انا بحب واحدة كنت بقابلها وعملت معاها كل حاجة بارادتها هى .. بس خفت عليها هى دللوقتى بنت وكونت مواعد نفسى انى هخدها بس اتضحلى ان عندها مرض سرطان حميد مش خبيث وبتتعالج منة بس انا دللوقتى محتار اخدها ولا لا
انا بحب واحدة كنت بقابلها وعملت معاها كل حاجة بارادتها هى .. بس خفت عليها هى دللوقتى بنت وكونت مواعد نفسى انى هخدها بس اتضحلى ان عندها مرض سرطان حميد مش خبيث وبتتعالج منة بس انا دللوقتى محتار اخدها ولا لا
اضيف بتاريخ: Friday, September 17th, 2010 في 00:38
كلمات مشاكل وحلول: ارتباط, بنت, سرطان, مرض
لو انت اتجوزتها وجاء لها سرطان هل تتركها لو انت مكانها ترضي تسيبك هل المرض بارادة الانسان مفيش حد بيختار ان يكون مريض هل من العدل ان نتخلي عن من نحب بسبب المرض من يفعل ذلك يكون عديم الاصل المرض من عند الله والذي اعطها المرض قادر ان يرفع عنها المرض ويبتليك به وهذا اختبار من الله هل تنجح ام لا وهي لم تخطيء لوحدها فانتوا اخطاتم سويا فاصلحو هذا الخطا سويا هل لوكان لديك اخت وعملت كل سيء معها وبعد كدة جاء لها سرطان ترضي ان يترك هذا الشاب اختك اتقي الله كم تدين تدان هذا سيقعد لك في اختك ابنتك ولن تجد مفر من عقاب الله وان تركتها في النيا وهربت منها فاين ستهرب من ذنبها في الاخرة اتقي الله
أخي
اعلم أنك أخطأت معها بإرادتها أم بغيرها فأنت تعتبر ذئبا بشريا إن تخليت عنها
أخي السرطان يمكن علاجه نهائيا بالإرادة القوية
وقوفك بجانبها سيقوي من عزمها جدا وهي ستخرج من المحنة قريبا
إن تركتها فأنت ستقتلها
إن تقربت منها فأنت ستحييها من جديد
لو أنا مكانك ما تركتها وإن كان عندها الإيدز عافانا الله..
فوعد الحر دين عليه.. فهل أنت حر؟؟؟؟
ربنا يشفيها.. خليك معاها لحد ماتشفى منه ان شاء الله .. وربنا يبعد عننا وعن كل المسلمين الامراض
لو انت بعد الشر اللى كان عندك مرض ده وهى اتخلت عنك انت هتقول ايه حط نفسك مكانها
الحب بيقوى مش بيضعف .لازم تقف جنبها لحلك لييها ربنا ممكن يشفها وممكن بدبها امل للحياه
هو الانسان مريض محروم حتى من الحب متحكميش عليها بلاعدام ده ربنا بيرحم اجوزها من غ متتردد لانها وثقت فيك ومتخذلهاش لان كما تدين تدان .لو اتخليت عنها ممكن بعد شر يجرالها حاجه وساعتها عمرها معتسمحك وانت هتحس بذنب طول عمرك
ربنا يشفيها ويعفيها انت لو بتحبها خليك جنبها وهى عمرها مه هتستغنا عنك مدام قولتلها انا جنبك مهما كان عندك اي انت مش تعرف هتحبك اد اي لو قولتلها الكلام ده
وكويس انها صاريحه معاك مش كذبت عليك
طالما بتحبها وهى بتبادلك نفس الشعور توكل على الله اكيد هى مجروحة اوى كفاية المرض
عسى ان تكرهوا شئ وهو خيرا لكم تزوجها وتوكل على الرازاق
لو انت ضامن نفسك وصحتك ابع عنها بس تاكد ان ربك لبالمرصاد جاي تفكر بعد ماعملت عشانك كل حاجه تقول اتجوزها او لا اصلها مريضه افرض انك اتجوزتها وتاني يوم السرطان كان خبيث كنت هطلقها اتقي الله
اتقى الله واتجوزها اكيد هى ملهاش غيرك انا كنت مريضه زيها واعز واحد بالكون اتخلى عتى وسابنى وانا مريضه وانا دلوقت بكره اليوم اللى اتقابلنا فيه وبعيش اسوء لحظات حياتى وبقول يا ترى هيرجع واشوفه تانى قبل ما اموت ويمسك ايدى تانى عشان احس بالامان ادعيلى وادعى لحبيبتك واتجوزها بالله عليك اكيد دلوقت هى ملهاش غيرك بعد ربنا سبحابه وتعالى
توكل على الله واتجوزها
وهيه هتكون سبب رزقك وسعاتك
وعمرها مهتفكر تخونك
مش هتلاقى زيها
والف مبروووووووووك
ياخى انا فى نفس مشكلتك لكن المرض اخف واقسم بربى ان صممت بعد ما عرفت المرض دة وقلت جوايا ازاى احاسبها على شئ ابتلاها الله بيه نصيحة حاسبها على شى هى تقدمة بايدها لكن ما تحاسبها على شئ خارج عن ارادتها خليك معاها ربنا يوفقك ويعافيك متاكد ان القرار صعب لكن يا اخى ان اتيحت لك الفرصة انك تعمل عمل خير وكويس لية تترد ربنا يوفقك
والله مفى حد هيصونك ويحبك زيها اتجوزها وربنا هيكرمك
انت لوسابتها اعلم ان الله سوف يصيبك بالمرض وتلاقى اقرب ما ليك سابك وبعد عنك وكمان هى المرض بتاعها حاميدى مش خبيث ولو حتى كان خبيث اوقف جانبها وفرحها وربنا مبيضيعش اجر المحسنين وربنا يشفيعا ويشفى مرضه المسلمين ويحنن قلبك عليها (نهله طلعت)
اعلم ان الله مطلع علي كل شئ والديان لايموت وكما تدين تدان اتقي الله واتزوجها وربنا يكرمك انشاء الله
ما دام بتحبها فعلا وواثق انها بتقدرك
والمرض هيتعالج وهتبقى كويسه اوعى تسيبها ولا تبعد عنها بذات فتره تعبها دى لازم تحس بوقوفك جنبهاوهى لو لاقت نفسها عبق عليك صدقنى مادام بتحبك ممكن هى تحاول تبعد عنك وتقول حرام ترتبط بيه وكده
انما لازم تكون جدع وماتحطش نفسك فى مكان الواد الى ماصدق وخلع حتى لوسيبتو بعض خليك فى نظرها طول العمر راجل وحبيتها بجد
ليه مخلى المرض سبب انك تبعد عنه المفروض انك دلوقتى تبقا وقف جمبها لانها هى محتجالك اكتر من اى وقت حاول تقف جمبه حتى لحد متتعالج وبعد كده قرار انت حتكمل معاها ولا لا
انت و ضميرك ..بس ممكن تاخد واحدة سليمه تخلفلك عيل عنده سرطان .. لا تدينوا لكى لا تدانوا…لو سبتها حيرجعلك و ده كلام ثقة
ممكن تاخد براءى وتتجوزها وانا شاء الله هتخف بحبك وحناك ليها ورحمه ربنا ليها عشان لو سيها يبقى ضيعت مستقبلها وحرااااااااام عليك ربنا مش هسعدك ابدا وهى حزينه اقف جمبها فى مرضها طبطب عليها وقلها عمرى ما هاسيبك صدقنى هتخف
مش هقلك غير حاجه واحده بس حط نفسك مكانها __ وشكرا
طبعا اوعى تسيبها انت عارف ان المرض ده مرتبط جدا بالحالة االنفسية يعنى انت لو سبتها اول حاجة هتكون السبب فى صدمتها ومش بعيد يحصلها حاجة بعد الشر عليها بس انا لازم اوضحلك الامر بجد تانيا اسال نفسك هتقدر تعيش اللحظة دى وانت السبب فى اللى ياعالم هيحصل وحتى لو متجوزتهاش ربنا عمره ماهيباركلك فى حياتك وممكن تتردلك فى حد عزيز عليك لان ربنا مبيسيبش ثالثا انت كده كده اصلا سواءكانت عندها المرض او لا لازم تتجوزهاعشان طبعا اللى حصل متزعلش من كلامى بس ده رايى
كل الناس بتقولك متسبهاش مش معقول انت بس الي صص. ولو سبتها يبقي انت مبتحبهاش. وهي هتكمل حياتها بس انت الي الله اعلم ربنا شايلك ايه؟ الحب مابيجيش بالساهل حافظ عليه وتوكل ع الله ولا ندمت ان الله خير وكيل
ياريت متسبهاش لانها عالاقل مريضة محتاجة حد يقف معاة ويمكن ربنا بيختبرك صدقنى
العزيز برجاء عدم ترك هذه البنت وان تتزوجها لانه في الامكان شفائها من مرضها فان السرطان يعتمد علي الحاله النفسيه التي توجدعليها المريضه او المريض لان ذالك سيكتب في ميزان حسناتك
ادعو لك بزياده ميزان حسناتك .
طالما عملت كده معاك يبقى هى بتحبك اوى تخيل لو العكس حصل وانت اللى مرضت هى هيكون ايه رد فعلها هتسيبك ولا هتكمل معاك وتضحى بأى حاجة علشانك ؟؟؟؟؟؟؟؟؟
لو جاوبت على السؤال ده صح يبقى انت كده جاوبت على نفسك
مدام بتحبها ده مبرر كافى اوى لانك تاخدها ومدام المرض حميد يمكن انت بقربك ليها تكون بعد ربنا طبعا السبب فى شفاها منه نهائى
اخى اولا انت جاوبت على حالك انسى مرضها وفكر انت بتحبها فعلا ولا لا بتحبها؟ يبقى هتتزجها ؟وبعدين حتى لو مرضها خبيث مين غير الحبيب يقف جنب حبيبه وبعدين لا قدر الله لو كان المرض ده عندك انت كنت تتخيل انها تسيبك حط نفسك مكانها وخليها هيا مكانك هتعرف الاجابه لحالك
وربنا يوفقكم ويسعدكم
انتا بتستهبل بعد مخت غردك منها اتقى الله وخدها ممكن ربنا يبتليك بمرض اخطر منها
انسى مرضها وأسأل نفسك السؤال الحقيقي
انا بدي أتجوزها ولا لأ؟!
ايوة فعلا حرام عليك تسيبها
هي بنات الناس لعبه في ايدك
و لو انت عندك اخت مش هترضي يحصل معاها كده
اكرر كلام الاخت خوخه والاخ العرض حالجي.. بارك الله فيكم
تخيل نفسك انك انتى الذى ابتلك ربك بهذا المرض ماذا كنت ستفعل هل كنت ستتركها لتبحث هى عن رجل سليم ليس به امراض …
يا اخى اتقى الله و مش معقول بعد تعمل كل حاجه مع البنت تسبها …
انا اكبر منك على الاقل بعشر سنوات و نصيحه لو انتى بتحبها و هى بتحبك و شايف انها كويسه و فى تفاهم بينك و بينها تزوجها فورا ووالبت لا تعطى شىء الى الرجل الا اذا كانت بتحبه اتقى الله فيها .زحتى لا ترزق ببنت غيرها و تكتشف ان تخزنك مع اخر لان الله لن يتركك
افعل ما شئت كما تدين تدان
انا اسفة على كتابتى اول تعليق بس باقى التعليقات انا مقتنعة بيها تماما
يا ريت تتزوجها وتخيل لو الموقف ده لاقدر الله حصل مع اختك او قريبتك
بس ادام هى عملت معاك كل حاجة ففعلا عشان هى بتحبك جدا
بس انا شايفة ان عادى انك تتزوجها لان المرض ده سرطان حميد فعادى يعنى
طالما انت كتبت المشكلة يبقى انت موش عايز تاخدها اصلا
حبيبى كن رجلا وراقب ضميرك واصلح ما افسدته حتى ترضى الله فى هذه الانسانه مرضها هذا انذار من ربها وكفارة عن ما فعلته معك اتجهوا انتم الاتنين الى الله وتوبا اليه ولا تتركها فمن افسد شىء عليه اصلاحه وانت فعلت معاها كل شىء بدافع الحب وهى قبلت ذلك ايضا بدافع الحب وطبعا وعودك لها بالزواج فلا اظن ان تفرض انسانه فى شىء من كرامتها ولا سمعتها الا اذا كانت احبتك
مرض السرطان يا اخي من الامراض اللتي ليس لها علاقه بالجنس والزواج بمعني انه ليس معدي للطرف الاخر – ماذا لو كنت تزوجتها و اكتشفت حقيقه المرض بعد الزواج هل كنت ستتركها؟؟ توكل علي الله وان شاء الله تتعالج منه و يخف من عندها بسرعه – وربنا يسعدكم بالحلال بعيد عن الحرام – وانصحك بتقوي الله فيها قبل وبعد الزواج عشان البركه ودعواتي لكم