مشكلتى انى عندى 29 سنة ومش مخطوبة ومتقدمليش عريس قبل كده خالص ولا ارتبطت بحد عاطفيا ممكن يكون الشغل والدراسة هم السبب
بس المشكلة دلوقتى اللى بيحاول يرتبط بى اقل من سنى حوالى سنتين مش عارفه اعمل ايه وعموما انا مقتنعه انى نصيبى لسه مجاش وبقول كل شى نصيب
ايه يعنى اصغر منك صحيح عادى دا فرق بسيط بعيد النصيب دا حاجه ف ايد ربنا طبعا وربنا يرزقك بالزوج الصالح
فارق السن مش مشكله خالص وسنتين يعنى مش حكايه ما سيدنا محمد اتجوز ستنا خديجه وهو عنده 25 سنه وهى عندها 28 سنه والرسول هو الرجوله على حقيقتها ومع ذلك لم يعتبر للسن واهم حاجه انه يكون راجل بجد وبيحبك وعلى خاق ودين ويكون فيه تفاهم بينكم وزى ما قال الرسول الكريم اذا جاءكم من ترضون دينه وخلقه فزوجوه وما جابش سيره السن خالص اتكلى على الله وربنا يوفقك
وبالنسبة للاخت اللى عندها 29 سنة صدقينى نصيبك متشال وربنا يرزقك بابن الحلال اللى يسعدك عاجلا ليس اجلا
يا اختى ايه المشكله طالما هو بيحبك ايه المشكله انا شخصيا كنت بحب بنت اكبر منى بثلاث سنوات كان عندها 29 سنه وانا كان عندى 26 سنه والهى كنت احبها ومازلت احبها لكنها مقدرتش تستوعب موضوع فارق السن ده خصوصا انها كانت بتحبنى جدا جدا ولكن مكنتش عارفه موضوع السن ده ولما اكتشفته اتصدمت فضلت اكلمها كتيييير واتحايل عليها واحاول افهما ان فارق السن مش موضوع كبير المهم طريقه التفكير بينا متقاربه ولا لا ممكن يكون واحد اكبر منك وشخصيته تافهه جدا ومش مناسب وممكن يكون واحد اصغر منك بس قريب منك جدا جدا وفاهمك وصلنا الى طريق مقفول وقالتلى اخر كلمه مقتدرتش انا استحملها على كرامتى قالتلى انا لما بمشى مع اخويه الصغير فى الشارع ببقى مكسوفه ومن هنا كانت النهايه معلش طولت عليكى الحديث بس رأى فى النهايه انك لو شايفه انو مناسب فى الاشياء الاخرى متجعليش فارق السن عائق ….واسف على الاطاله
ايه يعني اصغر منك في السن اشمعني هما بيتجوزنا وهما اكبر مننا وبعدين محدش ضامن عمره ممكن تتجوزيه ويموت قبلك ويبقي ريح البشريه منه
اتجوزي وخلاص حتي لو لسه بالغ امبارح
هوة دة كل شئ قسمة ونصيب وربنا يوفقك
عليك بالدعاء ثم الدعاء ثم الدعاء و تحرى اوقات الاجابة
كله قسمه ونصيب بس حاولى تخلى الخطأبعيد عنك وعيشى الواقع
الاهم ف الرجل رجولته كأن يقوم بحمايتك وتوفير كل وسائل الحياه لكى
وانتى تكونى م}منه انك هتتزوجى عشان تبنى برج على قطعه ارض فضاء
هتبنى رجل زى مانتى عاوزاه يكون وتبنى بيت زى مانتى حلمتى بيه وتربى اولادك التربيه اللى اتمنتيها
هتعملى من حياتك الزوجيه برج عظيم من الصفر
ومش مهم اى شى قبل ماتتعرفو على بعض
وربنا هيوفقك
وايه يعني انتي لسه صغيره انا اتجوزت وانا عندي ٢٨ سنه المهم الشخص المناسب ويكون يعرف ربنا كويس وان الله مع الصابرين
وايه يعني انتي لسه صغيرةانا اتجوزت وانا عندي ٢٨ سنه بس المهم الشخص المناسب ويكون يعرف ربنا كويس وان الله مع الصابرين
وفى السماء رزقكم وماتوعدون .نصيبك موجود ورزقك محدش هياخده غيرك وتسعه وعشرين مش نهاية الكون يعنى عارفه انك قلقانه دا طبيعى اى بنت كدا .وع فكره ان لاقيتى شاب مناس واصغر منك بسنه او اتنين ايه المشكله سيدنا محمد عليه الصلاة والسلاام اكبر دليل ع كده.ربنا يطمنك ويريح بالك مع اللى يستاهلك ويريح قلبك خلى بالك اوعلا تتسرعى فاى حاجه وتقولى احسن اعنس والكلاام بتاع الجهله دا.استنى الراجل المناسب احسن من الندم بعد فوات الوان .ربنا يوفقك
عادي حبيبتي عيشي حياتك انا عمري سته وعشرين سنه وبيتقدمولي شباب لكن برفض عشان مش لقيت الانسان المناسب .. اختي الاكبر مني اتجوزت وهيا اربعه وعشرين لكنها للاسف تعيسه فحياتها التسرع في الزواج مش حل لعله خير ليكي ولاهلك .. ربنا يرزقنا واياكِ الزوج الصالح
لا تتزوجى من شخص اصغر منك سنا..لان المرأة تكبر اسرع من الرجل…انتظرى نصيبك..ولا تتزوجى الا من الشخص الذى يناسبك من جميع الوجوه…لانك لن تتزوجى كل يوم…انا تزوجت وعمرى 32 سنة ..لا تتسرعى وانتظرى الشخص المناسب
ماتدايقييييييش نصيبك هيجى فى معاده والانسان اللى هتتجوزيه مكتوب اسمه من قبل ما تتولدى
وماحدش عارف الخير فين لسه ربنا رايدلك الخير بعدين
ربنا يرزقك بالزوج الصالح اللى يسعدك يارب انتى وكل بنات المسلمين اللهم اميييييييييين
قسمة ونصيب وانتي لسه صغيرة انا عمرى 28سنه وبتقدم لبنات عمرهم30واكبر والرسول عليه الصلاة والسلام كان متجوز اكبر منه ربنا يرزقيق بافضل عريس تفرحي بي انتي واهليك ان شاء الله
وايه المشكلة انتي لسه في عز شبابك مش نهاية المطاف يعني وسيبك من المعقدين بتوع العنوسة والقطر قرب يفوت ارمي كلامهم ورا ضهرك وتتأخري شوية احسن ما ترتبطي بالشخص الغير مناسب
اولا كل شئ قسمة ونصيب
ثانيا انتي لسة صغيرة مش عشان عندك 29 يبقي كبيرة ابدا دة الحال دلوقتي انا متزوجة من 3 شهور وكنت مستعجلة بس دلوقتي نفسي ارجع زي الاول نصيحة عيشي حياتك مع اهلك علي اد ما تقدري لانها مش بتتعوض ابدا حتي لو جوزك ملاك
حبيبتي وايه المشكله فرق سنتين مش كتير خالص المهم يكون فيه حب وقبول بينكم لو فيه مشاعر صادقه منه توكلي علي الله ولا تتراجعي ودعي الامور تمشي وصلي استخارة كتير المهم يكون الدافع عندة وعندك حب مش فلوس او زواجه سهله اظنك فهماني لازم يكون بيحبك بجد وزي حضرتك ما قلتي نصيبك لسه مجاش ربنا يزيدك ايمان
بس النبي محمد تزوج من امنا خديجه وهي عندها 40سنه وهو عندو 25سنه المهم اتفاهم في معنى الحياة وتلبية كل واحد لرغبات التاني بشرف
ان الله مع الصابرين