مشكلتى انى مش عارفه امشى فى الطريق الصح انا طالبة فى اولى ثانوى بابا انسان عاقل جدا وملتزم لما بيشوفنى خارجه بلبس ضيق بينصحنى ويكلمنى بالعقل بس فى الاخر بيسيبلى حرية الاختيار لأنه مش بيحب يجبرنى على حاجه وماما نفس الكلام بتنصحنى نصائح كتير بس اخويا لما بيشوفنى لابسه لبس ضيق بيتعصب ويزعق وانا مش بحب طريقته دى عشان كده بحب اعناده انا بحترم كلامهم كلهم وانا بحب ربنا وعايزه انفذ كلامه وانا متفوقه فى دراستى وبطلع من الخمسه الاوائل على مدرستى وبصلى وبصوم الحمد لله بس انا كل لما امشى فى الطريق الصح والبس لبس واسع اصحابى بيشدونى للطريق الغلط يعنى مثلا لو لبست جيبه اوبنطلون واسع وعليه حاجه طويله يقوللى انتى لبسه كده ليه وبحس ان انا واحده غريبه عنهم مع انهم متفوقين واخلاقهم كويسه انا مش عارفه امشى فى اى طريق ارجو منكم الرد
وعلى فكرة لما تلبسى لبس محتشم صدقنى مش هيبصلك الا
الشباب المحترم والا عايز يتجوز اما اللى هيبص على
اصحابك الحزقين والملزقين للشهوة فقط
صدقى اخويكى نادر المخ بتاعى دة مش من فراغ
اختصارة الكلام يا جماعة
اخوكى عندة حق دة خايف على عرضة يا اختى
انتى متعرفيش يعنى اية عرض العرض
هو انتى بالنسبة لابوكى واخويكى واللى ميغرش على عرضة ديوس
والديوس فى النار وانا عن نفسى لو اعرف اخوكى او انا اخوكى
هلزمك مش لسا هتخانق معاكى وهو اصلا فى شرع مين انك تلبسى بنطلون
لعن المتشبهون بالرجال والعكس
بالنسبة لاصحابك السوء يتفارقيهم بالمعروف
يا اما خليكى معاهم بس برأيك انتى
انا متشكره فعلا لكل الناس اللى ردوا عليا بس كان فى سوء فهم صغير انا بابا بينصحنى ان ملبسش لبس ضيق والبس جيبات من وانا صغيره وعمرى حوالى11 سنه كان بيقولى انى ابطل لبس البنطلونات لانه تشبه بالرجال والبس جيبات علطول فى الاول انا عارضت الفكره بس سمعت كلامه ولبست جيبات ولماخرجت مع صحابى وكلهم بقوا يسألونى انتى بتلبسى جيبات ليه ملقتش حاجه ارد بيها عليهم لانى كنت لسه صغيره فروحت لبابا وقلتله يا بابا مينفعش البس بنطلون وعليه حاجه طويله شويهقالى لأ وانا مكنتش اقدر اقوله لا اكيد يعنى هو فى الاول مكنش بينصحنى ده كان بيأمرنى انى ملبسش بنطلونات وبرده اخويا لان اخويا فى الاول كان بعيد عن ربناشويه بس ربنا هداه ولما تاب تاب بجد فبقى يقولى متلبسيش بنطلونات المشكله ان اختى كانت قبل متتجوز كانت علطول تلبس جيبات واول متجوزت لبست بنطلونات بس الصراحه كان لبسها كله واسع وطويل ومؤدب فأنا قلت لماما يعنى ازاى الكبيره تبقى لبسه بنطلونات والصغيره لبسه جيبات فمن هنارجعت البس بنطلونات تانى فى الاول كانت بنطلونات واسعه والفيست طويل بس بعد كده لما صحابى علقوا على لبسى بقيت البس اقصر واضيق شويه هو اللبس اللى انا بلبسه مش ضيق اوى يعنى بيبقى فيست قبل الركبه بشويه صغيره وعليه بنطلون عادى مش ضيق ولا واسع مظبوط وانا لبسه حجاب المشكله انى فى يوم كنت رايحه رحله تبع المدرسه ولبست لبس ضيق شويه كنت لبسه فيست قبل الركبه بشويه بس ضيق وبنطلون ولما رجعت واخويا شافنى لبسه اللبس ده زعق جامدفأنا عيطت فباباجه واتكلم معايا بهدوء وقالى ان اللبس ده مينفعش البسه ولازم اغير طريقة لبسى فلما قولتله على اختى قالى خلاص البسى بنطلون واسع عليه تونيك طويل فروحت قولتله ان انا وماما لما بنخرج بنلاقى اللبس كله ضيق مش واسع فقالى خلاص اخرجى فى محلات شيك جدا بس بتبيع لبس واسع ومتخرجيش هنا ان شاالله تيجيبى لبس بالوفات خرجنا وجبنا لبس بس الصراحه مبلبسوش الا قليل وبلبس لبسى التانى اكتر دى مشكلتى وانا بقولكوا شكرا فعلا على ردودكوا لانها ريحينى وارجو انكوا نردوا على استفسارى.
الحل بين يديكي يوم يلبسي بنطلون و يوم اخر إبسي جلابه و زيف و شئٌ آخر لا تأبهي لكلام الناس سأفعل ما اريد وليس من شأن احد .والداك و اخواك يريدون مصلحتك والقرار يرجع لكي اتمنى ان تتنعي الطريق الصحيح
بصى انتى لسه صغيره وعايزه تعيشى سنك وتعملى كل اللى انتى عايزاه وده حقك بس برضه ربنا واهلك ليهم حق عليكى وعلشان مش تتغيرى تغير مفاجئ وترجعى تانى اتغيرى واحده واحده يعنى ممكن مره تلبسى جيب وعليها بدى او فست طويل شويه او بنطلون وتونك بس مش واسع ولا ضيق لغاية لما تتعودى على التغير ده وبعد كدا وسعى من لبسه حاجه فحاجه هيكون تغير مقبول من كل اللى حوليكى حتى انتى هتكونى مقتنعه بيه وكمان اللبس الواسع بقى موضه شيك جدآ واستايل وكمان احترام ليكى ولجسمك اللى ربنا كرمك بيه واللى لازم تحافظى عليه من اللى حوليكى علشان لازم تحسى من دلوقتى انه غاااااااااالى جدآ عليكى ومش اى حد يقدر يتفرج عليه وربنا يهديكى ويرزقك بالثبات فالهدايه.
اى شب انتى متهمهوش عايزك لبسه من غير هدوم عشان يتسله بيكى ولو انتى شايفه نفسك تنفعى لكده عارفه هتعملى ايه واصحابك دول مش حجه عشان يخلوكى رخيصه فى عيون الناس واخوكى معه كل الحق لانو فى الاول والاخر بيخاف عليكى وانتى متاكده من كده والله الموفق
هو ليه مفيش ناس متخصصين للرد؟نرجو الاهتمام
والله حلك انك تسيبي المدرسة و الدروس بتعتك و تنقلي مدرسة تانيه و تعرفي ناس جديده و بشكلك المتدين الصح و يكونوا الناس دول متدينين ياريت تذكري اسم المنطقه بتعتك قريو ولا مدينه ايه نظمها من نحية التدين و اعتقد ان والدك طالما انسان عاقل لو وصلت الامور انك تطلبي منه انك تسيبي البلد الي انتي فيها المنطقه اقصد علشان مصلحتك مش هيمانع .
اختى الكريمة … بارك الله فيكى وفى ابويكى واخوكى وثبتك على الحق
بصى يا ستى اولا فى حاجة انا عايز اعلق عليها .. اخوكى لما بيكلمك بعصبية شوية دة عشان بيحبك على فكرة .. وهو بيتصرف بالطريقة دى من حبه ليكى .. وانه مش عايز يشوفك زى البنات اللى كل يوم بنشوفهم فى الشارع .. اللى بتتعاكس واللى بيتقال عليها كلام وحش وكدة .. انا عارف احساسه لانه اكيد ياما شاف بنات بيتعاكسوا قدامه وبيتقال عليهم كلام وحش فهو اكيد خايف ان اخته حبيبته يتقال عليها كلام وحش او تتعاكس بس هو مش عارف يتصرف ازاى ولسه ما عندوش خبرة شوية فى التعامل مع البنات
الحاجة التانية اللى كنت عايز اقولهالك … انك تبعدى عن اصحابك دول … وما تستغربيش من كلامى .. اخطر حاجة فى الدنيا اصدقاء السوء .. طبعا هتقولى انهم ناس محترمين ومؤدبين .. انا معاكى انهم كدة انا ماقولتش انهم مش مؤدبين بس المشكلة ان اخر حاجة عندهم الدين والالتزام .. وكل لما يلاقوكى هتقربى من ربنا يبعدوكى .. ومن شروط التوبة انك تسيبى اصدقائك اللى بيبعدوكى عن ربنا وتتصاحبى تانى على بنات يكونوا متدينات يقربوكى من ربنا
عايزك تبحثى فى النت على قصة اسمها “قاتل المائة نفس” باختصار شديد كا فيه واحد قتل 100 واحد قبل كدة ولما حب يتوب راح لواحد عالم فقاله انا قتلت 100 نفس وعايز اتوب .. العالم قاله اذهب الى المكان الفلانى وهتلاقى هناك ناس بيعبدوا ربنا ولما تروح اعبد ربنا معاهم بس لازم تسيب اصحابك القدام عشان هما اللى بيرجعوك لورا تانى
وفى ايه فى القران الكريم فى سورة الفرقان بتقول ” ويوم يعض الظالم على يديه يقول ياليتنى اتخذت مع الرسول سبيلا ..يا ويلتى ليتنى لم اتخذ فلانا خليلا .. لقد اضلنى عن الذكر بعد اذ جاءنى وكان الشيطان للانسان خذولا”
اصحابك اللى انتى مهتمة برأيهم اول ناس هيهربوا منك يوم القيامة ومش هينفعوكى بحاجة وساعتها هتندمى على انك سمعتى كلامهم
بصى يا بنتى لو انتى عايزة تلتزمى صح … يبقى ملكيش دعوة بكلام حد عشان الاصحاب دول هيرجعوا لورا ..انا كنت فى مكانك يوم من الايام وعارف انا بقولك ايه .. ولو انتى عايزة ترضى ربنا بجد مالكيش دعوة بكلام الناس وخليهم يقولوا اللى يقولوه ساعتها ربنا هيحبب الناس فيكى وهيبقوا راضيين عنك
ونصيحة تانية لاختى الصغيرة … ماتخرجيش بلبس ضيق تانى لانك كدة بتاخدى ذنوب … وكمان بتخلى الشباب يبصوا عليكى ويفتنوا بيكى .. يبقى كمان بتاخدى ذنوب الشباب اللى بصوا عليكى … وكمان والدك بياخد ذنوبك وذنوبهم عشان سابك تخرجى من البيت كدة .. اى نعم هو نصحك بس بردو انتى بنته والمفروض يخاف عليكى ويمنعك انك تنزلى الشارع كدة
فكرى فى كلامى مويس وان شاء الله هتلاقيه الصح
وتانى مرة عايز اقولك اصحابك دول لاما يدخلوكى الجنة واما يدخلوكى النار .. لو قعدتى تسمعى لكلامهم يبقى ربنا يستر عليكى .لكن لو لقيتى صحبه صالحة تقراى معاهم قران او تروحوا المسجد مع بعض او كدة يبقى ان شاء الله هتدخلى الجنة لان انتى عايزة ترضى ربنا …وماتزعليش من اخوكى لانه خايف عليكى من البلاوى اللى بيشوفها فى الشارع كل يوم
انتى مدام مسلمه يبقى طريقك معروف و لا يوجد فيه اى اختلاف و هو الطريق المستقيم و اسمعى كلام اهلك عشان هم اكيد عايزين مصلحتك و سيبك من اصحابك دول عشان دول اصحاب السوء و ارجعى الى ربنا
على فكره البنت الحشمه مش متخلفه زى ما اكيد اصحابك بيقوللولك هم بس اللى بيغروا منك عشان بتبقى احسن منهم و هم مش عايزين كده صلى و ارجعى الى ربنا هيرزوقك باصحاب افضل مائه مره من القدامى
اولا الفروض الانسان يكون عنده استقلال فى شخصيته يعنى المفروض ميتأثرش باى حاجه تقال له وبالاخص لو الحاجه ده خطأ زى اللبس الضيق مثلا وانتى لما تلبس لبس واسع انتى بكده مستقله بشخصيتك واستقلال صح مش خطأ ثانيا لو انتى بتعملى كده علشان ترضى صحباتك متنسيش ان قلوب صحباتك فى يد من من تعصيه بالبس الضيق وهو الله ثالثا من كلامك ان انتى مش مرتيطه بكده انتى لازم تظهرى بمظهر البنت الملتزمه لان الانسان بتحكم عليه مش من الداخل فقط بل من الخارج ايضا ده اذا اردتى ان يتقدم لكى انسان جاد ملتزم واتمنالك كل توفيق
السلام عليكم ورحمة الله وبركاته
أختى الكريمة
(مراقبة الله) فى البداية اود ان الوم والدك مع كامل احترامى له ولاسلوب تربيته ولكن الاب مش عليه النصيحه وبس لا ده كمان عليه المراقبه والمتابعه وعدم السماح بأى تجاوزات
ثانيا بالنسبة لصحباتك ملكيش دعوه هما بيلبسوا ازاى (لا طاعة لمخلوق فى معصية الخالق) بالعكس واجب عهليكى النصيحه ولو عايزة تتلزمى بجد هقولك تعملى ايه:-
1- النيه ولابد ان تكون نيتك صادقة مع الله سبحانه وتعالى
2- البعد عن اصحاب السوء
3- مصاحبة الفتيات الملتزمات اللاتى يعنيك على الطاعه
4- الدوام على الصلاة
5- القرءان
6- الصيام
7- مطالعة سيرة الصحابيات الأوائل لكى تأخذى منهم العظه والعبرة
8- مهمة جدا جدا جدا (تذكرى الموت وظلمة القبر والوقوف بين يدى الله سبحانه وتعالى)
اريد ان اذكرك بشىء يا اختاه وعليكى ان تعيه جيدا واعذرينى على ما سوف اقوله لكى
أى فتاه لابسه ملابس ضيقه فإذا نظر اليكى شاب واشتهاها فأكنه زنى بها فعليكى ب(تقوى الله)
وفى النهاية أدعوا الله الكريم رب العرش العظيم ان يرزقك حسن الطاعه وحلاوة الإيمان واان يهديكى الى طريق الرشد والصواب انتى وكافة بنات المسلمين (أمين)
منتظر ردك واستفساراتك
انا رايى من راى الانسان اللى علق قبلى برضه واصحابك دول بيقولو كده لانهم متعودين على شكل معين ليكى لما لاقوكى غيرتيه ايا كان للاحسن او للاوحش فعارضوكى لانهم مش متعودين على شكلك الجديد وانتى لازم تصممى على رايك بانك تكونى ملتزمه حتى فى لبسك وصحابك نفسهم هيقلدوكى علشان تعلى فى نظر نفسك ونظر اهلك وربنا يرضى عنك وتتفوقى اكتر
رايكى ان انتى معندكيش نية قوية انك تتوبى يعنى اللى عايز يبقى كويس بيبقى و لو انت واخدة الموضوع جد شوية هتلاقى لبس واسع و شيك فى نفس الوقت و على فكرة اخوكى ليه كل الحق فى اللى بيعمله لان انتى مش عارفه احساسه و هو متخيلك و انتى بتتعاكسى او حد بيبصلك بصة وحشة