنيد، وغامض، ومادي، وبارد، ومدخن!!.
كما أنه مضطر للارتباط بك لأسباب مادية فقط.. وأهلك معترضون على هذه الزواج لدرجة أنهم مستعدون لسداد ديون خطيبك من أجل فك الخطبة.
السؤال هنا: ما الذي يضطرك لقبول الارتباط به، وتحمل هذه التجربة المحكوم عليها بالفشل المؤكد؟أما إن كان سبب قبولك هو (الأمل) في أن (يتغير) هذا الشباب بعد الزواج، فأقول لك: إن هذه هي أكبر كذبة، ووهم تقع الفتيات تحت تأثيره!! فلا أحد يتغير بعد الزواج، وإن حدث تغيير فإنه يكون (طفيفا)، ويكون بدافع من الشخص نفسه، وليس بتأثير الآخرين عليه؛ لأن الله لا يغير ما بقوم حتى يغيروا ما بأنفسهم.
والحقيقة هي أن الزواج يقوم على “القبول”، وليس على انتظار “التغيير”، أي إنك حين ترتبطين بشخص، فإن الأصل هو (قبولك له) على حالته، ثم إذا حدث تتطور للأحسن فهذا خير، وإن لم يحدث فأنت راضية وسعيدة تماما به كما هو.
وأخيرا.. إن كان السبب هو خوفك من أن تظلمي أحدا، فأقول لك إن الزواج في ظل هذه العوامل التي تؤكد فشله هو في الحقيقة ظلمٌ لك، وظلم له، وظلم لأهلك. أخوك عبد القادر رحمون – الجزائر
دورك مع خطيبك انك تقفى بجوارة اصبرى شويه وربنا هينور لكى طريقك الامور فى الاول بتكون مش واضحه بس بعد شويه هتعرفى كل حاجه مفيش حاجه تفضل مسخبيه على طول *
معلش فى ناس بتبقى كتومة اوى ويمكن فعلا فى مشكلة كبيرة ولو هو انسان كويس اصبرى علية شوية واعملى صلاة استخارة واعرفى منة هو عايز يكمل ولا عايز يأجل الموضوع ولا حيفركش شوفى دماغة مشيةاذاى..من غير متحولى تعرفى اية سبب المشكلة مدام هو مشعايز يحكى سيبية لحد ميجيلك لوحدة يفضفض .وربنا يوفقك ويكرمك
حاولي تصرفي نظر عن الموضوع لان موقفه معاكي بيدل انه انسان مش واضح ربنا يرزقك باللي احسن منه