السلام عليكم انا مشكلتى كبيره وغريبه ومش بعرف اقولها لحد من اهلى اواصحابى لان اهلى بيضيقو او ان حد بيفهم غلط والمشكله باختصار هى انى معقده من الجواز فمش عايزه اتجوز وماما قلتلى لو قلتى كده معناها انك خايفه من حاجه وده طبعا مش صح والاسباب الحقيقيه هى: انى خايفه افشل زى ناس كتيييير اوى اتجوزو وافتكروا انهم هيغيروا حاجه فى الجواز وحيتهم هى ا للى اتغيرت اختى مثلا كانت حلوه اوى وجميله وكل الى يشوفها يكون عايز يرتبط بيها بس بعد الجواز اتغيرت اوى تخنت وبقت ماتقدرش تمشى زى زمان وماما كمان نفس حكايه اختى واكتر شويه ، تانى حاجه انى خايفه من الخيانه كل راجل متجوز اعرفوا كان بيخون مراته زى بابا واجواز عماتى وخلانى وحتى جدو وانا اصلا مش حلوه اوى يعنى الحمد لله عاديه ومش ببقى واثقه فى نفسى خالص بس بحاول ان ده مايوصلش للناس فالخيانه ممكن تدمرنى خالص ،وثالث حاجه انى مش عايزه اسيب والدتى ووالدى حاسه انى هندم انى ضيعت ايام بعيد عنهم ،غير انى مبحبش حد يتحكم فيا ،وخايفه اخلف واكبر بكونى ام، واخر حاجه انى مش بحب العلاقات الزوجيه يعنى نفسى افضل طول عمرى زى مانا -مفهوم طبعا- كل الحاجات دى بتخلينى اخاف من الجواز والنهارده بابا قلى انى جالى عريس هو مش بيقولى مين عشان اركز فى مذاكرتى بس هو بيحلف ان فيه عريس بس انا مش جايلى حتى فضول لمعرفه مين فكر فيا للجواز انا عندى 18سنه يعنى لسه صغيره وانا خايفه من حاجتين اولا انى اندم على كل افكاري ديه او انى اتجوز وبعديه اندم انى اتجوزت انا خلاص هتجنن وتعبت اوى وماما نفسها تجبلى جهازى وتفرح بيا بس انا بقولها مش عايزه اتجوز فبتزعل وممكن تعيط يا ريت حد يقولى حل لمشكلتى واسفه للاطاله…
مشاكل البنات النفسية
معقده من الجواز وخايفة من الفشل
اضيف بتاريخ: Wednesday, May 8th, 2013 في 18:53
كلمات مشاكل وحلول: بنت, علاج, مشاكل البنات
الي الأخت السائلة صاحبة السؤال قالت خايفة من الجواز خايفة من حاجات كتير منها انها تفشل زي كتير من اللي سبقوها – لاتخافي اخلصي النية لله واخلصي لزوجك واخلصي لحياتك وربنا سبحانه وتعالي يوفقك للنجاح- و منها انها تتخن هي تقدر تحافظ علي رشاقتها علي قدر ما تستطيع – وهي خايفة من الخيانه – الخيانه دايما تنشأ نت الاختلاط والتسيب والبعد عن الدين والاخلاق – تمسكي بدينك وحاولي مع زوجك علي الانتظام في الصلاه والصوم وقراءة القرأن الكريم وربنا يوفقك ان شاء الله ولا داعي للقلق- اعتمدي علي الله سبحانه وتعالي وبلاش الوساوس والخوف – ربنا سبحانه وتعالي شرع الزواج لحفظ النسل وليكون والزوجة سكن كل منهم للأخر – اعتمدي علي الله والف مبروك – ربنا يوفقك – وكل عام وانتم بخير
بسم الله الرحمن الرحيم انتى مشكلتك نتيجة عن اسباب عائلتك انتى لازم تبقى فاهمة مش عشان ناس كتير فشلت فى الزواج يبقى انتى هتفشلى او لما اختك تخنت انتى هتتخنى او عشان الرجالة بتخون زوجاتهم يبقى جوزك هيخوننك ليه دايما بنقدر الحاجات الوحشة لما ممكن نقدر الكويس واللى يفرحنا ولازم تفهمى ان كل ده افكار الشيطان وابسط مثال الرسول وزوجاته والخلفاء ودايما ادعى ان ربنا يرزقك الزوج الصالح اللى يقربك من ربنا
شوفي يابنتي بارك الله فيكي الحياةحلوةليه التشاءم داكله وانت لسه صغيرةوماجربتي الحياة كويس خليك من اللي حصل لاختك اومامتك اواحدتعرفيه مش ضروري انوبيحصل معاك زيهم كدا كل شي قسمةونصيب وماحدش ياخذغير نصيبه اللي مقدرله فبلاش تشاوم دا وخليك واقعيةومنفتحة على الحياة وتاكدي انو فيه ناس كثير يحبوك وعاوزين يرتبطوابك بس اهتمي في نفسك واسمعي كلام ماما وارضيها تنالي كل الرضاوالسعادةفي حياتك وربك بيكرمك بابن الحلال اللي يستاهلك ويسعدك
كل الي بتقوليه طيبعي كل بنت او حتى شب بخافوا من الجوااز
اما على الخيانة بحسب احترام هذا الشاب و خوفه من ربنا
و شو ما صار البنت لازم تكون مستورة في بيت جوزها
أنا مش شايف حاجة غير طبيعية
انت ليه بتبصي للفاشلين وسايبة اللي نجحوا في جوازهم؟
بالنسبة لوزن أختك وأمك فده غلطهم مش حاجة طبيعية، أي بنت تقدر تتحكم في وزنها بالرجيم والرياضة، صحيح الحمل بيزود الوزن لكن الرجيم والرياضة تظبط أي وزن.
ثاني حاجة إنك بتقولي إنك مش جميلة.
الجمال ده شيء نسبي، وممكن تبقي مش جميلة في نظر نفسك لكنك جميلة الجميلات في نظر جوزك.
والراجل اللي مستعد يخون مراته مش هيفرق معاه جمالها، مهما كانت جميلة هيتعود عليها وجمالها هيكون عادي طالما مستعد للخيانة، فأكيد هيخونها بردو، لكن الراجل المخلص مش هيخونك مهما كنتي وحشة.
أما بالنسبة للعلاقات الزوجية فدي فطرة وحاجة داخلية للرجل والمرأة، ولما يكون جوزك عطوف ورفيق بيك أكيد مش هتكرهي أي حاجة منه وهتحبيه بكل لحظات حياتكوا مع بعض.
للعلم ، متحكميش على جمالك من نفسك، لأن نظرة الراجل للبنت خلاف نظرتها لنفسها.
لما تتخطبي من شخص كويس وطيب هتحبيه وهتحبي الجواز كله.
انا بنت فى سنك وكنت الاول زيك واكتر بس والدتى فهمتنى انى لو متجوزتش هبقى وحيدة فى كبر سنى ومش هلاقى اللى يرعانى وكل كلامك صح انى اللى بيتجوزو مبيهتموش بنفسهم وانا والدتى كدا حتى بنت خالتى جميلة الجميلات تخنت واهملت فى نفسها بس دا غلت المفروض ان الوحدة تهتم بنفسها واغلب الخيانة والخلافات بين الازواج هى الحاجة دى انى الوحدة مظهرها وحش فجوزها بيبص للى احسن منها شكلا وجملا فاهدى كدا وفى ازواج كتير عايششين سعداء متخفيش وسبيها على الله
و عليكم السلام ورحمه الله وبركاته
مشكلتك كبيره صح لكن من رايي
ليها حل واحد بس
.
.
انك تختاري الزوج الصح
يكون من مستواكي المادي والاجتماعي
و اوعي تترددي لحظه واحده عشان انتي عادي في انك تختاري اللي انتي عايزاه بالظبط
انتي عاديه في عينك لكنك قمر في عيون كل اللي بيحبوكي
و الجمال الحقيقي هو جمال الروح
الانسان بيعيش مره واحده وبس ياما نعيشها زي ما احنا عايزين ياما بلاش
العجيب في الحياه ان من لا يرضي الا بالافضل يحصل عليه
اسمعي كلام اخوكي الانسان الطيب هو بيفكرني بواحد كان اسمه (انا مين)
ليه بتفكري بالصوره المعقده دي
ليه بيتقوليش ان اختك هي ال اهملت في نفسها لحد مابقت مش عارفه تمشي
ليه ما بتقوليش انا حسعد زوجي ومخلهوش محتاج حاجه عشان ما يبصش بره ويخوني
وعلي فكره لما حتحبي مش حتحسي ان طلبات زوجك تحكمات او شروط عليكي ده بالعكس انت حتحبي تلبي طلباته انت عارفه انا كنت زيك بس لما اتخطبت انا كنت بستاذن من خطيبي من غير ما هو يطلب ده وبفرح لما يقولي لااا واحس انه خايف عليا وبيغير عليا وعلي فكره هو احترمني ومبقاش يقولي لاااا في اغلب الاوقات
ثانيا لو معملش كدا مش حتحسي بانوثتك فالراجل راجل والست ست مش معني كلامي انه يجي يضربك تسكوتيله لازم من اي موقف يعمله تاخدي موقف عشان يعرف ان دا بيزعلك
وربنا يكرمك
هو باباكي مابيتحكمش فيكي وال ايه اكيد بيتحكم يعني متعوده
اهم حاجه يكون بيحبك كتييرر
أختى العزيزة………
منطقيا جدا التفكير اللى أنتى بتفكريه على حسب سنك وعلى حسب الخبرة المتوفرة فى ذاك السن.
مشكلت سن المراهقة أو مادون العشرين عاما دائما ما يفكر بمشاعره مما يجده ويركن تفكيره على جنب رغم أن التفكير مطلوب فى تلك الاوقات ..
أختى الحبيبة………………….
ما دفعك لهذا القرار هو اللى شوفتيه من مواقف وحاجات معجبتكيش كتييير لكن دائما أختى للأسف نجد النفس البشرية دائما تنظر الى العيوب لا تنظر الى الاستقرار.
يعنى ليه فكلاتى بالجواز بالطريقة ديه مفكرتيش ليه أن ده أستقرار أن الجواز معيشة تتقاسم بين اتنين فى الحلال
طيب انتى اكلمتى عن الخبانة الزوجية فكرتى ليه من أنها تكون عن طريق عشان الانسانة ديه مش حلوة ولا حلوة ولا ماشابه ذلك ليه مفكرتيش التفكير الصح ان ده غلط الرجالة نفسهم اللى متجوزين ليه مفكرتيش أنه اللى بيحبك عمره ماحيبص للحاجات ديه لكن اللى عايز حد بيفضل جنبه وتحت خدمته……..
وبعدين انتى عايزة ماتسبيش ماما وبابا أذا كان ماما نفسها عايزة تفرح بيكي وتجبلك الجهاز
العمل الان…..
أستعينى بالله واظبى على الدعاء بأن يرزقكك الله الزوج الصالح اللى يصونك ويحافظ عليكى أسمعى كلام ماما هى عايزة تفؤح بيكي لا تنظرى الى الزواج تلك النظرة السلبية التى لا هم لها الى الفشل وانظرى النظرة الايجابية
وبعدين مفيش أحسن من بابا اللى حيختار العريس يارب يكون خير ان شاء الله وسبب فى فرحتك وسعادتك طول العمر ياأختى العزيزة ماتنسيناش من الدعاء…..
وشكرا
أخوكى الانسان الطيــــــــــــــــــــــــــــــــــــــــــــــــب
والسلام عليكم
الجواز سنت الحياة وبعدين كل شيء نصيب اللي ربنا كتبهولك هتشوفي المهم انك تستخيري ربنا في الاول وسبيها زي ما تمشي تمشي وبعدين الحلاوة مش كل حاجة كفاية ان الانسان تكون روحة حلوة الشكل الواحد مش هيعمل بي حاجة نفترض انك حلوة اوي بس دمك واقف جوزك هيعمل بيكي اية وبعدين اي حاجة تاني دي سنت الحياة ربنا ذكرها في القران انها حلال وبعدين الخياة بتجي من معامة الوحدة لوجزها يعني انتي لو بتعملي كويس عمرة ما هيبص برة لكن لو في حاجة مديقة وانتي مش واخدة بالك منة اكيد هيبص برة عموما ربنا يقدملك اللي في الخير ويبعد عنك ولاد الحرام ومامتك نفسها تفرح بيكي لانها هي قلقانة عليكي حاولي تريحيها عشان لقدر الله بعدد الشر عليها لو حصلها حاجة هتبقي قلقانة عليكي وربنا يحفظهالك بأذن الرحمن
زى ما تكونى بتتكلمى عليا والله
السلام عليكم ورحمة الله وبرككاته
عززيتي اول شي الخوف من الفشل هو بحد ذاته فشــل
فـ لا يوجد عنوان للفــشل( وانما تجارب وخبرات )ومن هنا نقوي نفسنا
فـ اولا ثقي بنفسك آكيد الله ميزك باشياء كثيره انتي مو شايفتها في نفسك
والتجارب الي سمعتيها وحتى انك ما عشتيها فلازم تتعلمي منها مو تعقدي نفسك فيها وتجعليها قوة دافعية يعني مثلا ذكرتي موضوع الخيانه :المراة هي الوحيده الي تخلي زوجها يخوونها او ما يخونها …. الحياة حلوه وبسيطه ولا تعقدي نفسك في هذي الفكرة ومو معنى اختك او امك مرت بتجارب يعني انتي راح تصير حياتك مثلهم عيشي حياتك واقتنعي بكل لحضة وابتسمي والله يجعل لك ابن الحلال الي يفهمك ويقدرك واذا عندك اي سؤال ثاني انا موجوده في خدمتكم واعذريني
لازم تتجوزى هذة سنت الحياه ممتك وبباكى مش هيعيشوليك طول العمر انتى كده هتعنزى وهدندمى بعدين وبعدين مش كل الرجاله بيخونو مراتتهوم انا عن نفسى انشاء الله مش هخون مراتى وبعدين انتى بتقولى انيك مش جميله الجمال مش كل حاجه انا مش بفضل الجمال انا افضل الادب والاخلاق تخيلى كدا انيك تجوزتى وربنا كرميك باولاد وحياتك تبقى انشاء الله سعيده فكرى علاشان متندميش بعدين
هو ممكن يكون سبب التفكير اللى انتى بتفكرية دا الحاجات اللى شايفها دايما عن الجواز بس انتى بتشوفى الاشياء السلبية بس وكمان مش كل راجل بيخون مراته لو اخترتى صح مش هيكون فيه خيانة ولا غيره وبالنسبة لزيادة الوزن او غيره دى حاجة فى ايدك انتى تقدرى تحافظى على نفسيك فى ستات كتتير متجاوزين انا اعرفهم وبقوا احلى من ما كانوا قبل الجواز والجواز اصلا حاجة كويسة فى كل شئ اولاد واسرة ومسؤولية الواحد بيحس انه ليه لازمة فى الحياة ومافيش حد بيعيش لوحده
استخيرى يبنا فى كل شئ ولن تندمى على فعل استخرتى فية وعليكى بهذا الدعاء وانا مجربة
اللهم اني اسالك باني أشهد انك انت الله لا اله الا انت
الأحد الصمد الذي لم يلد ولم يولد ولم يكن له كفوا احد ..اللهم اني اسالك بان لك الحمد – لا إله إلا انت – المنان بديع السموات والارض – ياذا الجلال والاكرام ياحي ياقيوم – اللهم اني اسألك بأن لك الحمد- لا اله إلا انت وحدك لا شريك لك ”
يابديع السموات والارض- يا ذا الجلال والاكرام ياحي يا قيوم
” اني اسألك الجنه واعوذ بك من النار ”
يالله ياحي ياقيوم – ياحي ياقيوم – ياحي ياقيوم – ياحميد يامجيد
يارحمان يالله – ياذا الجلال والاكرام – لا اله الا انت ياعظيم
(………… ثم ادعوا بمآ شئت ………….)
ثم / صل على الرسول ..
” عليه الصلاة والسلام “
ياسلام لو كل واحده فكرت زيك يبقي ولا في جواز ولا في حياه وصوابعك مش شكل بعضها انااهو متجوزه وجوزي اسعد مخلوق معايا ومش بحس باللي انت بتقوليه ده خالص علي فكره انا اللي بهتم برشاقتي وبنظم حياتي وانا برده اللي قدرت مش اخلي جوزي يخوني بدلعي عليه ودلالي له واهتمامي بنفسي امامه وبعدين انا بحب اللاقه مع جوزي جدا عشان انا بحبه عشان كده انا حبه كده مش عشان انا عايزه فهماني طبعا عشان بحبه حبيت كده فهمتي وبعدين دي وجهات نظر انا بالنسبه ليا الجواز احسن من اني ماكنت بنت عند بابا