انا فتاةعندى22سنه اصغر اخواتى عندى اختى الكبيره متزوجه ومقيمه فى مصر واخى متزوج وعايش فى اسكندرية جمبنا واختى ايضا متزوجه وعايشه جمبنا فى اسكندرية وانا اصغر واحده
والدى موجود والحمد لله بس المشكله انى مش عارفه احترم اخويا الكبير
لانه من زمان افعاله كلها غلط غلط بمعنى الكلمه لدرجه انه ممكن يزنى
وحتى بعد متجوز وطبعا كان جوازه من ورا بابا بعد ماسمحه بابا ورحمه من الشارع البهدله اللى كان فيها رجع يخون مراته
انا مقتنعه ان الراجل اللى بيعمل كده بيتردله فى اخته امه مراته بنته اى حد من عرضه
واللى اكدلى الكلام ده انه كان اتكلم على واحده كلام يسئ لسمعتها وبعد كده جه ابن عمى واتكلم عليا اى نعم مش نفس الكلام بس برده اسمه كلاه
هو لحد دلوقتى خاين ونجس مع ان ربنا نبهه وجاله السكر ومرجعش وجاله جلطه فى القلب وركب دعامه وبرده مش بيهدى وبرده خاين
المشكله التانيه انه بيحاول انه يكسب بابا على حسابى انا واخواتى وساعات ماما كمان بمعنى انه ممكن يشيل بابا مننا علشان هو يبقى حبيبه وبابا بيصدقه وخصوصا انه الولد الوحيد
انا كنت شايله منه وقبل ماطلع العمره صفيت قلبى وسامحت كل الناس ولما رجعت لقيته عامل مشاكل برده وبيحاول يشيلنا من مراته علشان خاطر لما يقول انا هتجوز محدش يعارضه
انا دلوقتى بكره وناويه ان لما اتجوز ان شاء الله مدخلوش بيتى
بس برجع واقول صلة الرحم وان ربنا هيحاسبنى على كدا
وبرده عياله ملهمش زنب وخصوصا انهم بيحبونى وانا بحبهم
ياريت اللى عنده حل يقوله علشان يساعدنى
اختي الفاضلة مهما كانت تصرفات اخوك الكبير ومهما فعل يبقى اخوك لحمك ودمك وله عليك حقوق ادعي له بالهداية والصلاح ومناصحته لعل الله يهديه ويتوب عليه على يديك خيرلك من الدنيا ومافيها وعايزك ماتقاطعيه لان ده حرام ويولد الحقد والكراهية والبغضاء بين الاخوات ومايفعله من اعمال محرمة وغيراخلاقية هو يحاسب عليها يوم القيامة ولاتزر وازرة وزرا اخرى مايمنعش انكم تتكلمون مع ابوكي عشان ينصحه ويتكلم معه عشان كلام الاب له تاثير على الابن وامك ايضا المفروض انها تعقله وتتكلم معه ونشاء الله ربنا بيهديه ويصلح احواله ويبيعده عن هالتصرفات المحرمة والغيراخلاقية ويكون عونا لكم وسندا في هذي الحياة
لا معلش مهما كان خاين وقليل الادب
طلع نزل اسمه اخوكى
ولو جالك فى بيتك فى اى وقت رحبى بيه
انتى بتاخدى ثواب على كل ده
متعرفيش ولا ايه ؟؟
وانتى مالك ومال افعاله
هو انتي هتحاسبيه؟ ليس لك عليه الا النصبحة – فأن لم يستجب فلا يجوز لك ان تقاطعيه او ما تحترمهوش والكلام ده
الامر بالمعروف بالمعروف – والنهي عن المنكر لكن ليس بالمنكر
لحظه وهتعدى بدعاكى ان شاء الله انتى خى باللك من نفسك
المشكلة فى باباك اللى رغم كل اللى بيعملوا مبيخدش موقف منه وانتى ربن هيكرمك لانك باين انك تقيه جدا وادعى ربنا بالهداية لينا وله
اختي الفاضله بارك الله فيكي وزادك تقي وايمان بس مفروض عليكي تفضلي وراء اخيكي بالنصيحة مرة والترهيب من الله وعذابه مرة اخري حتي يرجع عن سلوكة وحاولي تفهمي منه ليه هو كاره زوجته او عاوز يتزوج عليها مفيش واحد يبعد عن زوجته واولاده ويفكر بالزواج الا اذا كان فيه تقصير من الزوجة علا وعسي ان تكون مشكله بسيطة بينهم وتقدري علي حلها ويرجع لزوجته واولاده بامان وادعي الله له بالهدايا
ادعيله بالهداية و بخصوص يترد في اخته او امه
ربنا قال و لا تزر وازرة وزر اخرى
ربنا مبيخدش حد بذنب حد تاني
ولا يظلم ربك احدا
و ربنا يهدي الجميع يارب
السلام عليكم ورحمتة اللة وبركاتة اختي في اللة اولا صلة الرحم مينفعش انها تنقطع باي شغل من الاشكال اما ازا كان نجس فدي مقولة خاطة بالمرة ومنفعش انك تقولي كدة لان الرسول علية الصلاة والسلام قال ان المؤمن لا ينجس اما بقي علي افعالة فمبا انة وحيد ابوية من الواضح انة باباة جلعة شوية زيادة عن الزوم فشاف انة هوة الوحيد ولازم يعمل كدة دي طبيعة الانسان لما يلاقي اهتمام زايد من الواضح انة هيقول مفيش غيري علي الارض ويبقي شايف نفسة اما الحل فمن الاصل انك تقولي لباباكي الي هوة بيدبرة علشان يضيع حب بابا ليكم انتم واخواتك تاني هام انتي لازم تفهمية من ناحية الام من ناحية خصوصا انة دعاء الام مستجاب قوليها تدعيلة وبلاش تدعي علية وفهمية انة سخط الام من سخط اللة ودة واضح من الي هوة فية طبعا سكر وجلة مستني اية دة علشان يتعظ حرام تسبية يضيع بين ايدكم قولي لممتك تدعيلة هوة دة الحل الوحيد دعاءها مستجاب المه اخلاص النية للة وان تصلح ما بينها وبين ابنها وان تحاول التنقرب منة علي اكمل وجة مهما كانت الظروف لازم كلكم تقفوا جنبة وتسعدوة مش يمكن دة مرض نفسي والعياز باللة وفقني اللة واياكم الي ما فية رضاة
اسأل الله لكى الراحة والاطمئنان وان يزيل عنكى البلاء ..اللهم آمين. اختى الغالية دعى الامور كما تسير ولكن توجهى الى الله بقلب صادق ان يهديه وعصاة المسلمين والا فلا شان لكى به وكونى مع الله فمن معه الله معه كل شىء ..ومن تركه الله ترك كل شىء.
السلام عليكم
اختى الحبيبه حفظك الله يارب من كل سوء انتى فتاه جميله في الخلق والحمدلله ولكن لايمكن ان تقاطعى اخوكى ولكن ادعى له دائما بالهدايه وارجو الله ان يستجيب ليكي ومن الممكن ارسال لاخوكى عن طريق الاميل اى دورس دين علا وعسى يستفيق مما هو فيه وصلي قيام ليل بهذه النيه واطلبي الزوج الصالح واعلمى حبيبتى طلما انتى تسلكين في الطريق الصح فلايمكن ان يخلص الله منكى افعال اخيكي وواظبي على القيام والاوقات من 1 صباحا حتى قبل صلاه الفجر ولو على الاقل ركعتين وباذن الله تنحل مشكلتك
وفقك الله 🙂
ربنا معاكي وادعيله بالهدايه بس مفيش حل غير كده