انا عندى 22 سنه اتقدم لى اكتر من شخص طول الفتره اللى فاتت لكن بالنسبه لي انا مكنتش حساهم مناسبين فمكنتش بتاثر كتير حتى لو مجوش تانى وطلبوا رأيى لكن فى الفتره الاخيره اتقدم لى شخص وبصراحه ارتحت له الى حد ما بعكس كل اللي اتقدموا ليا قبل كده بعدها بيومين جاء هو ووالدته وعمته كي يرونى واتكلموا معايا وبعدين فى اخر الاسبوع جاء هو ووالده بيتنا ومن يوميها لم نسمع عنهم اي اخبار او اي شى لاتمام الخطوبه ..انا بس اللى ضايقنى انه سالنى عن رايى وقلتله ان فيه قبول لو كنت اعرف انهم هيقلوا بقيمتى كده ومش هيعبرونى انا واهلى مكنتش فكرت انى اقابلهم اساسا بجد انا مخنوقه وكل ما افتكر الموضوع تصعب عليا نفسى لكن اللي بيصبرنى انى صليت استخاره وقلت يا رب لو خير قدمه ليا لو شر ابعده عنى لكن انا مش قادره اتقبل فكره الرفض اكتر من كده انا اعصابى تعبتت وخاصه اهلى بيضعطوا عليا كتير.
هموم البنات
احساسى بعدم الثقه بنفسى بسبب العرسان
اضيف بتاريخ: Wednesday, March 16th, 2016 في 06:30
كلمات مشاكل وحلول: الخطوبة, الزواج, بنت, شاب, صلاة الاستخارة
ده اول مرة ادخل الموقع بس احب اقولك ده الطبيعى انك تتخنقى لا تقلقين من ذلك ولكن الثقة بنفسك هتخرجك من هذا الضيق.طيب وانت صليتى استخارة ومشى يعنى ربنا سبحانة وتعالى مش ريده ليكى
ان شاء الله ربنا كريم وخليكى طماعة فى الطلب لان انتى بتطلبى من الرزاق الكريم.
احساسى بعدم الثقه بنفسى بسبب العرسان
(ليس أقدر من الشخص نفسه على حل مشكلتة فأنا لا أحل المشكلة جذريا ولكني أضيء له الأنوار ليرى فيها جوانب لن يراها من نفسه )
بسم الله الرحمن الرحيم – الشاكية الحساسة أوي / بعد التحية
ليست هذه أول ولا أخر مره تتخطبي فيها – سوف يتقدم لك الكثير واعلمي أنك في سوق مثلا تتجولى فيه فتشاهدي بضائع ومنتجات على مختلف الأذواق منها ما يعجبك ومنها ما يبهرك ومنها مايثير عندك علامة استفهام ومنها ماتحبي أن تقتنيه وتتعلقي به لدرجة الجنون وتشتريه – هكذا سوق الجواز وللجنسين علفكره مش البنات بس – يعنى للشباب والبنات على السواء
وحين تقدم لك شخص انتى قيمتيه من طرفك وأردتي أن يتصرف بطريقة تشبع عواطفك والموضوع أصلا بالنسبه له غير بالنسبه لك أنتي – يجب أن تهدي أعصابك ولا تأخذي المواضيع بحساسية زائده – لن تجدي ما يعجبك بدرجة الكمال لكنك ستجدي شيئا مرضيا ولا غبار وقتها على الموافقة والإختيار – اسمعي انتى مش هتلاقي طلبك بدقة متناهيه لا انتى هتختاري المناسب وقد يحمل بعض السلبيات لكنك سوف تتغاضى عنها – أما أنك هتفوزي بملاك من السماء متحطيش دا في بالك علشان متتعبيش ربنا يسعدك ويحميكي
اختي طيب هم الشاب واهله جاؤكم الى البيت وشافوكي ولم يحددوا شئ وانتم لماذا لم تتواصلوا معهم وتعرفوا ايه هي ظروفهم المفروض ابوكي اوماماتك يسالوا عنهم ويعرفوا ايه هي الظروف التي خلتهم ماعاد ردوا عليكم اوجاءوا تاني وعلى العموم كل شئ قسمةونصيب يمكن ربنا يريد لك خير منهم وماتستعجلي كل شئ باوانه وانت لسه صغيرة وبعزشبابك والف من يتمناكي ياقمر البنات مايكون في خاطرك ايو شي ابدا نصيبك باذن الله جاي وعن قريب نشاءالله وكل تاخيرة وفيها خيرة نشاءالله وخليك واثقة بنفسك وواثقة من ربنا عزوجل بانه سوف يكرمك ويجعلك مخرجا مماانت فيه ويرزقك بابن الحلال الصالح اللي يستاهلك ويقدرك ويسعدك تحياتي لك