هل الحب والارتباط غلط في سني أو مجتمعي

انا بنت تانية ثانوي عام ..
انا دايما من المتفوقين في دراستي بطلع من الاوائل الحمدالله
مهتمية بدراستي جدا .. محترمة وسمعتي حلوة في اي مكان اروحه
واسبوبي كويس في الكلام والناس بتحبني
مجاش في بالي اني ارتبط قبل كدة أو مش عندي الجرأة اني اعمل كدة
بس مش بتكلم مع اولاد
وحتي لو اتكلمت بتكلم لناس قرايبي وفي حدود
رغم اني من يعتبر من بلاد صعيد بس دلو قتي مفيش حاجه اسمها صعيد
بنتعامل عادي زي القاهرة والمدن الكبيرة مش معقدين
وفكرة الارتباط منتشرة
بس انا عمري ما فكرت فيها رغم أن اتعرضت عليا گتير
بس انا اللي بخاف معرفش ليه
اينعم نفسي احب واتحب بس برجع واقول تاني لا مينفعش دراستي اهم مع اني بعرف
افضل بين دراستي والواقع كويس
بس اقول الحب في الحلال احسن
وترجعلي تاني فكرة اني مش داخل في دماغي جواز الصالونات
اختي بتعاني من الحكاية دي دلوقتي وانا لما بشوفها كدة مع جوزها بتتخانق أو في مشاكل
بس بتكون كبيرة لدرجة أنها مأثرة جدا علي حالتها الصحية
بقول ما هما لو قابلين بعض من الاول وواخدين بعض عن حب مكانش دة حالهم
ونفسي مكررش مشكلة اختي
بس في نفس الوقت متلغبطة وعاوزة حل وسط ع الأقل هل الحب والارتباط غلط في سني أو مجتمعي !؟ ولا فكرة اني استني لحد ما اتجوز حد مش بحبه هي اللي صح
آسفة اني طولت

مشاكل وحلول ذات صلة

• لو حبيبى مجاش هل اقبل العريس التانى
• بحب بنت قريبي بيحبها واتقدملها
• اتخنقت من اهل حبيبتي الاستغلالين
• ارضى مين امى واسيب حبيبتى ولا اسمع لقلبى
• حاسة دلوقتى انى رخيصة ومنافقة
• احب ابن عمي لكنه تقدم لخطبة اختي
• امي ترفض زواجي من حبيبي كيف اقنعها