السلام عليكم ورحمة الله وبركاته انا شاب عندي 20 سنه طالب بكلية الهندسه بحب واحده اصغر مني بسنه من ساعة ما كنت في الثانوي واول شئ عجبني فيها اخلاقها واحترامها وبرضو جمالها والحمد لله انا متدين فمقدرتش اكلمها وقلت ده يعتبر اعجاب وانا لازم انساها واركز بدراستي المهم حاولت انساها مقدرتش كانت دايما على بالي وانا بذاكر المهم انتهت مرحله الثانوي والحمد لله ربنا كرمني اني دخلت الكليه اللي كنت بحلم بيها وكنت في نفس الوقت فرحان وزعلان فرحان اني حققت حلمي وزعلان لاني مش هشوفها تاني ولما دخلت الكليه كنت دايما بفكر فيها وكنت بسال عن اخبارها من بعيد لبعيد وعرفت انها دخلت كلية طب وانا في نهاية امتحانات السنه التانيه بالصدفه قابلتها وكنت عايز اكلمها بس رجعت في كلامي لاني مرضهاش على اختي تقف تكلم واحد متعرفوش في الشارع ومن ساعة ما قابلتها وانا مش عارف انام منمتش 3 ايام متواصلة غي ساعتين والله كنت بحلم بيها وبعدين قعدت ابحث عن الاكونت بتاعها على الفيس وبعد تعب وجدته وقمت بعتلها طلب صداقه وبعتلها رساله عبرت فيها عن مشاعري تجاها ولكن استنيت عليها كتير وهي مبتردش عليا والله رغم حزني انها رفضت طلب الصداقه الا اني اتمسكت بيها اكتر واتاكدت من اخلاقها اكتر واكتر ويعلم الله ان نيتي تجاها طيبه واني ناوي اخطبها بس سني صغير شويه وكمان انا مش عندي اخوات بنات عشان تحاول تتواصل معاها وواسف على الاطاله وارجو مشورتكم
فى الاول ربنا يجمع بينكوا ومتفترقوش ابدا ويارب تطلع بتحبك وبجد بجد يابختها بيك البنت الى تلاقى حد يحبها بجد يبقى يابختها ان شاء الله هتكون نصيبك
اشتغل وحسن من مستواك وروح أتقدم الراجل الصح هو ال بيدخل البيت من الباب ممكن تكلم حد من أهلها انك مش عايز حاجه وحشه ولو ليكوا نصيب مع بعض هتكونوا لبعض إن الله إذا أراد أن يجمع بين إثنين لجمع بينها ولوكان بينهما مسافات طويلة وادعي ربنا كتير أنه يقرب المسافات بينكم وأنها لو خير يقربها منك ولو شر يبعدها عندك وتخلي قلبك ينساها
انا حصل معاي نفس مشكلتك وكنت بخجل اكلمها لحد ما يوم سمعت انها ارتبطت لحد دلوقتي بفكر فيها ومش قادر اشيلها من دماغي وحاسس بندم انو ضيعتها وما روحتش كلمتها
نصيحه اذا كنت واثق انك بتحبها روح كلمها عشان ما يحصلكش زي ما حصلي وما تبينش ان انت الي بعت الرساله الا لما تتاكد منها وافقت عليك عشان ما تحطش نفسك ف موقف محرج
وحتى لو رفضتك بتكون انت عملت الي عليك
والباقي على النصيب
وربنا يوفقك ويجمعكم مع بعض