بحب واحد من 4 سنين وهو بيحبنى وخلال الفتره ديه اتخطبت مرتين وفكيت عشان ارجعله تانى بس وهو كمان خطب وفك عشان يرجعلى بس هو كل مابيبعد عنى بحبه اكتر وهو بيزلنى كل ما بيتأكد من حبى ليه وكل ما بحاول ابعد عنه بيخاف وبيتحايل عليا عشان مسبهوش مش عارفه اعمل ايه اسيبه ولا افضل معاه وهو كده
مشاكل الحب
مش عارفه اسيبه ولا افضل معاه وهو كده
اضيف بتاريخ: Wednesday, September 8th, 2010 في 05:05
كلمات مشاكل وحلول: الحب, مشاكل الحب
ينطبق عليكى : لا بحبك ولا قادر على بعدك
انا عندى اقتراح طالما انه قادر يخطب بدليل انه خطب مرة قبل كده ليه مش بيتقدم لك ؟
لو بيتهرب يبقى تبدلى الموضوع من لا بحبك ولا قادر على بعدك إلى يانحله لا تقرصينى ولا عايز عسل منك .
فى الزمن اللى احنا فيه الحب ده بقا نادر الوجود المهم , انا عايز اعرف هو مستنى ايه بسلامته علشان يخطبك هو خطب وفشكل , تمام يبقى الراجل قادر انه يخطب ويجوز تمام مش زى فيلم رد قلبى , يبنتى نصيحه من أخ اقفى مع نفسك وصاريحه يأما يجى يتقدملك وتكمله مع بعض يأما تشوف نفسك وتسيبك منه لآن فى حاجه انت مش واخده بالك منها الكلام ده بيقولوه فى الفلاحين , طبعاً أنا مش بيه يعنى ولا عندى عزبة انا اصلى من الفلاحين برده , المهم هو لو فضل كما 10 سنين زى ما هو هيجوز ويكمل حياته عادى خالص , بس انتى لالالالالا وهتبقى خسرتى كل حاجه وزى المثل ما بيقول ” من كتر خطابها بارت ” طبعاً انتى عارفه وهتفضلى يا عينى معلقة نفسك زى المديلية , المهم فوقى لنفسك وأكيد انتى بتعرفى تفكرى وعارفه مصلحتك فين ……. بيس
لوانتى بتحبيه افضلى معاه بس حاولى ما تبينيش حبك ليه
واتقلى
اتقل على الرز يستوى
لو انتى بتحبيه افضلى معاه