البنات المراهقات

هل صديقتى طبيعية ؟ ولا ابعد عنها احسن

انا عندى صديقة عرفتها من اقل من سنة احنا في ٣ إعدادى وانا عارفاها من زمان من سنة رابعة ابتدائى بس مكوناش صحاب خالص لحد ٢ اعدادى. وساعتها بقينا صحاب جدا لدرجة أن هى بتعمل حركات غريبة يعنى مثلا بتحسس على رجلى أو “فخدى” بصراحة بستغرب الموضوع جدا و ركبى بردو وسعات تقولى بحبك اوى وتقولى وحشتينى وكدة بس انا مش بعرف اقول الحاجات دى لحد يعنى انا طبيعة شخصيتى كتومة فى المشاعر وفى كل حاجة مش بعرف اقول ايه اللى مدايقنى و سعات تقولى عن انى مش مهتمية بيها ومش بقولها بحبك كتير على أساس أن احنا اصحاب وكدة والنهاردة احنا قاعدين على السرير عادى بنتكلم قالتلى” انتى بتغيرى عليا ” معرفتش اقول ايه فمردتش المهم قعدت تقول اه بتغيرى زى انا. هى فعلا بتغير يعنى لما اكلمها على واحدة من اصحابى بتكلمنى بطريقة وحشة اكنها مش طيقانى ولما هى تكلمنى بحس عادى يعنى انا بحبها اه بس زى صحاب عادى المهم قولها تعالى نتصور قالتى ماشى فبنطلع شفايفنا بره عشان دى الحركة اللى الجيل ده بقى بيعملها اللى اسمه “بوز البطة” فقامت بصالى وقبلتنى فى بقى بس بوسة صغيرة أو سريعة يعنى اكنها بوسة على الخد بس هى على البق أنا بصراحة محبتش الموضوع ادايقت بس مبينتلهاش كدة بينتلها عادى اكن مفيش حاجة حصلت خالص قالتى بعد البوسة”يع انا بوستك من بوقك ده انا مبعملش كدة مع ماما “بس قالتها بهزار وبتضحك وعادى بردو انا فضلت ساكتة وكنت سعتها عايزة امشى وقبل الموقف ده كنا ماشيين عادى قالتلى “تيجى نتجوز” بهزار بردو وبتضحك وانا بصتلها بصة احتقار كدة وبعدين ضحكت عشان انا عارفة انو هزار وهى ضحكت وقالتى وهى بتضحك “متقوليش لحد اللى حصل ده” وكل شوية تقولى تعالى اقعدى جنبى أو على رجلى ولما ابقى عايزة انا تقول. اسندى على كتفى او ابقى نائمة على المكتب او”الديسك” تقولى تعالى تامر على رجلى أو”فخادها” وانا وهى كنا متخانقين فى مرة وانا روحت لماماتها وقالتلها بوسيها بس كان اصدها من خدها يعنى عشان مزعلش ومحسش انها مش بتحبنى وكدة يعنى فانا فهمت أنهم عندهم الطبع ده فانا كل اللى كنت عايزة أعرفه انا كدة ابعد عنها ولا ايه ؟

مشاكل وحلول ذات صلة

اضيف بتاريخ: Wednesday, October 30th, 2019 في 06:17

كلمات مشاكل وحلول: , , ,

ردود to “هل صديقتى طبيعية ؟ ولا ابعد عنها احسن”

  1. TueGk
    16/11/2019 at 23:44

    نبهيها بدون كلام جارح او تعنيف ، الى الان تصرفاتها من الممكن ان تتقبليها منها يعني مجرد تقبيلك ووظع رأسها على كتفك او صدرك ، بعض الاصدقاء يعتبروها تعبير عن المودة وحب الاخوة ،وانا اراها كذلك ، ما عدا تقبيل الفم فيه حساسية او يشكك الناس لان البعض يعرف انه اول ما يبدأ به مع الجنس ، لكن هناك فرق بين تقبيل السلام والشهوة ،حتى الام تقبل طفلها في فمه ، صديقتك قد تكون تعاني من سوء المعاملة والكبت وحرمان شديد من اي معاملة حسنة ، لا تسمحي لها بتصرفات خاطئة ، ولا تعاتبيها على شيء اخر ، مثل هذه الشخصية لا تدرك اخطاءها لكن تتوقف بمجرد تنبيهها ، اعطيها حرية معك في اي امر يسعدها وتحبه ،لكن عرفيها انك لا تقبلي تصرف يمس اخلاقك ، تكسبي اجرين تعليمها وحسن معاملتها ، لا تعلمي ماذا يستقبلها في منزلها بعد ان ترجع اليه كل يوم ، ربما تعود من المدرسة حزينة وخلف باب بيتها هناك عذاب وظلم وقسوة فرصتها الوحيدة للخلاص منه هو الذهاب للمدرسة كل يوم ،

اترك رداً أو حلاً لهذه المشكلة